JIʼTE 18

Ke fing ne kwite o ne jye mkritè nyenyô ?

YOU’ NE

Medou pô gôm ge wap be mkritè. Daʼge potse tsye wap bing a le pe hwegne, ke ba potse tsye wap ging ne a, le pe hwegne le. Poʼo, pe fing ne jye pô pye wap be mkritè nyenyô a m tchi ge ke ?

1. Taʼ kritè be we ?

Mkritè be pekhu Yéso Kristo, ke pô pye wap ging ne mkwe mye a le. (Ké Mfaʼ 11:26.) Wap daʼte ge wap be pekhu Yéso m tchi ge ke ? É le ghôm ge : “A pe ge po woung ne ghôm tse, be po be pekhu pe nyenyô.” (Yohané 8:31) A thoute ge mkritè nyenyô gô pe youʼgne ne potse tsye Yéso jiʼte a. Paʼ Yéso le be goung mtam awè be jiʼte ywe ye Bible gôm a bi pômneng a, mkritè nyenyô gre pe kwaʼ paʼ yu a.—Ké Loukasi 24:27.

2. Mkritè nyenyô daʼte koungne m tchi ge ke ?

Yéso le ghôm bi pekhu pye ge : “Po pe khoungne wô wô, paʼ de khoung wô a.” (Yohané 15:12) Yéso le laʼte ge é khoung pekhu pye m tchi ge ke ? É le be tchye tam pou a wap, be ha kaktuô bi pou, neng be kwite wap. É le ha ba vôk tsye ne yap tse. (1 Yohané 3:16) Paʼ Yéso a, mkritè nyenyô te gôm daʼ nwe ne koungne pe; wap tchye ba m ne mfaʼ map daʼte ge wap khoung pyeshe pô.

3. Mkritè nyenyô faʼ tsa faʼ ?

Yéso le ha faʼ bi pekhu pye. “É le tem wap ge wap ghô shyagne nwe Nefo Si.” (Loukasi 9:2) Mdendze mkritè late be sing Ghôm Si daʼ tsuʼ ye wap le be gamte Si ne a pe, wap le be gre ya ba ne myeshe mtsuʼ mye pômneng le be ne a, ba mdye pô. (Ké Mfaʼ 5:42; 17:17.) Dendeng poʼo, mkritè nyenyô tyôʼô sing Ghôm Si ba tsuʼkele ye pômneng be ne a. Wap khoung pyeshe pô, poʼo, wap tchente ŋwègne ne wim yap tam ba guʼ yap, ne gapte mtchoung pepoung Bible ne mtyèʼdzu dze pepoung, ba juete bi pô.—Markousi 12:31.

PING TCHENG NE GÔ DZE

Sè nwe ne potse tsye a gre ge mkritè nyenyô le pe hwegne pou a pô pye wap te ging ne mjiʼte Yéso ba foʼte é a pe.

4. Wap tcheng nyenyô tchum Bible

Mdendze mkritè le be ning deng ne Ghôm Si

She pô pye wap gôm ge wap be mkritè a, te kwè ge a be mtuôdeng ne youʼ nyenyô ye a tchum Bible a pe, ke ne ying ne le. Yô VIDÉO, neng gômte ne hente yenge.

VIDÉO: Comment la chrétienté a-t-elle été corrompue (5:11)

She mtchôsi mye wap gôm ge wap be mkritè a, le ghe la ne ne khô paʼ pômneng gô lagne mjiʼte Yéso a ?

Yéso le jiʼte nyenyô ye a fe tchum Ghôm Si a. Ké Yohané 18:37, neng gômte ne hente yenge :

Yéso gôm ge pe fing ne jye pô pye wap be “ne ye gheng nyenyô a” m tchi ge ke ?

5. Wap tchwiʼte nyenyô Bible

Mdendze mkritè le be sing Ghôm Si bi pyeshe pô

Yéso le ne pue kèbeng, ha taʼ faʼ bi pekhu pye, faʼ tsye a gô pe m dze te tham a tyôʼ a. Ké Matio 28:19, 20 ba Mfaʼ 1:8, neng gômte ne hente yenge :

Wap le be gô sing Ghôm Si te kem ha, te kem ba m tchweke ?

6. Wap ging ne ywe ye wap jiʼte bi pô a

Ke le kwite taʼ mbè ye tso tsye be Tôm a ne tchente bing ge é yô mkritè nyenyô ? Yô VIDÉO, neng gômte ne mhente menge.

VIDÉO: Jʼai rejeté la religion (5:20)

Tchum vidéo, ke le gre ge Tôm waʼ tchôsi ?
Ke le kwite é ne tchente bing ge é yô pô pye wap foʼte Yéso kwaʼ nyenyô a ?

Mfaʼ be a tchye mghôm. Ké Matio 7:21, neng gômte ne hente yenge :

Ke be ye mtuôdeng téʼ bi Yéso,—ywe ye pe gôm ge pe bing a ke ywe ye pe daʼte tchye m ne mfaʼ môkpe a ?

7. Wap khoungne tchetche pou

Mdendze mkritè le be gre koungne tchetche pou

Mkritè tsèm fe tcheng kwaʼ nyenyô ne ha vôk tsap ne ye tse mfe pap mkritè a ? Yô VIDÉO, neng gômte ne hente yenge.

VIDÉO: Il était prêt à donner sa vie (2:55)

Tchum vidéo, ke le tsegne Lloyd ne ping ne ha vôk tsye ne ye tse fe Johansson ?
O kwè ge é le ghe paʼ taʼ kritè nyenyô a ?

Ké Yohané 13:34, 35, neng gômte ne mhente menge :

Pekhu Yéso (mkritè nyenyô) gô pe ghe m ge ke pou a pô pye wap fe ne mouʼ goung a, ke be wap ghe mouʼ ting gwôp ne a le ?
Wap gô pe ghe poʼo tchwe ye shou si a m tchi ge ke ?

SHE PÔ GÔM GE : “Mkritè be wap ghe potse tchwepoung téʼ —poʼo, wap fing ne pe tchôsi nyenyô m tchi ge ke ?”