NLÔ AJÔ 18
Beza be ne benya Bekristen?
Bemillion be bôt ba tametane na be ne Bekristen. Ve bese be nji bi avale bedo’otene da, nge ke bo mam avale da. Nde, aval avé bi ne yeme beza be ne benya Bekristen?
1. Za a ne Kristen?
Kristen é ne môt ase a tôñ éve’ela Yésus Krist. (Lañe’e Mam Minlôman 11:26.) Aval avé môt a liti na a ne ñyé’é Yésus? Yésus a nga jô na: “Nge mia ba’ale mejô mam melu mese, wôna mi ne fo’o beyé’é bam.” (Jean 8:31) Nalé a tinane na benya Bekristen ba yiane tôñe miñye’elan mi Yésus. Mame mese Yésus a mbe a ye’ele’e me mbe me so’o Kalate Zambe. Aval ete da da, Bible nnye a yiane bo mbôka’a ya mbunane benya Bekristen.—Lañe’e Luc 24:27.
2. Aval avé benya Bekristen ba liti na ba nye’esan?
Yésus a nga jô beyé’é bé na: “Miabebien, nye’esa’an, aval ane me nga nye’e mia.” (Jean 15:12) Aval avé Yésus a nga liti na a nye’e beyé’é bé? A mbe a lôte’ éyoñ a be, a va’a be ngule nyul, a su’u fe be. A nga bele fe ve ényiñe jé asu dap. (1 Jean 3:16) Aval ete da da, benya Bekristen ba jô ke ve anyu anyu na ba nye’esan, ba liti de a mimboon.
3. Ésaé évé benya Bekristen ba bo?
Yésus a nga ve beyé’é bé beta ésaé. “A nga lôme be be ke kate foé ya ayoñe [nge ke Éjôé] Zambe.” (Luc 9:2) Bekristene ya ntete mimbu ôsu be nji be be kañete’e ve menda me zambe été, be mbe be kañete’e fe menda menda, a vôm ase be mbe be koone bôt. (Lañe’e Mam Minlôman 5:42; 17:17.) Benya Bekristene fe ba bo nalé den asu na be kañete bôt benya mejôô vôm ase. Ba nye’e bôte bevok, ajô te ba wô’ô mvaé ya belan éyoñe jap a ngule jap ése na be ye’ele be mejô me Zambe, amu mme ma ye soo be ndi nlem a mvolane minlem.—Marc 12:31.
TUKA’A FAK
Yene’e nsela’ane a ne zañe benya Bekristen a bôte ba tôñe ki miñye’elane mi Yésus a mbamba éve’ela a nga liti bia.
4. Ba jeñe benya mejôô ya Bible
Bekristene ya ntete mimbu ôsu be mbe be nye’e Kalate Zambe
Bôt béziñ ba jô na be ne Bekristen a too ke na be nji yene mfi ya yé’é benya mejôô nge ke tôñe me. Futi’i VIDÉO, mvuse ya valé, yala’ane nsili wu.
-
Aval avé miñyebe miziñ mi nga joñôlô bôt a miñye’elane miap?
Yésus a nga ye’ele benya mejôô ba so Kalate Zambe été. Lañe’e Jean 18:37, mvuse ya valé, yala’ane nsili wu:
-
Yésus a nga jô na bi ne yeme beza be ne “benya” Bekristen a zene fé?
5. Benya Bekristen ba kañete mejô me Zambe
Bekristene ya ntete mimbu ôsu be mbe be kañete’e bôte bevok
Ôsusua na Yésus a bulane yôp, a nga ve beyé’é bé ésaé ya bo. Ésaé éte ja ke ôsu a boban azukui den. Lañe’e Matthieu 28:19, 20 a Mam Minlôman 1:8, mvuse ya valé, yala’ane nsili wu:
-
Abim avé ésaé nkañete ja yiane boban?
6. Benya Bekristen bebiene ba bo mame ba ye’ele bôte bevok
Jé é nga ve Tom njika’ane na a yeneya nya ékaña’a? Futi’i VIDÉO, mvuse ya valé, yala’ane minsili mi.
-
Jé é nga bo na Tom a jô’é ajô miñyebe?
-
Jé é nga ve nye njika’ane na a yeneya benya Bekristen?
Mame môt a bo ma dañe mfi a lôt abui nkobô. Lañe’e Matthieu 7:21, mvuse ya valé, yala’ane nsili wu:
-
Jé ja dañe mfi mise me Yésus? Ye éyoñ môt a jô anyu na a bili mbunan, nge ke éyoñ a liti de mimboone mié?
7. Benya Bekristen ba nye’esan
Bekristene ya ntete mimbu ôsu be mbe be nye’esane fe“
Ye e kuiya fo’o môs éziñ na Kristen é fam awu asu Kristene fok? Futi’i VIDÉO, mvuse ya valé, yala’ane minsili mi.
-
Jé é nga tindi Lloyd na a fam awu asu Mojañ Johansson?
-
Ye wo simesane na jam a nga bo da liti na a ne nya Kristen?
Lañe’e Jean 13:34, 35, mvuse ya valé, yala’ane minsili mi:
-
Aval avé beyé’é be Yésus (benya Bekristen) ba yene bôte ya meyoñ mese?
-
Jé benya Bekristen ba yiane bo éyoñ bita bia bôlé?
BÔTE BÉZIÑ BA JÔ NA: “Bi kusa bo ñyebe ôvé, bia bese bia kañe Zambe”
-
Éfuse ya Kalate Zambe évé ô ne belane je asu na ô liti môte na, bi ne ngule ya yeme beza be ne benya Bekristen?
ÔBALEBAS
Benya Bekristene ba tôñe miñye’elane ya Bible, ba nye’esan, a ba kañete bôt benya mejôô.
Ô ne yalan aya?
-
Jé é ne mbôka’a ya mbunane benya Bekristen?
-
Fulu fé benya Bekristene ba yiane dañe liti?
-
Ésaé évé benya Bekristen ba yiane bo?
MAM MEFE ME NE VOLÔ WO
Yene’ avale nsamba bôt éziñ wo ve ngul ése na be tôñ éve’ela Yésus a miñye’elane mié.
Yene’e jam e nga volô minga éziñ a mbe ayôñ mbuni nda zambe jé na a yene “mbamba nda bôt ya nsisim.”
Yene’ aval avé benya Bekristen ba liti na ba nye’e bobenyañ bap éyoñe ya minjuk.
Yene’e mame ma bo’olô na benya Bekristene ya den ba bo ane ba ya ntete mimbu ôsu mfa’a ya tôñ éve’ela Yésus a nga liti be.
You May Also Like
MINSILI BÔTE BA SILI
Jé é ne ayé’é Kalate Zambe?
Jeñe biyalane ya minsili a lat a nta’ane mame wongan asu ayé’é Kalate Zambe e zezé.
