LECCION 18
Si Paquemodo Conoce con el Maga Deverasan Cristiano
Billones de maga gente el ta clama que Cristiano sila. Pero, gendeh igual el cosa sila ta creé y el maga principio que ta sigui sila. Poreso, paquemodo kita puede conoce con el maga deverasan Cristiano?
1. Cosa el un Cristiano?
El maga Cristiano amo maga dicipulo o siguidores de Jesucristo. (Le con el Maga Actividad 11:26.) Paquemodo sila ta dale mira que maga dicipulo sila de Jesus? Si Jesus ya habla: “Si ay esta ustedes fiel na dimio Palabra, ay queda ustedes mi maga dicipulo.” (Juan 8:31) Quierre decir, el maga deverasan Cristiano debe obedece con el maga enseñanza de Jesus. Y igual si paquemodo si Jesus yan base con el de suyu enseñanza na Biblia, el maga deverasan Cristiano tan base tambien con el cosa sila ta creé na Biblia.—Le con el Lucas 24:27.
2. Paquemodo el maga deverasan Cristiano ta dale mira amor?
Ya habla si Jesus con el de suyu maga siguidores: “Ama ustedes con uno y otro, igual como ta ama yo con ustedes.” (Juan 15:12) Paquemodo si Jesus ya dale mira que ta ama le con el de suyu maga dicipulo? Ya dale le tiempo para man junto, anima y ayuda kanila. Ya dale pa gane le maskin el de suyu vida para kanila. (1 San Juan 3:16) Igual con Jesus, el maga deverasan Cristiano gendeh lang tan cuento acerca na amor. Sino, ta dale se sila mira na diila maga palabra y accion.
3. Cosa trabajo ta hace el maga deverasan Cristiano?
Ya dale si Jesus con el de suyu dicipulo un trabajo. “Ya imvia Le canila para anuncia el Reino de Dios.” (Lucas 9:2) El maga Cristiano de antes ta predica, gendeh lang na maga lugar onde sila ta adora con Dios, sino na maga publico lugar tambien y na casa del maga gente. (Le con el Maga Actividad 5:42; 17:17.) Na igual manera, el maga deverasan Cristiano ahora ta predica con el verdad maskin onde tiene gente. Ta ama sila con otro, poreso alegre sila ta usa con el diila tiempo y fuerza para manda sabe con otro el esperanza y comforta na Biblia.—Marcos 12:31.
APRENDE PA MAS
Considera si cosa el diferencia del maga deverasan Cristiano con aquellos quien gendeh ta sigui na maga enseñanza y ejemplo de Jesus.
4. Ta busca sila con el verdad na Biblia
El maga Cristiano de antes ya dale importancia con el Palabra del Dios
Gendeh todo quien ta clama como maga Cristiano ta dale importancia con el verdad na Biblia. Man play con VIDEO y despues, discuti con el pregunta.
-
Cosa ya hace el cuanto maga religion para sangga con el maga gente que aprende con el cosa ya enseña si Jesus?
Ya enseña si Jesus con el verdad base na Palabra del Dios. Le con el Juan 18:37 y despues, discuti con este pregunta:
-
Asegun con Jesus, paquemodo kita puede conoce con el maga Cristiano “quien ta sigui na verdad”?
5. Ta predica sila con el verdad
El maga Cristiano de antes ya predica con otro
Antes subi si Jesus na cielo, ya dale le con el de suyu maga siguidores un trabajo que ta continua siempre hasta ahora. Le con el Mateo 28:19, 20 y Maga Actividad 1:8, y despues, discuti con este pregunta:
-
Paquemodo de grande el trabajo predicacion que necesita hace?
6. Ta aplica sila con el cosa sila ta predica
Cosa el ya puede convinci con el un hombre que si Tom que ya incuntra ya le con el deverasan Cristianidad? Man play con el VIDEO y despues, discuti con el maga pregunta.
-
Na video, cosa el ya causa para perde el interes de Tom na religion?
-
Porque le convincido que ya incuntra ya le con el verdad?
Mas importante el cosa kita ta hace contra na cosa kita ta habla. Le con el Mateo 7:21 y despues, discuti con este pregunta:
-
Cosa el mas importante para con Jesus—el cosa kita ta habla o el cosa kita ta dale mira na diaton maga accion?
7. Ta ama sila con uno y otro
El maga Cristiano de antes ya ama con uno y otro
Tiene ba maga Cristiano quien ya dale el diila vida para na diila maga hermano y hermana? Man play con el VIDEO y despues, discuti con el maga pregunta.
-
Na video, cosa el ya manda move con Lloyd para pone na peligro con el de suyu vida para con Hermano Johansson?
-
Para contigo, ya actua ba le como un deverasan Cristiano?
Le con el Juan 13:34, 35 y despues, discuti con este maga pregunta:
-
Paquemodo el maga dicipulo de Jesus (maga deverasan Cristiano) ta trata con aquellos de otro raza o nacion?
-
Si tiene guerra, cosa hay hace el maga Cristiano por causa na amor?
EL CUANTO TA HABLA: “Igual lang el todo maga Cristiano. Gendeh importante si cosa el de tuyu religion.”
-
Cosa texto tu puede le para dale mira si paquemodo kita puede conoce con el maga deverasan Cristiano?
SUMARIO
El maga deverasan Cristiano ta sigui con el maga enseñanza na Biblia, ta dale mira deverasan amor y ta predica con el verdad na Biblia.
Repaso
-
Na onde tan base el maga deverasan Cristiano con el cosa sila ta creé?
-
Cosa calidad el ta identifica con el maga deverasan Cristiano?
-
Cosa trabajo ta hace el maga deverasan Cristiano?
SABE PA MAS
Aprende pa mas acerca con el un grupo de maga gente quien ta sigui con el ejemplo y maga enseñanza de Jesucristo.
Mira si paquemodo el un madre de antes ya incuntra “un deverasan espiritual familia.”
“Ya Usa Sila con el Biblia Para Contesta con el Cada Pregunta!” (The Watchtower, Abril 1, 2014)
Sabe si paquemodo el maga deverasan Cristiano ta dale mira amor con el diila maga hermano quien necesita ayuda.
Ayuda Para na Maga Hermano si Tiene Calamidad—Excerpt (3:57)
Examina si paquemodo el maga Cristiano de antes y ahora ya puede cumpli con el cosa ya habla si Jesus acerca na de suyu maga deverasan siguidores.
“Cosa el Identificacion del Maga Deverasan Cristiano?” (The Watchtower, Marzo 1, 2012)
Baka Gusta Tambien Tu
MAGA COMON PREGUNTA
Cosa el Bible Study que Ta Ofrece el Maga Testigo de Jehova?
Na programa de Bible study que ta ofrece el maga Testigo de Jehova, puede tu usa maskin cosa translation de Biblia. Puede tu invita con el de tuyu entero familia o maskin quien amigo para man junto contigo.
