ISHOMO RYA 18
Oku turi kubasa kumanya Abakristo ab’amazima
Abantu bingi nibagamba ku bari Abakristo. Konka tibari kushushanisa enyikiriza kandi tibari kugendera aha misinge emwe. Mbwenu shi ni bata oku turi kubasa kumanya Abakristo ab’amazima?
1. Omukristo ni oha?
Abakristo ni abegi ninga shi abakurasi ba Yesu Kristo. (Shoma omu Byakozirwe 11:26.) Ni enki ekiri kwereka ku bari abegi ba Yesu? Akagamba ati: ‘Ku murahamire aha kigambo cange, nimuba muri abegi bange buzima.’ (Yohaana 8:31) Eco nikimanyisa ku Abakristo ab’amazima bashemerire korobera enyegesa za Yesu. Nambwenu nk’oku Yesu yabire ari kwegesa ebiri omuri Bibuli ni co n’Abakristo ab’amazima bashemerire kukora.—Shoma omuri Luka 24:27.
2. Ni bata oku Abakristo ab’amazima bari kwereka rukundo?
Yesu akagambira abakurasi beye ati: ‘Mukundane nk’oku nabakunzire.’ (Yohaana 15:12) Ni bata oku Yesu yayerekire ku nakunda abegi beye? Akaba namara na bo obwire, abagumya kandi abakwasa. Nambwenu akabafira. (1 Yohaana 3:16) Ni co kimwe, Abakristo ab’amazima nibakora ekiri kukira aha kugamba ku nibakundana. Nibereka ku nibakundana omu bigambo n’omu bikorwa.
3. Ni guha murimo mukuru ogu Abakristo ab’amazima bari kukora?
Yesu akaha omurimo abegi beye. ‘Akabatuma kugamba eby’Obukama bwa Ruhanga.’ (Luka 9:2) Abakristo b’omu kinyigana c’okubanza tibaraburire omu maramizo kusha, ahobwe bakaburira n’omu ndijo myanya erimu abantu bingi n’omu maka g’abantu. (Shoma omu Byakozirwe 5:42; 17:17.) Ni co kimwe n’omuri obu bwire, Abakristo ab’amazima nibaburira obutumwa bw’omuri Bibuli hona ahu bari kushanga abantu. Rukundo eyi bari kukunda batahi babo netuma bamara obwire bwabo n’amani gabo bari kubagambira obutumwa bw’omuri Bibuli oburi kubahumuriza kandi bukabaha amasiko.—Mako 12:31.
YEGA BYINGI
Reba oku ori kubasa kutanisa Abakristo ab’amazima n’abantu abatari kukuratiza enyegesa za Yesu n’ecokureberaho ceye.
4. Nibarondesa amazima g’omuri Bibuli
Abakristo b‘omu kinyigana c‘okubanza bakaba nibaha Ekigambo ca Ruhanga ekitinisa.
Ti ko bona abari kweyeta Abakristo ngu nibareba amazima g’omuri Bibuli nk’ag’omuhendo. Zana VIDIYO, rero muganire ahari eki kibuzo.
-
Ni bata oku amadini mingi agari kweyeta ag’Abakristo garemirwe kwegesa enyegesa za Yesu?
Yesu akaba nayegesa amazima g’omu Kigambo ca Ruhanga. Shoma omuri Yohaana 18:37, rero muganire ehari eki kibuzo:
-
Nk’oku Yesu yakigambire, ni bata oku turi kubasa kumanya Abakristo ‘ab’amazima’?
5. Nibaburira amazima g’omuri Bibuli
Abakristo b‘omu kinyigana c‘okubanza bakaba nibaburira abandi
Yesu atakagarukire omu iguru, akaha abakurasi beye omurimo ogucagumizemu n’omuri obu bwire. Shoma omuri Matayo 28:19, 20 n’Ebyakozirwe 1:8, rero muganire ahari eki kibuzo:
-
Omurimo g’okuburira gukaba nigwija kukorwa kuhisya nkahe?
6. Nibakora ebi bari kwegesa
Ni enki ecahamize omushija ori kwetwa Tom ku yabwine edini y’amazima? Zana VIDIYO, rero muganire ahari ebi bibuzo.
-
Nk’oku wakireba omuri vidiyo, ni enki ecatumire Tom yayanga amadini?
-
Ni enki ecamuhamize ku yabona amazima?
Omuntu yagamba ngu ni omukurasi wa Yesu ashemerire kubyereka omu bikorwa. Shoma omuri Matayo 7:21, rero muganire ahari eki kibuzo:
-
Nk’oku Yesu yakigambire, ahabw’enki kugamba ngu turi abakurasi ba Yesu kitari kumara?
7. Nibakundana
Abakristo b‘omu kinyigana c‘okubanza bakaba nibakundana
Mbehi Abakristo ab’amazima nibata amagara gabo omu kabi ahabw’Abakristo bagenzi babo? Zana VIDIYO, rero muganire ahari ebi bibuzo.
-
Nk’oku wakireba omuri vidiyo, ni enki ecatumire mwenetata Lloyd yata amagara geye omu kabi aha bwa mwenetata Johansson?
-
Mbehi notekateka ngu akatwaza nk’Omukristo w’amazima?
Shoma omuri Yohaana 13:34, 35, rero muganire ahari ebi bibuzo:
-
Ni bata oku abegi ba Yesu (Abakristo ab’amazima) bashemerire kutwariza abantu abu batari kubuganisa obwoko?
-
Ni bata oku bashemerire kutwaza basyoya omu bwire bw’orutaro?
ABANTU ABAMWE NIBAGAMBA NGU: “Abakristo bona ni bamwe ebi bakuba bari kwikiriza byona.”
-
Ni kiha cahandikirwe eki ori kubasa kugambira omuntu ekiri kwereka oku turi kubasa kumanya Abakristo ab’amazima?
EMPINYE
Abakristo ab’amazima nibakuratira enyegesa z’omuri Bibuli, bereka rukundo etarimu okwekunda kandi baburira amazima g’omuri Bibuli.
Wayega ki?
-
Enyikiriza z’Abakristo ab’amazima zishemerire kuba zegamire ahari ki?
-
Ni guha mutwarize oguri kwereka Abakristo ab’amazima?
-
Ni guha murimo ogu Abakristo ab’amazima bari kukora?
CONDOZA
Manya byingi aha bantu abari kukuratiza enyegesa za Yesu n’ecokureberaho ceye.
Reba oku omubikira yabwine eka y’eby’omwika ehikire.
Reba oku Abakristo ab’amazima bari kwereka rukundo bagenzi babo abahikirweho ebigwererezi.
Nitukwasa benetata abahikirweho ebigwererezi—Akacweka (3:57)
Shwijuma oku Abakristo b’omu kinyigana c’okubanza n’ab’omuri obu bwire bari kukora ebiri kubugana n’ebi Yesu yagambire ebyabire birije kwereka abakurasi beye.
