YOTAANTSI 18

¿Jaoka ikantajeitari kemisantaperotatsiri?

REPRODUCIR EN

Osheki atiripee ikantashita iritake kemisantatsiri, iro kantaincha yantayetiro kaari kameetsatatsi, ¿jaoka onkantyari ayoteri jaanika kemisantaperotatsiri?

1. ¿Jaoka ikantari kemisantaperotatsiri?

Yora kemisantaperotatsiri yoijatiri Jesoquirishito (piñanatero Itiancaneni Jesoshi 11:26). ¿Jaoka okantari yoijatantanajariri? Ikantake Jesoshi: “Ariorica pincantaitatiyempani pishiretearo noneane, avirosanojeitaque noamere” (Joa 8:31). Maaroni kearioperori kemisantatsiri ikemisantiri Jesoshi. Yora kemisantaperotatsiri ikamantakotiro Iriñane Tasorentsi kempe Jesoshi (piñanatero Irocashi 24:27).

2. ¿Jaoka okantari inintanti kemisantaperotatsiri?

Ikantajeitakeri Jesoshi oijajeitiriri “tempa nonintajeitimpi narori. Aisati pinquempetea avirori, pinintavacaajeitea” (Joa 15:12). Inintasanotiri Jesoshi oijajeitiriri. Iriori itsipajeitakari, yoimoshirenkajeitakeri, yamitakojeitakeri aisati ikamimentakeri (1 Joa 3:16). Kempe Jesoshi yora kemisantaperotatsiri iñanatakotiro inintee aisati yoinijantiro inintanti.

3. ¿Paita kameetsatatsiri yantiri kemisantaperotatsiri?

Ikantakeri Jesoshi oijajeitiriri “pijajeite […] pincamantajeiteri atiri: ‘Irotaintsi impincatsariventajeitempi Tasorentsi’” (Irocashi 9:2). Yora jibatatsiniri kemisantatsiniri te apinto yobametanti ibankoki Tasorentsi aisati yobametanti ibankopeeki atiri, jaokarika itimiri (piñanatero Itiancaneni Jesoshi 5:42; 17:17). Meeka aisati yora kemisantaperotatsiri yobametakotiro Iriñane Tasorentsi jaokarika itimayetiri atiri, inintasanotiri ishaninkapee irotake ikamantantariri irantayeteri Tasorentsi koajikani (Maricoshi 12:31).

PIYOTASANOTERO YOTAANTSIKA

Tsame ayotero yora kemisantaperotatsiri te inkempetyariji kemisantashiyetachari.

4. Yamenasanotiro okantayetiri Bibiria

Yora kemisantajeitatsiniri ikemisantiro Iriñane Tasorentsi.

Osheki kemisantashitachari te inkemisanteroji okantiri Bibiria. Pamenero SHIAKAANTSI aisati pinkenketsatabakaajeitya:

SHIAKAANTSI: Cristianotatsiri inijantareanajiro keariotatsiri (5:11)

Te inkoyeji aparopee kemisantashitachari iriyotero atiri keariotatsiri, ¿jaoka ikantajeitakeriri?

Yobametantakero Jesoshi keariosanotatsiri. Piñanatero Joa 18:37 aisati pinkenketsatabakaajeitya:

¿Jaanikampa “iotavaquerori queariotasanotatsiri”?

5. Ikamantantiro okantasanotiri Bibiria

Yora kemisantajeitatsiniri ikamantantini.

Tekera irijateji Jesoshi inkiteki yobanajiniri iroamerepeeni kameetsari antabeerentsi, irosati meeka otimi oka antabeerentsi. Piñanatero Mateo 28:19, 20 aisati Itiancaneni Jesoshi 1:8. Impoiji pinkenketsatabakaajeitya:

¿Jaoka onkarate osamanite inkamantante kemisantatsiri? Aisati, ¿jaoka irijateri inkamantante?

6. Imonkaratiro okantayetiri Bibiria

Iyotakero Tom jaoka ikantari kemisantaperotatsiri. Pamenero SHIAKAANTSI aisati pinkenketsatabakaajeitya:

SHIAKAANTSI: Kemisantashiyetachari yamatabitakena (5:20)

Piñakero shiakaantsika, ¿paitakea yojokantanakariri Tom kemisantashiyetachari?
¿Paitakea iyotantakari shirampari Tom iñakeri kemisantaperotatsiri?

Pimonkaratero piyotabakeri. Piñanatero Mateo 7:21 aisati pinkenketsatabakaajeitya:

¿Paita ikoiri Jesoshi, ankemisantashityari Tasorentsi orampa ankemisantasanoteri?

7. Inintabakaajeita

Yora kemisantajeitatsiniri inintabakaajeitani.

¿Itikaakobentirimpa kemisantaperotatsiri iyemisantaririnte? Pamenero SHIAKAANTSI aisati pinkenketsatabakaajeitya:

SHIAKAANTSI: Ikoake inkamimenteri irirenti (2:55)

¿Paitakea itikaakobentantakariri Lloyd irirenti Johanson?
¿Iriotakempa Lloyd kemisantaperotatsiri?

Piñanatero Joa 13:34, 35 aisati pinkenketsatabakaajeitya:

¿Jaoka inkanteriri kemisantaperotatsiri atiripee pashinisati?
Ontimerika manataantsi, ¿jaoka onkantyari iraakameetsateri kemisantaperotatsiri iyemisantaririnte?

APAROPEE ATIRI IKANTI: “Osheki hermano yantiro kaari kameetsatatsi. ¿Jaoka onkantyari niyotantyariri kemisantaperotatsiri?”.