LESON 18
Ki mannyer nou kapab idantifye bann vre Kretyen?
En kantite dimoun i dir ki zot Kretyen. Me zot krwayans i diferan e zot fason viv i diferan. Alor, ki mannyer nou kapab idantifye bann vre Kretyen?
1. Kisisa en Kretyen?
En Kretyen i en disip Zezi Kri ouswa en dimoun ki swiv li. (Lir Akt 11:26.) Ki mannyer dimoun i montre ki zot vreman disip Zezi? Zezi ti dir: “Si zot obei mon parol, zot vreman mon bann disip.” (Zan 8:31) Savedir, bann vre Kretyen i bezwen obei lansennyman Zezi. Parey Zezi ti servi Labib ler i ti pe ansennyen, bann vre Kretyen osi i bezwen baz zot krwayans lo Labib.—Lir Lik 24:27.
2. Ki mannyer bann vre Kretyen i demontre lanmour?
Zezi ti dir son bann disip: “Kontan kanmarad parey mwan mon’n kontan zot.” (Zan 15:12) Ki mannyer Zezi ti montre ki i kontan son bann disip? I ti pas letan avek zot, ankouraz zot e ed zot. I ti menm donn son lavi pour zot. (1 Zan 3:16) Pareyman, bann vre Kretyen i fer plis ki zis koz lo lanmour. Zot montre par zot parol ek zot aksyon ki zot kontan kanmarad.
3. Ki keksoz enportan bann vre Kretyen i fer?
Zezi ti donn travay son bann disip. “I ti anvoy zot pour pres lo Rwayonm Bondye.” (Lik 9:2) Bann premye Kretyen pa ti zis pres dan zot landrwa ladorasyon me zot ti osi al dan bann landrwa piblik e kot lakour bann dimoun. (Lir Akt 5:42; 17:17.) Pareyman, bann vre Kretyen ozordi i koz lo laverite ki dan Labib avek tou dimoun. Zot kontan zot prosen, alor zot kontan pour servi zot letan ek lenerzi pour koz lo sa mesaz lespwar ek rekonfor ki dan Labib.—Mark 12:31.
AL PLI O PROFON
Vwar ki mannyer ou kapab fer diferans ant bann vre Kretyen ek bann dimoun ki pa swiv lansennyman ek legzanp Zezi.
4. Zot rod laverite dan Labib
Bann premye Kretyen ti vreman kontan Parol Bondye
Pa tou dimoun ki dir zot Kretyen ki vwar li enportan pour konpran sa laverite dan Labib. Zwe sa VIDEO e apre reponn sa kestyon.
-
Ki mannyer bann legliz ki dir ki zot Kretyen pa’n arive fer dimoun konn sa ki Zezi ti ansennyen?
Zezi ti ansenny laverite dan Parol Bondye. Lir Zan 18:37 e apre reponn sa kestyon:
-
Dapre Zezi, ki mannyer nou kapab idantifye bann Kretyen ki “dan kote laverite”?
5. Zot ansenny laverite ki dan Labib
Bann premye Kretyen ti pres avek lezot
Avan Zezi ti mont dan lesyel, i ti donn son bann disip en travay ki ankor pe ganny fer ozordi. Lir Matye 28:19, 20 ek Akt 1:8 e apre reponn sa kestyon:
-
Lo ki lanpler sa travay ti pou bezwen ganny fer?
6. Zot fer sa ki zot dir
Kwa ki ti konvenk Tom ki’n trouv bann vre Kretyen? Zwe sa VIDEO e apre reponn sa bann kestyon.
-
Dan sa video, kwa ki ti fer Tom degout larelizyon?
-
Akoz i konvenki ki i’n trouv laverite?
Sa ki nou fer i pli enportan ki sa ki nou dir. Lir Matye 7:21 e apre reponn sa kestyon:
-
Kwa ki pli enportan pour Zezi, sa ki nou dir oubyen sa ki nou fer?
7. Zot kontan kanmarad
Bann premye Kretyen ti kontan kanmarad
Eski bann Kretyen in vreman riske zot lavi pour kanmarad? Zwe sa VIDEO e apre reponn sa bann kestyon.
-
Dan sa video, kwa ki ti pous Lloyd pour riske son lavi pour Frer Johansson?
-
Eski ou krwar ki i ti azir konman en vre Kretyen?
Lir Zan 13:34, 35 e apre reponn sa bann kestyon:
-
Ki mannyer bann disip Kris (bann vre Kretyen) i merit tret dimoun ki sorti dan en lot ras oubyen nasyon?
-
Ki mannyer zot fer sa pandan lager?
SERTEN DIMOUN I DIR: “Bann Kretyen in fer bann keksoz vreman terib, ki mannyer zot kapab dir ki zot sa vre larelizyon?”
-
Ki verse Labib ki ou kapab lir avek en dimoun pour montre li ki mannyer pour idantifye bann vre Kretyen?
REZIMEN
Bann vre Kretyen i obei lansennyman ki dan Labib, zot demontre vre lanmour e zot pres sa laverite ki dan Labib.
Revizyon
-
Lo ki bann vre Kretyen i baz zot krwayans?
-
Ki sa kalite ki idantifye bann vre Kretyen?
-
Ki travay bann vre Kretyen i fer?
FER PLIS RESERS
Aprann plis lo en group ki pe fer tou pour swiv legzanp ek lansennyman Zezi Kri.
Vwar kwa ki ti fer en leser trouv “en vre fanmir spirityel.”
“They Used the Bible to Answer Every Question!” (Latour Veyer 1 Avril 2014 an Angle)
Dekouver ki mannyer bann vre Kretyen i demontre lanmour pour lezot ki dan bezwen.
Dekouver ki mannyer bann premye Kretyen ek bann vre Kretyen ozordi i montre ki zot bann vre disip Zezi.
“Konman pour idantifye bann vre Kretyen?” (Latour Veyer 1 Me 2012)
Ou pou kapab kontan sa osi
BANN KESTYON KI DIMOUN I SOUVAN DEMANDE LO TEMWEN ZEOVA
Ki sa letid Labib ki Temwen Zeova i ofer?
Ou kapab servi nenport tradiksyon Labib avek sa progranm Labib enteraktif gratwit ki Temwen Zeova i ofer. Santi ou alez pour envit ou fanmir antye oubyen nenport zanmi pour asiste ou letid.
