ZANNOO 18
Lɛ Hoŋ Na Toɔ̃ E Baŋ A Yelmeŋɛ Kristabiiri
Noba turiturituri maŋ yeleŋ ka ba e la Kristabiiri. Kyɛ ba zaa ba sage yelbonyenaa di, ba zaa ba lɛ tuuro bege bonyenaa meŋ. Azuŋ, wala teŋ na toɔ̃ e baŋ yelmeŋɛ Kristabiiri?
1. Aŋ la Kristabie?
Kristabiiri eɛ Yezu Krista potuuribo. (Kanne Toma 11:26.) Wala baŋ maŋ e a wuli ka ba eɛ Yezu potuuribo? Yezu da yeleeŋ ka: “Ka yɛnee wa sage de a N yɛlɛ a ba leɛrɛ puori, yɛ sereŋ waa la N potuuribo.” (Gyɔɔn 8:31) A sɛgre ŋa wuleeŋ ka Kristabiiri seŋ ka ba de yɛlɛ na Yezu naŋ wulo ba na tonɔ neŋ toma. Yɛlɛ na Yezu naŋ da wulo noba na da maŋ yi la a Baabole poɔŋ, azuŋ yelmeŋɛ Kristabiiri meŋ maŋ sagɛɛ yelzaa naŋ be a Baabole poɔŋ di.—Kanne Luka 24:27.
2. Sobuo ka yelmeŋɛ Kristabiiri maŋ tu kyɛ wulo nɔmmo korɔ ba taaba?
Yezu da yelko la o potuuribo na ka: “Yɛ nɔnɔ taa aŋa lɛ N naŋ nɔŋ yɛ na.” (Gyɔɔn 15:12) Wala ka Yezu da e a wuli ka o nɔŋ la o potuuribo na? O da maŋ taaɛ wagre ko ba, a eŋnɛ ba faŋa, a kyɛ sonnɔ ba meŋ. Yezu gba da kpieŋ a ko o potuuribo na. (1 Gyɔɔn 3:16) Azuŋ, yelmeŋɛ Kristabiiri ba maŋ de ba noɔre yoŋ yele ka ba nɔŋ la ba taaba, kyɛ, ba maŋ de la ba yelbie ane ba yel-erre a wuli ka ba nɔnɔ la ba taaba.
3. Bo toma ka yelmeŋɛ Kristabiiri maŋ tonɔ?
Yezu da de la toma kaŋa eŋ o potuuribo na nuureŋ. “O da toŋ ba la ka ba yi gaa te moɔle a Naaŋmen Naaloŋ yɛlɛ.” (Luka 9:2) Ŋmenpuorederi poɔ yoŋ naane ka a dɛndɛŋ Kristabiiri na da maŋ te moɔle a duorisoŋ, kyɛ ba da maŋ gaaɛ ziiri noba naŋ be yaga ane noba deri a te moɔle a duorisoŋ ko ba. (Kanne Toma 5:42; 17:17.) Zenɛ ŋa meŋ, yelmeŋɛ Kristabiiri maŋ moɔlɛɛ a Baabole poɔ yelmenne na korɔ noba zie zaa ba naŋ be. Ba taaɛ nɔmmo ko noba, azuŋ ba maŋ de la ba wagre ane ba faŋa moɔlɔ a Baabole duorisoŋ naŋ korɔ tamaa a kyɛ diire sukyiri na korɔ noba.—Marko 12:31.
ZANNE YƐLƐ YAGA POƆ
Ho na zanne nyɛɛ tɛɛtɛɛ naŋ be yelmeŋɛ Kristabiiri ane noba naŋ ba tuuro Yezu ewuli soŋ na kpakyagaŋ.
4. Ba boɔrɔŋ ka ba baŋ yelmeŋɛ naŋ be a Baabole poɔŋ
A dɛndɛŋ Kristabiiri na da de la Naaŋmen Yelbiri na tegroŋ yaga
Kristabiiri zaa naaneŋ maŋ de a Baabole poɔ yɛlɛ tonɔ neŋ toma. Ŋmɛ a VIDIO, a kyɛ gyieli a soorebiri naŋ tu na yɛlɛ.
-
Wala ka kyɛkyere naŋ yelka ba e la Kristabiiri e a pigi noba sori ka ba ta zanne baŋ yɛlɛ na Yezu naŋ da wulo na?
Yɛlɛ na zaa Yezu naŋ da wulo na da yi la Naaŋmen Yelbiri na poɔŋ. Kanne Gyɔɔn 18:37, a kyɛ gyieli a soorebiri ŋa yɛlɛ:
-
Aŋa lɛ Yezu naŋ wuli na, wala teŋ na toɔ̃ e baŋ Kristabiiri “naŋ be a yelmeŋɛ poɔŋ”?
5. Ba moɔlɛɛ a Baabole poɔ yelmenne korɔ noba
A dɛndɛŋ Kristabiiri na da maŋ moɔlɛɛ Naaŋmen yɛlɛ korɔ noba
Sɛre ka Yezu na do sazu na, o da de la toma kaŋa eŋ o potuuribo na nuureŋ baŋ tonɔ a toma a wa ta zenɛ ŋa. Kanne Matio 28:19, 20 ane Toma 1:8, a kyɛ gyieli a soorebiri naŋ tu na yɛlɛ:
-
Yeŋ aŋ seŋ ka ba moɔle a duorisoŋ te ta?
6. Ba maŋ de la yɛlɛ na baŋ moɔlɔ korɔ noba na tonɔ neŋ toma
Boŋ da soŋ dɔɔ kaŋa baŋ boɔlɔ Tom oŋ wa nyɛ ka o sereŋ nyɛɛ a yelmeŋɛ Kristabiiri na? Ŋmɛ a VIDIO, a kyɛ gyieli a soorebie naŋ tu na yɛlɛ.
-
A vidio poɔŋ, boŋ da vɛŋ ka Tom da ba lɛ boɔrɔ puoruu yɛlɛ?
-
Bonso oŋ sagedi peɛlaaŋ ka o nyɛɛ a yelmeŋɛ Kristabiiri puoruu na?
Neɛ yel-erre la e nimizeɛ yaga zaa gaŋ o yelyelii. Kanne Matio 7:21, a kyɛ gyieli a soorebiri naŋ tu na yɛlɛ:
-
A yɛlɛ ŋa buo soba la e nimizeɛ yaga a ko Yezu. Yɛlɛ na teŋ de te noɔre a yelka te sagedieŋ na, bee yɛlɛ na teŋ de te yel-erre wuli ka te sagedieŋ na?
7. Ba taaɛ nɔmmo ko taa
A dɛndɛŋ Kristabiiri na da nɔnɔ la taa meŋ
Kristabiiri maŋ deɛ ba nyɔvore iri sareka ko ba Kristabitaaba bee? Ŋmɛ a VIDIO, a kyɛ gyieli a soorebie naŋ tu na yɛlɛ.
-
A vidio poɔŋ, boŋ da soŋ Lloyd oŋ boɔrɔ ka o de o nyɔvore iri sareka ko o Yɔɔdɔɔ Johansson?
-
Wala hoŋ teɛre, o da eɛ o yɛlɛ aŋa yelmeŋɛ Kristabie bee?
Kanne Gyɔɔn 13:34, 35, a kyɛ gyieli a soorebie naŋ tu na yɛlɛ:
-
Yelmeŋɛ Kristabiiri maŋ nɔnɔ la noba naŋ yi paaloŋ yuo kaŋa bee?
-
Ka zɔɔreŋ wa iri, sobuo baŋ maŋ tu kyɛ wuli a nɔmmo ŋa?
NOBA MINE MAŊ YELEŊ KA: “Kristabiiri toŋɛɛ toŋfaare yaga a gaŋ noba naŋ ba e Kristabiiri, azuŋ boŋ wuli ka ba naŋ taa a yelmeŋɛ puoruu?”
-
Ho na baŋ kannɛɛ sɛgre kaŋa naŋ na toɔ̃ soŋ o soba ka o baŋ yelmeŋɛ Kristabiiri bee?
A ZANNOO YELNIMIZEERE
Yelmeŋɛ Kristabiiri maŋ de la a Baabole sowuli tonɔ neŋ toma, a wulo taa nɔmmo meŋɛ, a kyɛ lɛ moɔlɔ a Baabole poɔ yelmenne korɔ noba.
Bo Hoŋ Zanne
-
Boŋ eŋɛŋ ka yɛlɛ na zaa yelmeŋɛ Kristabiiri naŋ sagedi na maŋ kyaare?
-
Bo gyogo la maŋ vɛŋ teŋ baŋ yelmeŋɛ Kristabiiri?
-
Bo toma ka yelmeŋɛ Kristabiiri maŋ tonɔ?
YƐLƐ MINE NAŊ LƐ BEBE
Kaa a vidio ŋa a nyɛ lɛ noba mine naŋ mɔɔrɔ ba mɔɔbo zaa ka ba tuuro Yezu ewuli soŋ na, a kyɛ lɛ de o wulibo na tonɔ neŋ toma meŋ.
Kanne nyɛ lɛ pɔge kaŋa naŋ da be katolik puoruu poɔŋ naŋ wa nyɛ “noba naŋ la a yelmeŋɛ Kristabiiri.”
“Ba Da De La A Baabole Iri N Soorebie Zaa Nɔɛ!” (A Watchtower, April 1, 2014)
Kaa a vidio ŋa a nyɛ lɛ yelmeŋɛ Kristabiiri naŋ maŋ wuli ba Kristabitaaba nɔmmo saŋa na baŋ boɔrɔ sommo na.
Lɛ Teŋ Maŋ E Soŋ Te Yɔɔmine Saammo Kpɛŋ Kaŋa Naŋ Pɔge—Vidio Kyɛlee (3:57)
Kanne nyɛ lɛ na yelmeŋɛ Kristabiiri naŋ bebe zenɛ ŋa naŋ erɛ yɛlɛ na a dɛndɛŋ Kristabiiri naŋ da maŋ erɛ na. Yezu yeleeŋ ka a yɛlɛ ŋa la na wuli ka ba e la yelmeŋɛ Kristabiiri.
“Bo Yɛlɛŋ Na Baŋ Soŋ Bo Ka Ho Baŋ A Yelmeŋɛ Kristabiiri?” (A Watchtower, March 1, 2012)
