SHIRONGWA 18
Omo u dimburura Vakriste vaushiri
Mabiliyona ghavantu kukutwenyashi Vakriste. Enengoli mapuliro ghavo namparukito yavo kapi yakufana. Weni ngoli tu dimburura Vakriste vaushiri?
1. Vinke nani Mukriste?
Vakriste kuna kara varongwa ndi vakwami vaJesus Kristus. (Varura Virughana 11:26.) Weni va vi negheda ashi vavo varongwa vaJesus? Ghuye kwa ghambireshi: “Nange a mu kwaterere nkango dande, vyashiri anwe ndi varongwa vande.” (Johannes 8:31) Kutanta ashi Vakriste va hepa kulimburukwa kumashongo ghaJesus. Yira momo Jesus ka shonganga vyakutunda muMatjangwa, Vakriste vaushiri navo mapuliro ghavo ghana hepa kutunda muBibeli.—Varura Lukas 24:27.
2. Weni Vakriste vaushiri va negheda shihoro?
Jesus kwa tantilire vakwami vendi ashi: “Kuhora-horenu momo na mu hora ame.” (Johannes 15:12) Weni Jesus a neghedire ashi a holire varongwa vendi? Kakutuliranga po ruvede rwakukara navo nakuvakorangeda ntani kuvavatera. Ntani nka a tapire monyo wendi morwa mbo. (1 Johannes 3:16) Mukukufana, Vakriste vashiri kapi tupu va neghedanga shihoro shamukanwa. Ngoli vavo kunegheda shihoro kupitira munkango namuvirughana.
3. Mushirughana munke va kutura ngudu Vakriste vaushiri?
Jesus kwa pire varongwa vendi shirughana. “A va tumu va ka yuvhite Uhompa waKarunga.” (Lukas 9:2) Vakriste vakuhova kapi kava yuvhitiranga tupu kumavango ghavo ghaukareli enengoli kumavango kava karanga vantu kukwateramo namumandi. (Varura Virughana 5:42; 17:17.) Vakriste vaushiri navo kuyuvhita ushiri wamuBibeli kehe kuno vana wana vantu. Vavo kwa hora vaunyavo, mbyo ngoli va rughanitiranga ruvede nankondo davo va yuvhite mbudi yamuBibeli yakutapa lihuguvaro nalishengawido.—Markus 12:31.
TEDA KO
Konakona u dimburure makushuvo pakatji kaVakriste vaushiri navantu ovo va pirango kukwama mashongo nashihonenito shaJesus.
4. Vavo kushana-shana ushiri wamuBibeli
Vakriste vakuhova va fumadekire Nkango daKarunga, ka va yuvhitanga ntani kwa kuhora-holire
Kapishi navantje vakutwenyango ashi Vakriste va shana-shanango ushiri wamuBibeli nakuutikitamo. Kengera VIDIYO, makura timwitirenu lipuro lino.
-
Nke darughana nkirishe dimwe dakutwenyango ashi Vakriste mukukondera vantu vapire kuyiva ovyo kashonganga Jesus?
Jesus kwa shongire ushiri wamuNkango daKarunga. Varura Johannes 18:37, makura timwitirenu lipuro lino:
-
Kukuwa naJesus, weni omo tu vhura kudimburura Vakriste ovo va “hameno kuushiri”?
5. Vavo kuyuvhita ushiri wamuBibeli
Vakriste vakuhova kavayuvhitiranga vapeke
Kumeho a ronde Jesus muliwiru, a shuvilire vakwami vendi shirughana eshi shina kutwikiro dogoro weno. Varura Matheus 28:19, 20 ntani Virughana 1:8, makura timwitirenu lipuro lino:
-
Kuni ngashikahulira shirughana shakuyuvhita ntani ruvede munke ngashi shagha?
6. Vavo kutikita mo ovyo vashonganga
Vinke vya renkitiro murume walidina Tom a dimburure ashi ana wana Vakriste vaushiri? Kengera VIDIYO, makura timwitirenu mapuro ghano.
-
Muvidiyo, nke vya renikitiro Tom a dire kuhora ukareli?
-
Vinke vyamurenkitiro a kuyuvhe ashi ana wana Vakriste vaushiri?
Kapishi kughamba tupu vininke mukanwa ngoli mulyo kuvitura pashirughana. Varura Matheus 7:21, makura timwitirenu lipuro lino:
-
Nke vya karo namulyo kwaJesus, vyakughamba tupu ashi twa pura ndi kutikitamo ovyo twa kushonganga?
7. Vavo kwa kuhora-hora
Vakriste vakuhova vakuholire
Vakriste vaushiri kukudjambera monyo davo kuVakriste vaunyavo ndi? Kengera VIDIYO, makura timwitirenu mapuro ghano.
-
Muvidiyo, nke vya renkitiro Lloyd a shane kukutapa a fere monanyokwetu Johansson?
-
Weni una kughayara, ovyo a rughanine vya neghedire ashi uye Mukriste waushiri ndi?
Varura Johannes 13:34, 35, makura timwitirenu mapuro ghano:
-
Weni varongwa vaJesus ndi Vakriste vaushiri va hepa kutekura vantu varudi ndi muhoko wapeke?
-
Weni va vi rughana ovyo pashirugho shavita?
VAMWE KUGHAMBA ASHI: “Vakriste kwa rughana vininke vyavidona vyavingi, weni ngoli pa vhura kukara ukareli waushiri?”
-
Litjangwa munke u rughanita mu kunegheda omo tu vhura kudimburura Vakriste vaushiri?
LIKAMO
Vakriste vaushiri kutikitamo mashongo ghamuBibeli, kunegheda shihoro shakukudjambera ntani kuyuvhita ushiri wamuBibeli.
Livyukuruko
-
Kuni a tundanga mapuliro ghaVakriste vaushiri?
-
Nkalito munke ya dimbwilitango Vakriste vaushiri?
-
Shirughana munke va rughananga Vakriste vaushiri?
YIVAKO VYAVINGI
Kushonge u yive mbunga oyo ya shetekerango ko kukwama shihonenito namashongo ghaJesus.
Kenga ovyo vya renkitiro umwe ogho a kaliro sosta a ya hame “kulipata lyapampepo lyaushiri.”
“Vavo kwa rughanitire Bibeli va limburure mapuro ghande naghantje!” (The Watchtower, April 1, 2014)
Kushonge u yive omo Vakriste vaushiri va neghedanga shihoro kuvapuli vaunyavo vana hepo mbatero.
Konakona u kenge omo Vakriste vakuhova naVakriste vaushiri namuntji vana kutikitamo shidimbulito osho a twenyine Jesus shavakwami vendi.
“Weni u dimburura Vakriste vaushiri?” (The Watchtower, March 1, 2012)
