JOKWA 18

Ne̱ni jeno̱ ná jemba kriste̱n ya mbale̱

OKA

Lokoli la lodun la bato lo makwala ná le nde kriste̱n. Nde babo̱ be̱se̱ ba si dube̱ milemlem ma mambo, ba si mabupe̱ pe̱ to̱ milemlem ma bete̱sedi. Ne̱ni so̱ jeno̱ ná jemba kriste̱n ya mbale̱ e?

1. Nja ńe kriste̱n ńa mbale̱ e?

Kriste̱n to̱ bonakristo, nika ńe nde bokwedi ba Yesu Kristo. (Langa Bebolo 11:26.) Ne̱ni ba malee̱le̱no̱ ná be nde bokwedi ba Yesu e? Yesu mo̱ ná: “Lo jai te̱ o eyal’am, ke̱ le bokwedi bam na mbale̱.” (Yohane 8:31) Nika e mapula nde kwala ná kriste̱n ya mbale̱ yangame̱n bupe̱ belēdi ba Yesu. Kana mambo Yesu a tano̱ a lee̱ ma tano̱ nde ma se̱meye̱ o Betiledi, nika pe̱ nde mambo kriste̱n ya mbale̱ i dube̱no̱ mangame̱nno̱ nde se̱me̱ye̱ o Bibe̱l.—Langa Lukas 24:27.

2. Ne̱ni kriste̱n ya mbale̱ i malee̱le̱no̱ ndolo e?

Yesu a langwedi bokwedi bao ná: “To̱ndo̱ne̱ mō̱ na nune̱, kana mba na tano̱ na to̱ndo̱ bińo̱.” (Yohane 15:12) Ne̱ni Yesu a lee̱le̱no̱ ná a ta a to̱ndo̱ bokwedi bao e? A tombise̱ ponda na babo̱, embe̱ babo̱, ongwane̱ pe̱ babo̱. A boli na mo̱me̱ne̱ longe̱ lao ońol’abu. (1 Yohane 3:16) Mulemlem pe̱, kriste̱n ya mbale̱ i si to̱ndi na bepopo buka te̱. Nde tongwea na byala babu na bebolo babu, i malee̱le̱ ná i to̱ndo̱ne̱ mō̱ na nune̱.

3. Njik’ebolo kriste̱n ya mbale̱ i mabolano̱ e?

Yesu a boli bokwedi bao ebolo. “A ta a loma babo̱ o langwa janea la Loba.” (Lukas 9:2) Kriste̱n yaboso i si te̱ dikalo buka te̱ o bepolo babu ba jowe̱, nde i boli pe̱ nika o m’boko ma mundi na o mamboa ma bato. (Langa Bebolo 5:42 na 17:17.) Nika pe̱ nde kriste̱n ya mbale̱ we̱nge̱ i mate̱no̱ dikalo o bepolo be̱se̱ bato beno̱. I to̱ndi bato, ye so̱ muńe̱nge̱ o bolane̱ pond’abu na ngud’abu o langwea babo̱ mwe̱ndi ma Bibe̱l ma dipita na lo̱ko̱mea.—Marko 12:31.

ALA O NJIBA

Ombwea ne̱ni weno̱ ná o we̱le̱ diwengisan oteten a kriste̱n ya mbale̱ na yi i si mabupe̱ belēdi ba Yesu na eyembilan ao.

4. Kriste̱n ya mbale̱ i mawasa mbale̱ ye o Bibe̱l

Kriste̱n yaboso i ta i no̱ngo̱ Eyal’a Loba mweńa

Seto̱ bato be̱se̱ ba makwale̱ ná be kriste̱n nde ba mano̱nge̱ mbale̱ ye o Bibe̱l mweńa. Ombwa SINIMA, nde lo kwaleye pe̱ ońola myuedi mi mabupe̱.

SINIMA: Ne̱ni belēdi ba Kristo be yuabe̱no̱ (5:11)

Nje bebasi be makwale̱ ná be nde ba kriste̱n be lee̱no̱ yena ye diwengisan na belēdi ba Yesu e?

Yesu a lee̱ nde mbale̱ ńe o Eyal’a Loba. Langa Yohane 18:37, nde lo kwaleye pe̱ ońola min myuedi:

Bupisane̱ Yesu, ne̱ni jeno̱ ná jemba kriste̱n yena ye ya “mbale̱” e?

5. Kriste̱n ya mbale̱ i malangwa mbale̱ ye o Bibe̱l

Kriste̱n yaboso i ta i te̱ye̱ bane̱ dikalo

Obiana Yesu a mala o mo̱ń, a bake̱ bokwedi bao ebolo ye o wale̱ oboso nate̱na nin we̱nge̱. Langa Mateo 28:19, 20 na Bebolo 1:8, nde lo kwaleye pe̱ ońola min myuedi:

Nate̱na o njika dikala ebol’a dikalo yangame̱nno̱ bolane̱ e?

6. Kriste̱n ya mbale̱ i mawe̱le̱ nje i malangwano̱ o ebolo

Nje e boli Tom mbaki ná a so̱i ebasi ya kriste̱n ya mbale̱ e? Ombwa SINIMA, nde lo kwaleye pe̱ ońola myuedi mi mabupe̱.

SINIMA: Nese̱le̱ ebasi (5:20)

O ni sinima, nje e boli ná Tom ese̱le̱ ebasi e?
Ońola nje eno̱ mbaki ná a so̱i mbale̱ e?

Bebolo ba moto be mato̱po̱ buka byala bao. Langa Mateo 7:21, nde lo kwaleye pe̱ ońola min myuedi:

Ońola Yesu nje ye mweńa, nje di makwalano̱ ná di dube̱ nga nje bebolo basu be malee̱no̱ e?

7. Kriste̱n ya mbale̱ i to̱ndo̱ne̱ mō̱ na nune̱

Kriste̱n yaboso i ta pe̱ i to̱ndo̱ne̱ mō̱ na nune̱

Mo̱ kriste̱n i le̱ke̱ye̱ kwedi bwanga na mbale̱ ońola bonasango abu e? Ombwa SINIMA, nde lo kwaleye pe̱ ońola myuedi mi mabupe̱.

SINIMA: A ta be̱be̱ o bola longe̱ lao (2:55)

O ni sinima, nje e tute̱le̱ munasango Lloyd o le̱ke̱ye̱ kwedi bwanga ońola munasango Johansson e?
Mo̱ o mo̱nge̱le̱ ná a boli nde kana kriste̱n ńa mbale̱ ńangame̱nno̱ bola e?

Langa Yohane 13:34, 35, nde lo kwaleye pe̱ ońola min myuedi:

Ne̱ni bokwedi ba Yesu nika ná kriste̱n ya mbale̱, bangame̱nno̱ no̱ngo̱ bato ba muso̱no̱ m’eyobo mupe̱pe̱ to̱ ba ekombo epe̱pe̱ e?
Ne̱ni beno̱ ná ba bola nika o pond’a bila e?

BATO BA MAKWALA NÁ: “Kriste̱n ye̱se̱ i mowe̱ nde mulemlem ma Loba, to̱ i be̱ nde o njik’ebasi.”