Zocãrã ẽberãrãba jarabadaa ãdjirãra critianorã wãrã arada. Baribʉrʉ Jesuba jaraɗara ĩjãnacada idjaɓa idjia quĩcha ɓʉ quĩrãca quĩchaɗaẽ́da. Maʉ̃ bʉrʉ, ¿sãwã poya cawaɗida cairãda critianorã wãrã arada?

1. ¿Cãrẽda jara quĩrĩã ɓʉ critianorã wãrã arada?

Critiano jara quĩrĩã ɓʉda Jesu ẽpẽbadarã (Leadua Hecho 11:26). ¿Sãwã acʉbi panʉda wãrã arada idjira ẽpẽnida? Jesuba jarasia: “Bãrãba mʉ̃ beɗeada ĩjã pananibʉrʉ, wãrãda mʉ̃ ume nĩbabadarãda ɓeaɗia” (Juaʉ̃ 8:31). Jãʉ̃gʉra jara quĩrĩã ɓʉda critianorã wãrãda ĩjã pananibara Jesuba jaradia ɓʉra. Critianorã wãrã araba jaradiabada Ãcõrẽ Beɗeada Jesuba jaradiaɗa quĩrãca (Leadua Luca 24:27).

2. ¿Critianorã wãrã araba sãwã acʉbi panʉda dji quĩrĩãra?

Jesuba obi ɓʉ beɗeara jarasia dji caiɗubemarãa: “Bãrãra dji quĩrĩãnadua mʉ̃a bãrã quĩrĩã ɓʉ quĩrãca” (Juaʉ̃ 15:12). ¿Jesuba sãwã unubisida dji ẽpẽbadarãa dji quĩrĩã? Ãdjirãme ãbaa ɓasia, careba ɓasia, sobiabicuasia idjaɓa ãdjirãa ẽdrʉ edaɗi carea beusia (1 Juaʉ̃ 3:16). Critianorã wãrã araba aɓabe bʉrʉ ãdji beɗeaɗeba quĩrĩãnaẽ́da; maʉ̃ cãyãbara dewararãa ãdjia o panʉneba unubi panʉda dji quĩrĩã.

3. ¿Critianorã wãrã araba jãʉ̃gʉdrʉ biara ɓʉda obadara?

Jesuba dji ẽpẽbadarãa traju diasia. Maʉ̃be ãdjía jarasia: “Ãcõrẽra dji Boro bai carea zebʉrʉda jaraɗe wãnadua” (Luca 9:2). Critianorã nabemarãba aɓabe bʉrʉ jaradiaɗacabadjida Ãcõrẽ deɗe, maʉ̃ carea wãbadjiɗaa jaradiaɗe zocãrã ẽberãrã panʉmae, ãdji dera biɗa (Leadua Hecho 5:42; 17:17). Naʉ̃ ewariɗera biɗa critianorã wãrã araba jaradia panʉda Ãcõrẽ Beɗea baridua panʉmae ẽberãrã. Bio quĩrĩã panʉ bẽrã ẽberãrãa ãdji ʉɓʉaɗeba, ãdji tiempoɗeba esfuerzo o panʉa jaradiaɗi carea beɗea biada Ãcõrẽ Beɗeaɗebema necai pananamãrẽã (Marco 12:31).

 BIO CAWAƊIDA NAɄ̃ BEƊEAƊE

4. Ãdjirãba jʉrʉbadaa wãrãda Ãcõrẽ Beɗeaɗebema

5. Ãdjirãba jaradiabadaa wãrãda Ãcõrẽ beɗeaɗebema

 6. Ãdjirãba jaradia panʉda ãdjia oɗaɗeba

Umaquĩrã trʉ̃ jarabada Tomra critiano wãrã araa cawapeɗa, ¿cãrẽ cãrẽã bio ĩjãsida? Acʉɗapeɗa dji VIDEODA, beɗeaɗadua.

• Jãʉ̃ videoɗe, ¿cãrẽã Tomra dji religioʉ̃ carea so biẽ́ basida?

• ¿Cãrẽ cãrẽã idjira bio ĩjã ɓasida dji wãrãda unusida?

Jãʉ̃ beɗeaba wãrãda acʉbi ɓʉda oɗada. Leaɗapeɗa Mateo 7:21, beɗeaɗadua:

• ¿Cãrẽda mãsa biara ɓʉda Jesumaarã: dadjirãba o panʉra wa jara panʉra?

7. Ãdjirãya cʉ̃ãga panʉ

• ¿Sãwãbʉrʉ oɗida Jesu ẽpẽbadarãba dewara puruɗebemarãa?

• ¿Sãwãbʉrʉ oɗida maʉ̃ djõ panʉne?

 JŨMA BEƊEAƊA

Dji critianorã wãrã araba jaradia panʉda Bibliaba jara ɓʉra. Ãdjirãba careba quĩrĩã panʉ dewarara quĩrĩã panana bẽrã idjaɓa dji wãrãda Ãcõrẽ Beɗeaɗebema jaradia panʉ.

Cawaɗara

• ¿Cãrẽda jaradiabada dji critianorã wãrã araba?

• ¿Cãrẽ ne biada eropanʉ dji critianorã wãrã arada dewara religioʉ̃ cãyãbara?

• ¿Critianorã wãrã araba cãrẽda obada?