AYÈGÈ 18
Akia afé bi ne dzam yem mimfang bekristen?
Bakura bebot ba dzo na be ne bekristen. Dzam da, bese ba kang ki Zamba akia deda, bese be bele ki énying kristen dzia. Akia afé bi ne dzam yem é bot ba wulu a metelé mekol me Yésus Kristu?
1. Dzé ya tilen na o ne kristen?
Bekristen be ne beyègè, ngeki é bot ba wulu a metelé mekol me Yésus Kristu (Langʼa Mimbòen mi apostel 11:26). Akia afé ba lere na ba tong Yésus? Yésus émen a nga dzo na: “Nge mia langʼen a bibug biama éteré, mi ne beyègè bama tutué.” (Yohannes 8:31) Nala a tilen na, mimfang bekristen mia lere fulu mewog a minyegelen mi Yésus. Ane Yésus a nga be a nòng minyegelen mié a Mimfufub mintilen, tin ékang mimfang bekristen ya sò a Bibel (Langʼa Lukas 24:27).
2. Akia afé mimfang bekristen mia lere éding a zang dzaba?
Yésus a nga dzo ai beyègè boé na: “Dingʼen mina mina ane me nga ding mina” (Yohannes 15:12). Akia afé Yésus a nga lere na a ding beyègè boé? A nga be a loro abog ai beyègè boé, a vaa bò awono, a vòligi fe bò. Yésus a nga ve énying dzié asu beyègè boé (1 Yohannes 3:16). Dzam deda, ane Yésus, mimfang bekristen mia lere ki éding dzaba ve a biyié bi anyu, ba lere fe dzò a mimbòen.
3. Ésié éfé é ba ba wulu a metelé mekol me Yésus ba bò?
Yésus a nga ve beyègè boé ésié. “A nga lom bò na be yeren Édzoé Zamba” (Lukas 9:2). Bekristen be osu be mbe yeren ki foé ya Édzoé ve a menda bikoen maba, be kele fe ba kat foé té é vom ose abui bot a mbe ai a menda menda (Langʼa Mimbòen mi apostel 5:42; 17:17). Dzam deda fe, melu maan ma, mimfang bekristen mia tsam bebebela ya Édzoé Zamba é vom ose ba kòb bot. Mbol ba ding é bot bevòk, be ne mintak ya belen ai abog daba ai mengul maba asu yi na be ke ba kat é foé ya ve afiri ai awono (Markus 12:31).
TUENE FAG
Tam fas, nselen mbé a ne a zang mimfang bekristen ai é ba ba tong ki minyegelen mi Yésus ai mvulna dzié?
4. Ba dzeng bebela a Bibel
Bekristen ya osusua be nga be be dingʼi Ébug Zamba, be yeregen Ébug té, be lerege fe éding a zang dzaba
Bot bezing ba dzo na be ne bekristen, ve ba yen ki nfi ya dzeng na be yem bebebela ya Bibel ngeki na be bò mam akia ya Bibel a dzo. Bebege VIDÉO ai yalen a nsili hi:
-
Dzé é minyebe mia dzo na be ne bekristen mi nga bò asu yi na be kamen ai bot na be yègè minyegelen mi Yésus?
Yésus a nga yegele bebebela ba sò Ébug Zamba. Langʼa Yohannes 18:37 ai yalen a nsili hi:
-
Ane Yésus a nga dzo, akia afé bi ne dzam yem bekristen be ne “a ngam ya bebela”?
5. Ba yeren bebebela ya Bibel
Bekristen ya osusua be nga be be dingʼi Ébug Zamba, be yeregen Ébug té, be lerege fe éding a zang dzaba
Osusua yi na Yésus a ke a yob a nga ve beyègè boé ésié ya ke osu na ya bòben a zaa kui amos ya ana. Langʼa Matéus 28:19, 20 ai Mimbòen mi apostel 1:8 ai yalen a nsili hi:
-
Ékat foé ya yi bòben akelkui avé ai abog afé?
6. Mimbòen miaba mia lere na ba tong é mam ba yegele
Dzé é nga ve Tom ndi na a sòmeya mimfang bekristen? Bebege VIDÉO ai yalen minsili mi tsaa mi:
-
A vidéo, dzé é nga bò na Tom a lum évus nyebe mvus?
-
Dzé é nga ve Tom ndi na a sòmeya mfang ékang?
Bot ba dang bebe é mam mot a bò aloro é ma a dzo. Langʼa Matéus 7:21 ai yalen a nsili hi:
-
Dzé ya dang nfi abui asu Yésus: ye a dzo ve na o ne kristen ngeki na o lere dò a mimbòen mié?
7. Ba lere éding a zang dzaba
Ye bekristen bezing ba zombo wu asu babenyang baba ya nsisim? Bebege VIDÉO ai yalen minsili mi tsaa mi:
-
Amu dzé Lloyd a nga lere na a zombo wu asu manyang woé Johansson?
-
Wò yen ya, ye a nga bò ane mfang kristen wa yeane bò?
Langʼa Yohannes 13:34, 35 ai yalen minsili mi tsaa mi:
-
Akia afé beyègè be Yésus (mimfang bekristen) ba nying ai bot ya meyòng ngeki é ba ya minnam mivòk?
-
Akia afé ba nying ai bò abog bita?
ABUI BOT DA DZO NA: “Bekristen be nga bò bebé bemam, ndò hm be ne dzam dzo na be ne a mfang nyebe ya?”
-
Éfus éfé o ne dzam lang a ya lere akia ya bi ne dzam yem mimfang bekristen?
OBALBAS
Mimfang bekristen mia tong minyegelen ya Bibel, mia lere éding a zang dzaba, mia yeren fe bebebela ya Bibel.
Dzé bia baala
-
Éye ékang mimfang bekristen é tii avé?
-
Fulu fé ba yem beyègè be Yésus ai dzò?
-
Ésié éfé beyègè be Yésus ba bò?
O NE FE BEBE
Andzogoro bekristen ba ve mengul na ba tong mvulna Yésus Kristu ai minyegelen mié.
Bebege dzé é nga tindi é mininga a nga be a sié a mam me misòn woé na a ke sòm “mfang nda bot.”
“Ils ont utilisé la Bible pour répondre à toutes mes questions!” (La Tour de Garde, 1er avril 2014)
Akia afé mimfang bekristen mia lere é babenyang baba ya nsisim ba yangʼen ai nvòlen éding dzaba?
Yésus a nga ve mendem ma yi bò na be yem beyègè boé. Akia afé bekristen ya osusua ai mimfang bekristen ya melu ma ba dzala mendem meté?
“À quoi se reconnaît le christianisme authentique?” (La Tour de Garde, 1er mars 2012)
