LESONI 18
Ena Kilai Vakacava na Lotu vaKarisito Dina?
Era tukuna e vica na bilioni nira lotu vaKarisito. Ia e sega ni tautauvata kece nodra vakabauta se na ivakarau ni nodra bula. Eda na kilai ira gona vakacava na lotu vaKarisito dina?
1. O cei o ira na lotu vaKarisito?
O ira na lotu vaKarisito era tisaipeli se imuri i Jisu Karisito. (Wilika Cakacaka 11:26.) Era vakadeitaka vakacava nira tisaipeli i Jisu? E kaya o Jisu: “Oni noqu tisaipeli dina ke oni muria tiko ga noqu vosa.” (Joni 8:31) Kena ibalebale ni dodonu mera talairawarawa ina vakavuvuli i Jisu na lotu vaKarisito dina. Me vaka ga nona dau yavutaka o Jisu nona veivakavulici mai na iVolatabu, era cakava tale ga qori na lotu vaKarisito dina.—Wilika Luke 24:27.
2. Era vakaraitaka vakacava na loloma na lotu vaKarisito dina?
E kaya o Jisu vei ratou nona imuri: “Mo dou veilomani me vaka ga na noqu lomani kemudou.” (Joni 15:12) E vakaraitaka vakacava o Jisu ni lomani ratou nona tisaipeli? E dau veimaliwai kei ratou, vakayaloqaqataki ratou, e vukei ratou tale ga. E solia mada ga nona bula ena vukudratou. (1 Joni 3:16) Era va tale ga qori na lotu vaKarisito dina, era sega ni cavuta wale ga na loloma. E laurai ena ka era tukuna kei na ka era cakava nira veilomani.
3. Na cakacaka cava era vakaogai ira kina?
E lesia o Jisu e dua na cakacaka vei ira nona tisaipeli. E “talai ratou yani me ratou vunautaka na Matanitu ni Kalou.” (Luke 9:2) Era vunau na lotu vaKarisito taumada ena nodra vanua ni sokalou, vanua era levu kina na lewenivanua, era vunau tale ga e veivale. (Wilika Cakacaka 5:42; 17:17.) Qori tale ga na ka era cakava na lotu vaKarisito dina nikua, era vunautaka na ka dina vakaivolatabu ena vanua era tu kina na lewenivanua. Nira lomani ira na kainodra, era vakayagataka nodra gauna kei na nodra kaukaua mera vunautaka kina na itukutuku vinaka me baleta na inuinui kei na vakacegu.—Marika 12:31.
VAKEKELI
Dikeva na sala o na kila kina na kedrau duidui na lotu vaKarisito dina kei ira na sega ni muria na ivakavuvuli i Jisu kei na nona ivakaraitaki.
4. Era vakasaqara na ka dina ena iVolatabu
Era taleitaka na Vosa ni Kalou na lotu vaKarisito taumada
Eso ga na lotu vaKarisito era taleitaka na ka dina ena iVolatabu. Sarava na VIDIO, qai veivosakitaka na taro tarava.
-
Era veivakacalai vakacava eso na lotu vaKarisito?
E vakavulica vakacava o Jisu na ka dina mai na Vosa ni Kalou? Wilika Joni 18:37, qai veivosakitaka na taro qo:
-
Me vaka e tukuna o Jisu, eda na kilai ira vakacava na lotu vaKarisito “era totaka na dina”?
5. Era vunautaka na ka dina vakaivolatabu
Era vunau tiko na lotu vaKarisito taumada
Ni bera ni lesu i lomalagi o Jisu, e lesia vei ratou nona imuri na cakacaka e se caka tiko ga nikua. Wilika Maciu 28:19, 20 kei na Cakacaka 1:8, qai veivosakitaka na taro qo:
-
Ena vakacava na rabailevu ni cakacaka vakavunau?
6. Era muria na ka era vunautaka
E vakadeitaka vakacava o Tom ni sa kunea na ka dina? Sarava na VIDIO, qai veivosakitaka na taro tarava.
-
Ena vidio, na cava e sega ni via lewena kina o Tom e dua na lotu?
-
E vakadeitaka vakacava ni sa kunea na ka dina?
Ena kilai e dua ena ka e cakava, sega ni ka e tukuna. Wilika Maciu 7:21, qai veivosakitaka na taro qo:
-
Na cava e bibi duadua vei Jisu—na ka eda tukuna nida vakabauta se na ka eda cakava?
7. Era veilomani
Era veilomani na lotu vaKarisito taumada
Vakacava era sa bau bolemate na lotu vaKarisito mera taqomaki ira na tacidra? Sarava na VIDIO, qai veivosakitaka na taro tarava.
-
Ena vidio, na cava e bolemate kina o Lloyd me taqomaki Brother Johansson?
-
Vakacava e vakaraitaka ni dua na lotu vaKarisito dina?
Wilika Joni 13:34, 35, qai veivosakitaka na taro qo:
-
O ira na tisaipeli i Jisu (lotu vaKarisito dina) era na raici ira vakacava na duidui matatamata?
-
Era na cakava vakacava qori ena gauna ni valu?
KA ERA KAYA ESO: “E levu na ka ca era cakava na lotu vaKarisito, me qai dina vacava nodra lotu?”
-
Na tikinivolatabu cava o rawa ni vakayagataka me kilai kina na lotu vaKarisito dina?
KA O VULICA
O ira na lotu vaKarisito dina era muria na ivakavuvuli vakaivolatabu, era vakuai ira ena levu ni nodra loloma, ra qai vunautaka na ka dina ena iVolatabu.
Railesuvi
-
E yavutaki ena cava nodra vakabauta na lotu vaKarisito dina?
-
Na itovo cava era kilai kina na lotu vaKarisito dina?
-
Na cakacaka cava era cakava?
IKURI
Vulica e levu tale na ka me baleta e dua na ilawalawa era muria na ivakaraitaki i Jisu kei na ka e vakavulica.
Wilika nona kunea na sisita ni Katolika e dua “na vuvale e vuravura raraba.”
“Noqu Taro Kece e Saumi ena iVolatabu!” (Na Vale ni Vakatawa, 1 Epereli, 2014)
Sarava na sala era vakaraitaka kina na loloma na lotu vaKarisito dina vei ira na vakabauta vata.
Dikeva na sala era vakaraitaka kina na lotu vaKarisito taumada kei ira na lotu vaKarisito dina nikua, na ka e tukuna o Jisu me baleti ira nona imuri.
“O na Kilai Ira Vakacava na Lotu vaKarisito Dina?” (Na Vale ni Vakatawa, 1 Maji, 2012)
Rawa ni o Wilika Tale ga
TARO E TAROGI WASOMA
Era Veivakavulici Vakacava na iVakadinadina i Jiova ena iVolatabu?
E sega ni saumi nodra veivakavulici na iVakadinadina i Jiova ena iVolatabu. O rawa ni vakayagataka ga na ivakadewa ni iVolatabu o vinakata. Rawa tale ga ni o sureti ratou nomu vuvale, se itokani me ratou veitomani ena vuli.
