KAPITE 18
E Tou Iloa Fefeʼaki Le Kau Kilisiteano Māʼoki?
Tokaʼapi le kakai e lotou pati e lotou tui ki le Atua. Kae e leʼese tatau a neʼa alā e lotou tui ki ai, ti mo le maʼuliʼi o fakatotonu mei le Atua. Ko ia, e tou iloa fefeʼaki le kau Kilisiteano māʼoki?
1. Koleā le fakaʼuiga o le pati leia Kilisiteano?
Ko le kau Kilisiteano, ko le kau tisipulo a Sesu Kilisito. (Lau Tosi Gaoi 11:26.) E lotou fakasā fefeʼaki e lotou mulimuli kia Sesu? Na pati Sesu: “Kapau e kotou nonofo mau i laku folafola, ti ko aku tisipulo maoki koutou.” (Soane 8:31) Ko lona fakaʼuiga, ko le kau Kilisiteano māʼoki e lotou fakalogo ki akonaki a Sesu. Na fakatafito ana akonaki ki le Folafola, ko ia e tonu ai ki le kau Kilisiteano māʼoki ke fakatafito lalātou tui ki le Tosi-Tapu.—Lau Luka 24:27.
2. E fakasā fefeʼaki e le kau Kilisiteano māʼoki lolātou fealofani ia lātou?
Na pati Sesu ki ana tisipulo: “Kotou fealofani, ofaipe loku alofa kia koutou.” (Soane 15:12) Na fakasā fefeʼaki e Sesu lona alofa ki ana tisipulo? Na nofo aia o tokoi mo fakalotomakekeʼi lātou ti na soli e ia lona maʼuli o tupu ko lātou. (1 Soane 3:16) E toe felaʼaki mo le kau Kilisiteano māʼoki, e lotou fakasā lolātou feʼalofani i alātou māsau ti mo alātou gāʼoi.
3. Koleā le gaʼoi e fakasoko e le kau Kilisiteano māʼoki?
Na fakatotonu e Sesu se gaʼoi ki ana tisipulo. ‘Na kakau e ia lātou ke ano o fakamafola le Puleʼaga o le Atua.’ (Luka 9:2) Na leʼaise fakamafola fua le kau ʼuluaki Kilisiteano i olātou fale lotu kae na lotou fakamafola i gāneʼa alā na ʼapi ai le kakai ti mo fale fuli. (Lau Tosi Gaoi 5:42; 17:17.) E toe felaʼaki i le temi nei, e fakamafola le kau Kilisiteano a māʼoki o le Tosi-Tapu i potu fuli. O tupu e lotou alofa ki le kakai, ti e lotou fiafia i le fakaʼaogaʼi o lolātou a temi mo lolātou makeke ke fakasā ai le logo mālie leia e ʼau mei le Tosi-Tapu.—Maleko 12:31.
MANATU LOLOTO
Ta tioʼi pe koleā e kesekese ai le kau Kilisiteano māʼoki mo lātou alā e leʼese mulimuli ki akonaki ti mo le faifaitaki o Sesu.
4. E lotou afa le māʼoki i le Tosi-Tapu
Ko le kau ʼuluaki Kilisiteano e lotou mālieʼia le Folafola a le Atua.
E leʼaise tatau le fakamaʼuigaʼi e le kau kilisiteano o lotu fuli a māʼoki o le Tosi-Tapu. Tioʼi le GĀ ʼATA, ti fai le vesili leinei.
-
Koleā na fai e le kau takitaki lotu o ʼĒkelesia ke tāʼofi ai le kakai ke leʼaise lotou iloa a akonaki a Sesu?
Na akoʼi e Sesu le māʼoki leia e tuʼu i le Folafola a le Atua. Lau Soane 18:37, ti fai le vesili leinei:
-
O mulimuli ki māsau a Sesu, e fefeʼaki le iloa o Kilisiteano alā ‘e nofo i le māʼoki’?
5. E lotou fakamafola a māʼoki o le Tosi-Tapu
Ko le kau ʼuluaki Kilisiteano na lotou faifakamafola.
I muʼa o le pale o Sesu ki selo, na fakatotonu e ia ki ana tisipulo se gāʼoi ke lotou ʼaga o fakasoko o kaku mai ki le temi nei. Lau Mateo 28:19, 20 mo Tosi Gaoi 1:8, ti fai le vesili leinei:
-
E tonu ke kaku ki fea ti mo le temi fea a le fakasoko o le gaʼoi faifakamafola?
6. E lotou maʼuliʼi a neʼa alā e lotou ʼaga o fakamafola
Koleā na tui ai a Tom ku maʼua e ia le kau Kilisiteano māʼoki? Tioʼi le GĀ ʼATA, ti fai a vesili anei.
-
Koleā na ekenaki ai a Tom ke mavae mei lona lotu?
-
Koleā na tui māʼoki ai aia ku maʼua e ia le māʼoki?
E maʼuiga ake a neʼa alā e tou ʼaga o fai i atātou māsau. Lau Mateo 7:21, ti fai le vesili leinei:
-
Koleā leia e maʼuiga lasi kia Sesu, ko le pati e tou tui pe ko le fakamāʼoki ki atātou gaʼoi?
7. E lotou fealofani ia lātou
Ko le kau ʼuluaki Kilisiteano na lotou fealofani ia lātou
Kua tuʼutāmaki ko ia le maʼuli o ni Kilisiteano o tupu ko olātou fetāina mo tuagaʼane? Tioʼi le GĀ ʼATA, ti fai a vesili anei.
-
Koleā na tali e Lloyd ke tuʼutāmaki lona maʼuli o tupu ko lona taina ko Johansson?
-
Ki lau manatu, na fai ko ia aia pe se Kilisiteano māʼoki?
Lau Soane 13:34, 35, ti fai a vesili anei:
-
Na fefeʼaki le aga a le kau tisipulo a Sesu (ko le kau Kilisiteano māʼoki) ki kakai o la ake fenua?
-
Ti e fefeʼaki le aga a le kau Kilisiteano māʼoki mokā soko se tau?
E PATI A ʼIKI: “Na fai e le kau kilisiteano ni aga e veli ti e fefeʼaki ke lotou pati e māʼoki lalātou a lotu?”
-
Ko le vaega fea e mafai ke ke ʼaga o lau ke fakasā pe ko ai le kau Kilisiteano māʼoki?
MANATU TĀFITO
Ko le kau Kilisiteano māʼoki, e lotou mulimuli ki akonaki o le Tosi-Tapu, ti e lotou fealofani ia lātou, ti mo fakamafola a māʼoki o le Tosi-Tapu.
Fakamanatu
-
Koleā e fakatafito ki ai a le tui a le kau Kilisiteano māʼoki?
-
Koleā le agaaga e mafai ke iloa ai le kau Kilisiteano māʼoki?
-
Koleā le gaʼoi e fakasoko e le kau Kilisiteano māʼoki?
A ʼIKI MANATU
Ko se kautasi e faiga ke lotou muliʼi a akonaki ti mo le faifaitaki o Sesu.
Na maʼua fefeʼaki e se taʼine taupoʼou a se “fāmili fakalaumālie?”
“Na lotou fakaʼagoaʼi le Tosi-Tapu ke tali ki ʼaku vesili” (Tule Leʼo, aso 1 o Apelili 2014)
E fakasā fefeʼaki e le kau Kilisiteano māʼoki lolātou alofa ki fetāina mo tuagaʼane alā na tau mo se tuʼutāmaki fakanātulā?
Ko Se Tokoi i Le ʼOki o Se Tuʼutāmaki Fakanātulā—Gā ʼAta Fakakoga (3:57)
Na fakasā e Sesu ni anoʼaga ke mafai ai le iloa o ana tisipulo. E maʼuliʼi fefeʼaki e le kau ʼuluaki Kilisiteano ti mo lātou o le temi nei a anoʼaga anā?
“E mafai ke iloa fefeʼaki le kau Kilisiteano māʼoki?” (Tule Leʼo, aso 1 o Apelili 2012)
