Miliyaarji yimɓe no nodda hoore maɓɓe almasiiyaaɓe. Kono ɓe hoolaaki huunde wootere e ɓe jokkaa laawol gootol. Ko honno non anndirton almasiiyaaɓe goongaaɓe ɓen ?

1. Ko hommbo woni almasiiyaajo goongaajo ?

Almasiiyaaɓe ɓen, ko taalibaaɓe (maa jokkuɓe) annabi Iisaa Almasiihu on (janngee Kuuɗe sahaabaaɓe ɓen 11:26). Ko honno ɓe hollirta ko ɓe taalibaaɓe annaɓi Iisaa ? O wi’i : « Si on duumike e wuurirgol kongol an ngol, haray ka haqiiqa, ko on taalibaaɓe an » (Yuuhanna 8:31). Ɗun no firi almasiiyaaɓe goongaaɓe ɓen no haani ɗoftaade janndeeji annabi Iisaa ɗin. Ko no Annabi Iisaa tuggornoo e Binndi seeniiɗi Alla ɗin fii jannugol, ko non almasiiyaaɓe goongaaɓe ɓen tuggiri hoolaare maɓɓe e Deftere Alla nden (janngee Luuka 24:27).

2. Ko honno almasiiyaaɓe goongaaɓe ɓen hollirta giggol ?

Annabi Iisaa haalanno taalibaaɓe makko ɓen : « Yiɗindiree wano mi yiɗiri on non » (Yuuhanna 15:12). Ko honno annabi Iisaa hollirnoo himo yiɗi taalibaaɓe makko ɓen ? O feƴƴindinno e maɓɓe saa’i, o wakkilinno ɓe e o walluno ɓe. O okkirtirno hay ngurndan makko ɗan fii maɓɓe (1 Yuuhanna 3:16). Ko wano non kadi, almasiiyaaɓe goongaaɓe ɓen wowlataa tun fii giggol. Hiɓe hollindira giggol ka haala e ka kuuɗe maɓɓe.

3. Ko golle honɗe hittani almasiiyaaɓe goongaaɓe ɓen ?

Annabi Iisaa jonnuno taalibaaɓe makko ɓen golle. « O immini ɓe waajoyagol fii laamu Alla ngun » (Luuka 9:2). Almasiiyaaɓe ɓen ka teeminannde aranere waajotanooko tun ka ɓe rewaynoo Alla ɗon, kono ɓe waajotono e nokkeeli ka yimɓe fottata e ka cuuɗi (janngee Kuuɗe sahaabaaɓe ɓen 5:42 ; 17:17). Hannde, ko wano non kadi, almasiiyaaɓe goongaaɓe ɓen waajorta goonga Deftere Alla nden kala ka yimɓe woni. Sabu giggol maɓɓe ngol fii woɓɓe goo, hiɓe weltii huutorgol saa’i e doole maɓɓe ɗen fii hollugol ɓe no Deftere Alla nden okkirta tanƴinaare e ɓuttu-ɓernde (Markuusa 12:31).

 LUGGINEE

4. Hiɓe ɗaɓɓa goonga on ka nder Deftere Alla

5. Hiɓe waajoo goonga Deftere Alla nden

 6. Hiɓe huutora ko ɓe waajotoo kon

Ko honɗun walli gorko inneteeɗo Tom fellitugol o yi’i almasiiyaaɓe goongaaɓe ɓen ? Fijinee VIDIO on e yewton fii lanndaale jokkituɗe ɗen.

• Ka nder vidio, ko honɗun waɗi Tom seli fii diina ?

• Ko fii honɗun himo fellitunoo o yi’i almasiiyaaɓe goongaaɓe ɓen ?

Kuuɗe no ɓuri konnguɗi hittude. Janngee Matta 7:21 e yewton fii ngal lanndal :

• Ko honɗun ɓuri hittande annabi Iisaa : ko wi’ugol hiɗen hoolii kaa ko hollirgol ɗun kuuɗe men ɗen ?

7. Hiɓe yiɗindiri

• Ko honno taalibaaɓe annabi Iisaa ɓen (almasiiyaaɓe goongaaɓe ɓen) joggorta yimɓe ɓe wonaa leɲol gootol maa leydi wootiri ?

• Si gere waɗii, ko honno ɓe wallirta ɓe kadi ?

 RAWNOODE

Almasiiyaaɓe goongaaɓe ɓen no ɗoftoo ko Deftere Alla nden wi’i kon, hiɓe yiɗindiri fota e hiɓe waajoo goonga Deftere Alla nden.

Ndartannde

• Ko e hoore honɗun dewal almasiiyaaɓe goongaaɓe ɓen tuggii ?

• Ko honno anndirten almasiiyaaɓe goongaaɓe ɓen ?

• Ko golle honɗe almasiiyaaɓe goongaaɓe ɓen waɗata ?