Maíonn na billiúin duine gur Críostaí iad. Ach ní hé an rud céanna a chreideann siad go léir, agus ní mhaireann siad de réir na gcaighdeán céanna. Mar sin cén chaoi ar féidir linn fíor-Chríostaithe a aithint?

1. Céard is Críostaí ann?

Is deisceabail, nó dream daoine a leanann, Íosa Críost iad Críostaithe. (Léigh Gníomhartha 11:26.) Cén chaoi a mbeadh a fhios againn gur deisceabail le hÍosa iad? Dúirt Íosa: “Má fhanann sibh ar mo bhriathar, beidh sibh in bhur ndeisceabail agam dáiríre.” (Eoin 8:31) Léiríonn sé seo go gcaithfidh fíor-Chríostaithe teagasc Íosa a chomhlíonadh. Díreach mar a bhunaigh Íosa gach ar mhúin sé ar an mBíobla, déanann fíor-Chríostaithe an rud céanna.—Léigh Lúcás 24:27.

2. Cén chaoi a léiríonn fíor-Chríostaithe grá?

Dúirt Íosa: “Is í seo m’aithne, sibh grá a thabhairt dá chéile mar an grá a thug mé daoibh.” (Eoin 15:12) Cén chaoi ar léirigh Íosa go raibh grá aige dá dheisceabail? Chaith sé am leo, spreag sé iad, agus chabhraigh sé leo. Thug sé a bheatha ar a son. (1 Eoin 3:16) Mar an gcéanna inniu, léiríonn fíor-Chríostaithe go bhfuil grá acu dá chéile trí bhriathar agus trí ghníomh.

3. Cén obair a dhéanann fíor-Chríostaithe?

Thug Íosa obair le déanamh dá dheisceabail nuair a “chuir sé uaidh iad ag fógairt ríocht Dé.” (Lúcás 9:2) Bhíodh na chéad Chríostaithe ag craobhscaoileadh, ní hamháin ina n-ionaid adhartha ach in áiteanna poiblí agus i dtithe príobháideacha. (Léigh Gníomhartha 5:42; 17:17.) Bíonn fíor-Chríostaithe inniu ag craobhscaoileadh fírinní an Bhíobla cibé áit a bhfuil daoine. Tá grá acu dá gcomharsan, mar sin úsáideann siad a gcuid ama agus a gcuid fuinnimh chun an teachtaireacht dóchais agus an sólás atá sa mBíobla a scaipeadh.—Marcas 12:31.

 DÉAN TAIGHDE

4. Bíonn siad sa tóir ar fhírinne an Bhíobla

5. Craobhscaoileann siad fírinní an Bhíobla

 6. Déanann siad beart de réir a mbriathar

Céard a chuir ina luí ar Tom go raibh an fhíor-Chríostaíocht aimsithe aige? Seinn an FÍSEÁN, ansin pléigh na ceisteanna a leanann.

• Cén fáth ar éirigh Tom tuirseach de reiligiún?

• Cén fáth a bhfuil sé cinnte go bhfuil an fhírinne faighte aige?

Is tábhachtaí beart ná briathar. Léigh Matha 7:21, ansin pléigh an cheist seo:

• Céard is tábhachtaí d’Íosa—go maíonn muid go bhfuil creideamh againn nó go ndéanann muid beart de réir a bhriathair?

7. Tá siad mór le chéile

• Cén chaoi a gcaithfeadh fíordheisceabail Íosa le daoine de chine nó de náisiún eile?

• Céard a dhéanfaidís le linn cogaidh?

 ACHOIMRE

Leanann fíor-Chríostaithe teagasc an Bhíobla, léiríonn siad grá neamhleithleach, agus craobhscaoileann siad fírinní an Bhíobla.

Súil Siar

• Céard air a mbunaíonn fíor-Chríostaithe a gcreideamh?

• Cé na tréithe lena n-aithnítear fíor-Chríostaithe?

• Cén obair a dhéanann fíor-Chríostaithe?