LÈSON 18
Kijan nou pé rèkonnèt sé vré krétyen-la ?
Ni plizyè milya moun ki ka di kè yo krétyen. Men yotout pa’a kwè adan sé menm biten-la, é yotout pa ni menm lidé-la asi sa ki byen é sa ki mal. Alò, kijan nou pé rèkonnèt sé vré krétyen-la ?
1. Ka ki on krétyen ?
On krétyen sé on disip a Jézikri (li Akt 11:26). Kijan i ka montré kè i ka suiv Jézi ? Mi sa Jézi di : « Si zò ka rété kolé èvè sa an ka di, zò sé disip an mwen menm » (Jan 8:31). Sa vé di kè on vré krétyen ka fè tousa Jézi anségné. Anplisdisa, sé adan Pawòl a Bondyé Jézi té ka pran tousa i anségné ; kivédi, tousa on krétyen ka kwè dwètèt bazé asi Labib (li Lik 24:27).
2. Aka sé vré krétyen-la, yonn enmé lòt. Kijan yo ka montré sa ?
Mi sa Jézi di disip a-y : « Fò yonn enmé lòt menmjan an enmé-zòt » (Jan 15:12). Kijan Jézi montré kè i té enmé disip a-y ? I té ka pasé tan èvè yo, i té ka ba-yo fòs é kouraj é i té ka édé-yo. I jis mò pou yo (1 Jan 3:16). Menmjan-la, lè sé vré krétyen-la ka palé dè lanmou, a pa yenki pawòl an bouch. Lè ou ka kouté sa yo ka di, é lè ou ka gadé sa yo ka fè, ou ka rann-vou kont kè yonn enmé lòt fò toubònman.
3. Ki travay tout sé vré krétyen-la ka fè ?
Jézi ba disip a-y on misyon. « I voyé-yo préché wayòm a Bondyé » (Lik 9:2). Sé vré krétyen-la pa té ka préché yenki koté-la yo té ka réini la. Yo té ka préché toupatou yo té pé jwenn moun, ki sé asi plas-mawché, dè kaz an kaz oben dòt koté ankò (li Akt 5:42 é 17:17). Jòdla osi, sé vré krétyen-la ka préché sé vérité-la ki an Bib-la toupatou yo pé jwenn moun. Sé vré krétyen-la enmé pwochen a yo, kifè, sé èvè onlo jwa yo ka itilizé tan a yo é fòs a yo pou préché mésaj-la ki an Bib-la. Mésaj-lasa ka konsolé sé moun-la é i ka ba-yo on bèl èspwa (Mawk 12:31).
AN-NOU FOUYÉ PI FON
An-nou vwè ki diférans ki ni ant sé vré krétyen-la é séla ki pa ka suiv ègzanp a Jézi é sa i anségné.
4. Yo ka fouyé an Bib-la pou yo touvé lavérité
Sé prèmyé krétyen-la té enmé pawòl a Bondyé.
Ni sèwten moun ki krétyen swadizan, men yo pa’a ba sé vérité-la ki an Bib-la pon valè. Gadé VIDÉO-la é fè on ti kozé asi kèsyon-la ki ka vin la.
-
Ni sèwten légliz ki ka suiv Jézi swadizan, men yo pa ka anségné menm biten ki-y. Kijan yo fè kont a yo ?
Jézi anségné vérité-la ki adan Pawòl a Bondyé. Li Jan 18:37 é fè on ti kozé asi kèsyon-lasa :
-
Dapré Jézi, kijan nou pé rèkonnèt sé krétyen-la « ki pou lavérité » ?
5. Yo ka préché sé vérité-la ki an Bib-la
Sé prèmyé krétyen-la té ka préché.
Avan i té monté an syèl-la, Jézi ba disip a-y on misyon. É jous alajouné jòdi, yo ka kontinyé fè misyon-lasa. Li Matyé 28:19, 20 é Akt 1:8, é fè on ti kozé asi kèsyon-lasa :
-
Pannan konmen tan yo té’é préché é jous ki koté yo té’é fè sa ?
6. Sa yo ka préché la, yo ka mété-y an pratik
Kijan Tom fè sèten kè i té touvé sé vré krétyen-la ? Gadé VIDÉO-la é fè on ti kozé asi sé kèsyon-la ki ka vin la.
-
Poukwa Tom pa té vlé tann palé dè rèlijyon ankò ?
-
Kijan Tom fè sèten kè i té touvé lavérité ?
Sa nou ka fè ni plis enpòwtans ki sa nou ka di. Li Matyé 7:21 é fè on ti kozé asi kèsyon-lasa :
-
Pou Jézi, ka ki té pli enpòwtan : sa nou ka di, oben sa nou ka fè ?
7. Yonn enmé lòt fò toubònman
Sé prèmyé krétyen-la té ni lanmou yonn pou lòt.
Ès ni dé krétyen ki ja montré kè yo paré a pèd vi a yo pou dé moun ki an menm rèlijyon ki yo ? Gadé VIDÉO-la é fè on ti kozé asi sé kèsyon-la ki ka vin la.
-
Poukwa frè Lloyd Likhwide té paré a pèd vi a-y pou frè Johansson ?
-
Ès ou ka di kè sa i fè la, sé sa tout vré krétyen dwètèt fè ?
Li Jan 13:34, 35 é fè on ti kozé asi sé kèsyon-lasa :
-
Kijan disip a Jézi (sé vré krétyen-la) ka aji èvè moun ki pa menm ras ki yo oben ki pa sòti an menm péyi ki yo ?
-
É lè on lagè pété, kijan yo ka aji èvè sé menm moun-lasa ?
MI SA MOUN KA DI : « Kèlkèswa rèlijyon-la, dépi ou ka kwè an Jézi sé sa ki pli enpòwtan. »
-
Èvè ki vèwsé ou té’é sèvi pou montré kimoun ki ka suiv Jézikris ?
ON TI RÉZIMÉ
Sé vré krétyen-la ka suiv sa ki maké an Bib-la, yonn enmé lòt fò é yo ka préché sé vérité-la ki an Bib-la.
Ka ou woutyenn
-
Ola sé vré krétyen-la ka pran kwayans a yo ?
-
Ki kalité ka pèwmèt-nou rèkonnèt sé vré krétyen-la ?
-
Ki travay Jézi mandé sé krétyen-la fè ?
AY GADÉ SA OSI
On gwoup-moun ki ka fè tousa yo pé pou suiv ègzanp a Jézi é pou fè sa i mandé.
Gadé pou vwè kijan on lésè touvé sa i ka kriyé « on vré fanmi èspirityèl ».
Kijan sé vré krétyen-la ka montré kè yo enmé moun ki an menm rèlijyon ki yo é ki an difikilté ?
Jézi bay onlo détay pou moun sav kimoun ki disip a-y. An-nou vwè kijan sé prèmyé krétyen-la é sé vré krétyen-la jòdijou ka korèsponn èvè tout sé détay-lasa.
« À quoi se reconnaît le christianisme authentique ? » (Tou dè Gad a 1é maws 2012 an fransé)
Ay gadé sa osi...
KÈSYON ONLO MOUN KA POZÉ-YO
Sé lèson biblik la Témwen a Jéova ka pwopozé : kijan sa ka pasé ?
Sé lèson-la gratui é ou ka pé fè bèl ti kozé èvè Témwen a Jéova ; ou pé sèvi èvè pwòp Bib a-w é ou pé envité fanmi a-w oben zanmi a-w suiv étid-la èvè-w.
