YEMBOE 18
Kia reta pa cristiano añetete vae
Jeta yae kia reta jei cristiano añetete ko vae, ërei mbaetɨ ko opaete vae oyovake iporogüɨrovia ani jeko reta. Jayave, ¿kia reta pa cristiano añetete vae?
1. ¿Kërai pa cristiano añetete vae?
Cristiano añetete vae omomoe Jesucristo oyapo vae (emongeta Hechos 11:26). ¿Kërai pa oechauka añetete omomoe vae? Jesús jei: “Pe reta peiko avei yave che jae peve peyapo vaerä vae rupi, peikota ko cheremimboe retarä añetete pegua” (Juan 8:31). Kuae yandemboe cristiano añetete vae reta oyapo Jesús omboe vae jare güɨrovia Biblia re, echa Jesús oyapo avei Biblia jei vae (emongeta Lucas 24:27).
2. ¿Kërai pa oechauka mboroaɨu cristiano añetete vae reta?
Jesús jei jemimboe reta pe: “Peyoaɨu, che poaɨu rami” (Juan 15:12). ¿Kërai pa Jesús oechauka oaɨu jemimboe reta? Oiko jae reta ndive, omoäta ngatu, omborɨ jare omee jekove jae reta re (1 Juan 3:16). Cristiano añetete vae reta mbaetɨ oyemongetaiño mboroaɨu re, oechauka mboroaɨu añetete vae oyapo vae rupi, Jesús oyapo rami.
3. ¿Mbae tembiapo ikavi ete vae pa oyapo cristiano añetete vae reta?
Jesús, “omondo reta omombeu vaerä Tumpa iporookuaía [iReino re]” (Lucas 9:2). Cristiano tenondegua vae reta mbaetɨ omoërakua oyemboatɨ vae peño, omoërakua vi ïkotɨa rupi, plaza reta jare tëta-tëta rupi (emongeta Hechos 5:42; 17:17). Añave rupi cristiano añetete vae omoërakua Biblia omboe vae oipotagüe kia reta oï vae rupi. Oaɨu kia reta ramo, yerovia reve oiporu itiempo omoërakua vaerä ñee ikavi vae jare ombopɨakatu vaerä Biblia ndive (Marcos 12:31).
YAIKUAA KATU VAERÄ
Yayemboe kërai cristiano añetete vae oyoavɨ kia reta mbaetɨ oyapo Jesús omboe vae güi.
4. Oeka reta añetete vae Biblia pe
Cristiano tenondegua reta oyemboe Tumpa Iñee jei vae re.
Amogüe jei: ‘che ko cristiano’, ërei oipotaä oikuaa añetete Biblia omboe vae re. Pemae VIDEO re jare peyemongeta jese:
-
¿Mbae pa oyapo amogüe religión reta oñeenɨi cristiano vae agüɨye vaerä kia reta oikuaa Jesús omboe vae?
Jesús omboe añetete Biblia pe oï vae. Pemongeta Juan 18:37 jare peyemongeta jese:
-
Jesús omombeu rami, ¿kërai pa yaikuaa kia reta pa ko cristiano “añete vae güɨrovia vae reta”?
5. Omoërakua reta añetete Biblia pe oï vae
Cristiano tenondegua reta omoërakua.
Jesús ndei ojo mbove ara pe, oyókuai jemimboe reta omoërakua vaerä, añave rupi jekuaeño oyeapo jókuae. Pemongeta Mateo 28:19, 20 jare Hechos 1:8, jare peyemongeta jese:
-
¿Kërai yave regua jare ketɨ rupi pa oñemoërakuata?
6. Oyapo reta omboe vae
¿Kërai pa Tom oikuaa oväe ko religión añetete vae? Pemae VIDEO re jare peyemongeta jese:
-
Yaecha rami video pe, ¿maera pa Tom oeya religión?
-
¿Maera pa Tom güɨrovia katu oväe ko añetete vae?
Yaechauka yande ko cristiano añete vae yayapo vae rupi. Pemongeta Mateo 7:21 jare peyemongeta jese:
-
¿Mbae pa má ikavi ete Jesús peguarä: yayemongeta yarovia vae, ani yaechauka yayapo vae rupi?
7. Oyoaɨu päve reta
Cristiano tenondegua reta oyoaɨu päve.
¿Cristiano reta ikɨ̈reɨ ngatu pa omee jekove oepɨ vaerä ihermano reta? Pemae VIDEO re jare peyemongeta jese:
-
¿Maera pa hermano Lloyd ikɨ̈reɨ ngatu oipota omee jekove oepɨ vaerä hermano Johansson?
-
¿Oyapo pa cristiano añetete vae rami?
Pemongeta Juan 13:34, 35 jare peyemongeta jese:
-
¿Jesús jemimboe reta—cristiano añetete vae—omboyoavɨ pa kia reta ipire ambuae vae ani ketɨ güi ou vae ramo?
-
Oime yave ñeraro ¿kërai pa cristiano añetete vae reta oechauka oyoaɨu päve ko?
AMOGÜE RETA JEI VAE: “Tumpa pe ikavi opaete religión reta”.
-
¿Mbae texto pa remongetata reechauka vaerä kia reta pa cristiano añetete vae?
YAYEMBOE MA VAE
Cristiano añetete vae reta oyapo Biblia jei vae, ikɨ̈reɨ ngatu oyemborɨ päve yepe tëi ámope yavai, jare omoërakua añetete Biblia pe oï vae.
Emoësaka
-
¿Mbae re pa cristiano añetete vae güɨrovia?
-
¿Mbae teko kavi pa oechauka cristiano añetete vae reta?
-
¿Mbae mbaravɨkɨ pa oyapo?
EEKA KUAE
Conozca mejor a un grupo que se esfuerza por seguir el ejemplo y las enseñanzas de Jesucristo.
Lea cómo una mujer que había sido monja encontró “una verdadera familia espiritual”.
“Contestaron todas mis preguntas con la Biblia” (La Atalaya, 1 de abril de 2014)
Vea cómo los auténticos cristianos les muestran amor a sus hermanos cuando necesitan ayuda.
Ayudamos a nuestros hermanos cuando se produce un desastre (fragmento) (3:57)
Jesús describió las características de sus seguidores. Descubra cómo encajan con esa descripción tanto los primeros cristianos como los cristianos verdaderos de la actualidad.
“¿Qué identifica a los cristianos verdaderos?” (La Atalaya, 1 de marzo de 2012)
