KUSRENANIK 18
¿Cristoi wentautø ampupelø kui mumera kui mantø nepua ashchap?
Yam misakmera Cristoi wentautø ampupelø ker chipentø, nømui køreiløpe, øsik amønainuk pekmaytø marøpelø køn. Trupe, ¿Cristoi wentautø ampupelø kui mumera kui mantø nepua ashchap?
1. ¿Maik kø Cristoi wentautø uñipikpe?
Kan cierto Cristoi wentautø uñipikpe Jesús maik unikwan trektøwai maramik køn (lea Hechos 11:26). ¿Ciertonik kui mantø kenamara? Jesúspe trenchipik køn: “Na maig wamindiilan ñim trunun møra marøb pønrrøwabe, isa kømø, nai mendig amøñibelø kønrrabguen cha” (Juan 8:31). Trupe, Jesús maik taikwan møra maramik køn. Jesúspe chu urastøkucha Bibliatøka maik taikwan kusrenanøpik kuik køn, Cristoi wentautø ampupeløkucha trektøwai kusrenanøpelø køn (lea Lucas 24:27).
2. ¿Cristoi wentautø ampupeløpe untakwan mantø kenamara?
Jesús nui kusrenanøp pera unilan trencha karuik køn: “Ñim kangurrin kangurri undaguelø kønrrai, na ñimun undaarab” lataitøwaike (Juan 15:12). ¿Jesús mantø kenamara nui kusrenanøp pera unilan untarapik kui? Nømpa wamintamik utø wesrup, nømun tap kui mørtrai purukup, nui øsik unikwan trantraptøwai pasraik køn (1 Juan 3:16). Cristoi wentautø ampupeløpe untak kenamarøppe wamtøkatø kømø; mariktrawa kenamarøpelø køn.
3. ¿Cristoi wentautø ampupeløpe chiwanmetrik maramik kø?
Jesús nø kusrenanøp pera unilan “Tius nø ashib karub wainuguigwan eshkab” kusrenantrai karuik køn (Lucas 9:2). Srøtø Cristoi wentautø ampupelø Tiuswai Wamwan waminchipelø kuik køn tuluntsunik yautø kømøtø, ya mørik ampupelø køp misakmera chu pøntraiksrø ampupelø kuik køn (lea Hechos 5:42; 17:17). Møin kualømkucha Cristoi wentautø ampupeløpe Tiuswai Wamwan chu misak køpen kusrenanøpelø køn. Misakmeran untak tøkar kua, utø wesrupelø køn Tiuswai tap srø wammeran waminchap (Marcos 12:31).
MAS NEPUA KUSREU
Nepua ashkun cierton Cristoi wentautø ampupelø chi marøpelø kuikwan, incha misakmera Cristoi wentautø ampupelø ker chipentø chiwan marmelø kuikwan.
4. Biblia cierton kusrenanikwan lapelø køn
Srøtø Cristoi wentautø ampupeløpe Biblia latrø tapik kui nepua ashipelø kuik køn.
Nøtrø misakmera Cristoi wentautø ampupelø ker chipentø, nepua ashmelø køn Bibliape latrø tapik kui. VIDEUN asay, yu videu asinuk pinaku paíkwan waminchap:
-
Møilø Iglesiasmera Cristoi wentautø ampupelø ker chipentø Jesús kusrenanikwan søtøkatøntrap intik køn, ¿chi marik kø?
Jesúspe cierton Bibliayu maik chipik køpen kusrenanik køn. Ley Juan 18:37, yu leinuk pinaku paíkwan waminchap:
-
Jesús taimpala, ¿mantø nepua ashchera “ciertonigweingatø” mumera pøntrapelø kui?
5. Bibliayukutri ciertonikwan kusrenanøpelø køn
Srøtø Cristoi wentautø ampupeløpe Tiuswai wam kusrenanøp ampupelø kuik køn.
Jesús srømpalasrømay imuatø, nui kusrenanøp pera unilan kusrenantrai karuik køn, møyankucha trektøwai marøpkøn. Ley Mateo 28:19, 20 incha Hechos 1:8, yu leinuk pinaku paíkwan waminchap:
-
¿Chu uraskatik Tiuswai Wamwan wamintamik kø? ¿Chukatik Tiuswai Wamwan kusrenanøp ampamik kø?
6. Tiuswaimpurap chi kusrenanikwan nøm maik amønaiktøka kenamarøpelø køn
¿Chinchatre Tomáspe kørewa pasraik kø Cristoi wentautø ampupelan wetøtrarmap? VIDEUN asay, yu videu asinuk pinaku paílan waminchap:
-
¿Yu videu asinukma Tomáspe religiónwaimpurap chinchatre tap kømui asik kø?
-
¿Tomás chinchatre kørewa pasra ciertonikwan wetøtraik kui?
Wamintikpe mariløtøka kenamaramik køn. Ley Mateo 7:21, yu leinuk pinaku paíkwan waminchap:
-
¿Jesúswaimpe chi mas nuik kø: wamintilø køreilø, kape nam øsik amønainuk kenamariløte?
7. Kanikkutri kanikkutri untarapelø køn
Srøtø Cristoi wentautø ampupeløpe ampukutri ikutri untak kenamarøpelø kuik køn.
Cristoi wentautø ampupeløpe nømui øsik amønaikwan trantrap pøntrapelø køn nømui nuchalaimpurap. VIDEUN asay, yu videu asinuk pinaku paílan waminchap:
-
¿Chincha Lloydpe nui øsik unikwan nunek Johanssonwaimpurap trantrap pasraik kø?
-
¿Nø cierto Cristoi wentautø uñipik kui kenamarik kø chintera?
Ley Juan 13:34, 35, yu leinuk pinaku paílan waminchap:
-
¿Cristoi wentautø ampupeløpe mantø kenamaramik kø untarapelø kui chi misakmeran køpen?
-
¿Incha mantø martreira pek misakmerape katøkan pek misakmerapa kuayapyupe?
MØILØPE TREEK ISUPELØ KØN: “Cristoi wentautø ampupeløpe trømpøik marøpelø køncha. Inchawai religión ciertonikwan kusrenanøpelø kømuintrun cha”.
-
¿Cierton Cristoi wentautø ampupeløpe mumera kui kenamartrap chi versículo kenamarøpsruku?
¿CHI KUSREKU?
Cierton Cristoi wentautø ampupeløpe Biblia maik taikwan møra marøp, tru untak kuikkutri katøkanelan purukuntraptøwai pøntrapelø køn, trektøwai Bibliayukutri ciertonikwan kusrenanøp ampupelø køn.
Kusreikwan katøle isuntrap
-
¿Cierton Cristoi wentautø ampupelai køreiløpe chukutri atrupik kø?
-
¿Nømpe chi tapikwan kenamarøpelø kø?
-
¿Incha chiwan marøp amtrupkø?
MAS NEPUA ASH
Jesucristo maik unikwan maik kusrenanikwan martrap inchipelan nepua ash.
Kan ishuk monja køpik kan yawelø latailø untarapelø wetøtraikwan leu.
“Paílan kutike Bibliatrawa løtik køn” (Asha Eshkapik, 1 abril 2014wai)
Cristoi wentautø ampupeløpe namui nuchalan mur kualømmera pupen purukuntraptøwai pøntrapelø kuikwan nepua ash.
Latrø trømpøilø pupen namui nuchalan purukupelø ker (pititø wesruik) (3:57)
Jesús nui wentautø ampupelø mailø køntrap kuikwan eshkaik køn. Metrap Cristoi wentautø ampupeløpa, møi kualøm Cristoi wentautø ampupeløpa, treeløtøwai kui nepua ash.
“¿Cierton Cristoi wentautø ampupelan mantø nepua asamtik kø?” (Asha Eshkapik, 1 marzo 2012wai)
