NUPINPLỌN 18
Lehe A Sọgan Yọ́n Klistiani Nugbo lẹ Do
Gbẹtọ liva susu wẹ nọ sọalọakọ́n dọ emi yin Klistiani. Amọ́, yé ma tindo nuyise dopolọ lẹ, mọ wẹ aliho gbẹninọ tọn yetọn lẹ sọ gbọnvo do niyẹn. Enẹwutu, nawẹ mí sọgan yọ́n Klistiani nugbo lẹ gbọn?
1. Etẹwẹ e zẹẹmẹdo nado yin Klistiani de?
Klistiani lẹ yin devi kavi hodotọ Jesu Klisti tọn lẹ. (Hia Owalọ lẹ 11:26.) Nawẹ yé nọ dohia gbọn dọ devi Jesu tọn lẹ wẹ emi yin? Jesu dọmọ: “Eyin mì gbọṣi ohó ṣie mẹ, be devi ṣie wẹ mì yin nugbonugbo.” (Johanu 8:31) Ehe zẹẹmẹdo dọ Klistiani lẹ dona setonuna nuplọnmẹ Jesu tọn lẹ. Dile Jesu nọ ze nuplọnmẹ etọn lẹ sinai do Owe-wiwe lẹ ji do, Klistiani nugbo lẹ lọsu nọ ze nuyise yetọn sinai do Biblu ji.—Hia Luku 24:27.
2. Nawẹ Klistiani nugbo lẹ nọ do owanyi hia gbọn?
Jesu dọna hodotọ etọn lẹ dọmọ: “Mì . . . yiwanna ode awetọ kẹdẹdile yẹn ko yiwanna mì do.” (Johanu 15:12) Nawẹ Jesu nọ dohia dọ emi yiwanna devi emitọn lẹ gbọn? Ewọ nọ yí whenu zan dopọ hẹ yé, nọ na tuli yé, bosọ nọ gọalọna yé. Ewọ tlẹ ze ogbẹ̀ etọn jo do ota yetọn mẹ. (1 Johanu 3:16) Mọdopolọ, Klistiani nugbo lẹ ma nọ dọhodo owanyi ji poun gba. Kakatimọ yé nọ dohia to ohó po walọ po mẹ dọ yé yiwanna ode awetọ.
3. Azọ́n tẹ go wẹ Klistiani nugbo lẹ nọ gbokàn do hugan?
Jesu deazọ́nna devi etọn lẹ. “E . . . do yé hlan nado dọyẹwheho Ahọluduta Jiwheyẹwhe tọn.” (Luku 9:2) Klistiani dowhenu tọn lẹ nọ dọyẹwheho, e ma yin to fie yé nọ basi sinsẹ̀n te lẹ kẹdẹ, ṣigba to nọtẹn gbangba tọn lẹ podọ gbọn owhé mẹdevo lẹ tọn gbè ga. (Hia Owalọ lẹ 5:42; 17:17.) Mọdopolọ to egbehe, Klistiani nugbo lẹ nọ lá nugbo Biblu tọn lẹ na mẹlẹ to fidepope he yé mọ yé te. Na yé yiwanna kọmẹnu yetọn lẹ taun wutu, yé nọ yí homẹhunhun do yí whenu po huhlọn yetọn po zan nado lá owẹ̀n todido po homẹmimiọn po tọn he to Biblu mẹ na yé.—Malku 12:31.
DINDONANU DOGỌ
Pọ́n lehe a sọgan yọ́n Klistiani nugbo lẹ dovo na mẹhe ma nọ hodo nuplọnmẹ po apajlẹ Jesu tọn lẹ po do.
4. Yé nọ dín nugbo Biblu tọn
Klistiani dowhenu tọn lẹ yọ́n pinpẹn Ohó Jiwheyẹwhe tọn
E ma yin mẹhe ylọ yede dọ Klistiani lẹpo wẹ nọ yọ́n pinpẹn nugbo Biblu tọn lẹ tọn. Hò VIDEO lọ, enẹgodo dọhodo kanbiọ he bọdego ji.
-
Nawẹ ṣọṣi he nọ ylọ yede dọ Klistiani delẹ ko gboawupo nado plọnmẹ nugbo he Jesu plọnmẹ lẹ gbọn?
Jesu plọnmẹ nugbo he to Ohó Jiwheyẹwhe tọn mẹ. Hia Johanu 18:37, enẹgodo dọhodo kanbiọ ehe ji:
-
Sọgbe hẹ nuhe Jesu dọ, nawẹ mí sọgan yọ́n Klistiani he “to adà nugbo lọ tọn mẹ” lẹ gbọn?
5. Yé nọ lá nugbo Biblu tọn
Klistiani dowhenu tọn lẹ nọ dọyẹwheho na mẹdevo lẹ
Whẹpo Jesu do lẹkọyi olọn mẹ, e deazọ́n de na hodotọ etọn lẹ, he gbẹ́ zindonukọn kakajẹ egbé. Hia Matiu 28:19, 20 gọna Owalọ lẹ 1:8, enẹgodo dọhodo kanbiọ ehe ji:
-
Obá tẹ mẹ wẹ azọ́n yẹwhehodidọ tọn lọ na yin wiwà jẹ?
6. Yelọsu nọ yí nuhe plọnmẹ yé te do yizan mẹ
Etẹwẹ hẹn dawe de he nọ yin Tom kudeji dọ ewọ ko mọ sinsẹ̀n Klistiani tọn nugbo lọ? Hò VIDEO lọ, enẹgodo dọhodo kanbiọ he bọdego lẹ ji.
-
To video lọ mẹ, naegbọn sinsẹ̀n-hó do tọ́n sọn awọntin mẹ na Tom?
-
Etẹwẹ hẹn ẹn kudeji dọ ewọ ko mọ nugbo lọ?
Walọyizan mítọn lẹ nọ yinuwado mẹdevo lẹ ji hugan nuhe mí nọ dọ. Hia Matiu 7:21, enẹgodo dọhodo kanbiọ ehe ji:
-
Etẹwẹ nọ duahunmẹna Jesu hugan—nuhe mí nọ dọ poun dọ mí yise lẹ wẹ ya kavi nuhe walọyizan mítọn lẹ nọ dohia?
7. Yé nọ yiwanna ode awetọ
Klistiani dowhenu tọn lẹ nọ yiwanna ode awetọ
Be Klistiani lẹ nọ ze ogbẹ̀ yetọn do owù mẹ na Klistiani hatọ yetọn lẹ nugbonugbo ya? Hò VIDEO lọ, enẹgodo dọhodo kanbiọ he bọdego lẹ ji.
-
To video lọ mẹ, etẹwẹ whàn Lloyd nado ze ogbẹ̀ etọn do owù mẹ do ota mẹmẹsunnu Johansson tọn mẹ?
-
Be a lẹndọ ewọ yinuwa taidi Klistiani nugbo de ya?
Hia Johanu 13:34, 35, enẹgodo dọhodo kanbiọ he bọdego lẹ ji:
-
Nawẹ devi Jesu tọn lẹ, yèdọ Klistiani nugbo lẹ, na nọ yinuwa hẹ mẹhe wá sọn akọ̀ kavi otò devo mẹ lẹ gbọn?
-
Etẹwẹ owanyi didohia na whàn Klistiani lẹ nado wà to awhàn whenu?
MẸDELẸ NỌ DỌ DỌ: “N’ma jlo na biọ sinsẹ̀n de mẹ, na núwluwà sinsẹ̀n lẹ tọn ko sù gbau.”
-
Wefọ tẹwẹ a gán hia na mẹde nado dohia ẹ lehe yè sọgan yọ́n Klistiani nugbo lẹ do?
BLADOPỌ
Klistiani nugbo lẹ nọ setonuna nuplọnmẹ Biblu tọn lẹ, nọ gbọn owanyi dali ze yede jo do ota mẹdevo lẹ tọn mẹ, bosọ nọ lá nugbo Biblu tọn.
Dogbapọn
-
Etẹ ji wẹ Klistiani nugbo lẹ nọ ze nuyise yetọn lẹ sinai do?
-
Jẹhẹnu tẹwẹ yè do nọ yọ́n Klistiani nugbo lẹ?
-
Azọ́n tẹ go wẹ Klistiani nugbo lẹ nọ gbokàn do?
PỌ́N NUDỌNAMẸ DEVO LẸ
Plọn nususu dogọ gando pipli de he nọ dovivẹnu nado hodo apajlẹ Jesu Klisti tọn, bosọ nọ setonuna nuplọnmẹ etọn lẹ go.
Pọ́n nuhe whàn yẹwhenọ-yọnnu dai tọn de nado dín “whẹndo mẹmẹsunnu po mẹmẹyọnnu po tọn nugbo lọ” mọ.
Pọ́n lehe Klistiani nugbo lẹ nọ do owanyi hia sinsẹ̀n-basitọ hatọ yetọn lẹ do to whenue yé do nuhudo alọgọ tọn.
Alọgigọna Mẹmẹsunnu Mítọn lẹ to Nugbajẹmẹji de Whenu—Adà Kleun De (3:57)
Gbadopọnna lehe Klistiani dowhenu tọn po Klistiani nugbo egbezangbe tọn lẹ po nọ do jẹhẹnu he Jesu dọ dọ yè na do nọ yọ́n hodotọ emitọn lẹ hia do.
“Etẹwẹ Nọ Dohiagona Klistiani Nugbo Lẹ?” (Atọ̀họ̀-Nuhihọ́ lọ Tọn, juillet-septembre 2012 tọn)
A Gán Sọ Pọ́n Hosọ Ehelẹ
KANBIỌ HE MẸSUSU NỌ KANSE LẸ
Tito Biblu Pinplọn Tọn Tẹwẹ Kunnudetọ Jehovah Tọn lẹ Do?
Vọnu wẹ tito Biblu pinplọn tọn Kunnudetọ Jehovah tọn lẹ tọn, podọ a gán zan lẹdogbedevomẹ Biblu tọn depope. Voawu nado ylọ whẹndo towe blebu po họntọn towe depope po wá nupinplọn lọ tẹnmẹ.
