KUKWE JA TÖTIKARA 18
¿Ni kristiano metre raba nemen gare ño?
Nitre millón kwati tä ja bien kristiano, akwa ñaka kukwe ja erebe mike täte aune ñaka ja ngwen ja erebe. Aisete, ¿nitre kristiano metre ye ñokänti raba nemen gare nie?
1. ¿Nitre kristiano metre ye abokän ño?
Nitre kristiano metre ye abokän ni ja tötikaka Jesukwe (mäkwe ñäkä Hechos 11:26 yebätä). ¿Tätre ja tötike bökän Jesube ye tätre bämike ño? Jesukwe niebare: “Munkwe nünandikä kärekäre ti kukweibtä ne ngwane, mun rabadi ja töitikaka era metre tibe” (Juan 8:31). Ye tä mike gare, nitre kristiano metre rabadre kukwe driebare Jesukwe ye mike täte. Jesukwe kukwe Bibliabätä driebare, ye erere ni kristiano metre tä kukwe Bibliabätä mike täte (mäkwe ñäkä Lucas 24:27 yebätä).
2. ¿Nitre kristiano metre tä ja tarere ye tä bämike ño jai?
Jesukwe ne nuain mananbare ni ja tötikaka kwe ie: “Tikwe mun tarebare, ye kwrere munkwe ja tare kwärikwäri” (Juan 15:12). ¿Jesús nämäne nitre ja tötikaka kwe tarere ye bämikani ño kwe? Töi mikani jäme kwe, dimikani kwe, kä dianinkä kräke kwe jai aune ja nire biani kwe kräketre (1 Juan 3:16). Ni kristiano metre ñaka tä blite jerekäbe ja tare yebätä, ñakare aune Jesús erere tätre bämike kukwe nieta kwetre yebiti aune kukwe nuainta kwetre yebiti.
3. ¿Metrere sribi meden tä ni kristiano kisete?
Jesukwe ni ja tötikaka kwe juani Gobran Ngöbökwe driere (Lucas 9:2). Ju Ngöbö mikara täte ye ñan aibe te ni kristiano kena nämäne kukwe driere, ñakare aune nämäne dirire jutate aune ju ju te (mäkwe ñäkä Hechos 5:42; 17:17 yebätä). Ye erere arato, ni näire nitre kristiano metre tä kukwe Bibliabätä driere kä jökrä känti. Tätre ni mada tarere yebätä tätre kä denkä jai aune ja di ngwen kukwe Bibliabätä tä ni töi mike jäme aune tö ngwen, ye driere ietre (Marcos 12:31).
JA TÖTIKE BÄRI NGUSETA
Nitre ja bianka kristiano akwa ñan ja ngwen Jesús erere aune kukwe driebare kwe mike täte yebe ni kristiano metre ñan ja erebe ye ani mike gare jai.
4. Tätre kukwe metre Bibliabätä känene
Ngöbö kukwei ütiäte ye nämäne gare nitre kristiano kena ie.
Nitre kwati tä ja bien kristiano, akwa kukwe metre Bibliabätä ye ñan ütiäte kräketre. VIDEO mikadre ñärärä, biti kukwe ne kädriedre jabe:
-
Kukwe driebare Jesukwe ye ñaka rabadre gare nitre ie yekäre iglesia kwati ja di ngwani ketabätäkäre, ¿nuainbare ño kwetre?
Jesukwe kukwe metre Bibliabätä ye driebare. Ñäkädre Juan 18:37 yebätä aune kukwe ne kädriedre jabe:
-
Jesukwe niebare erere, ¿ni kristiano “tä kukwe metre” kiri ye ñokänti raba nemen gare?
5. Tätre kukwe metre Bibliabätä driere
Nitre kristiano kena nämäne kukwe driere.
Jesús jämi nikenta kä kwinbiti ye känenkri, sribi mikani kwe nitre ja tötikaka kwe kisete abokän nuain täbe nükebe nengwane. Ñäkädre Mateo 28:19, 20 aune Hechos 1:8 yebätä aune kukwe ne kädriedre jabe:
-
¿Nemen ñongwane aune nemen medente kukwe driei?
6. Tätre dirire ye ererebätä tätre nüne
¿Kukwe metre kwani Tom ie ye ñobätä gare ie? VIDEO mikadre ñärärä, biti kukwe ne kädriedre jabe:
-
¿Ñobätä religión Tom ngökabare nini kwe?
-
¿Tom tä kukwe metrebätä ye ñobätä gare ie?
Kukwe nie niken ye erere nuain ñaka ngwane, ngwarbekäre blitata. Ñäkädre Mateo 7:21 yebätä aune kukwe ne kädriedre jabe:
-
¿Dre bäri ütiäte Jesús kräke: nita kukwebätä nita niere ye o kukwe nuainta nikwe ye?
7. Tätre ja tarere kwärikwäri
Nitre kristiano kena nämäne ja tarere.
¿Ni kristiano tä juto biare ja nire kwe mikakäre kukwe tare te mräkätre ja üairebiti ye kriemikakäre? VIDEO mikadre ñärärä, biti kukwe ne kädriedre jabe:
-
¿Ñobätä Lloyd nämäne juto biare ja nire kwe biankäre Johansson kräke?
-
¿Ja ngwani kwe ni kristiano metre erere raba ruin mäi?
Ñäkädre Juan 13:34, 35 yebätä aune kukwe ne kädriedre jabe:
-
¿Nitre kristiano metre rabadre nitre juta madate o kwata bä jene ye mike tuin ño jai?
-
¿Aune rü näire raba kukwe ye nuainne ño?
NITRE RUÄRE TÄ KUKWE NE NIERE: “Nitre kristiano tä kukwe blo nuainne. ¿Se ño amare tätre kukwe metrebätä nieta kwetre?”.
-
¿Ni kristiano metre ye mä törbadre mikai gare ngwane, mäkwe ñäkädre texto medenbätä?
¿DRE NIBI GARE MÄI?
Ni kristiano metre tä kukwe Bibliabätä mike täte aune tätre ni mada tarere, yebätä tä juto kukwe ñaka nuäre nuainkäre kräketre aune tä kukwe metre Bibliabätä driere.
Ngwankäreta törö
-
¿Ni kristiano metre tä kukwe mike täte ye kite medenkri?
-
¿Ñokänti nemen gare ni iti abokän kristiano metre?
-
¿Sribi meden nuainta kwetre?
KUKWE MIKE GARE BÄRI JAI
Jesukwe diribare aune kukwe nuainbare ye erere nitre braibe tä ja di ngwen nuainne ye mike gare jai.
Ni ja mräkäre “ja üairebiti” kwani monja iti ie yebätä ñäke.
“Tikwe kukwe ngwantariba ye jökrä mikaba gare kwetre Bibliabiti tie” (Ni Mikaka Mokre, 1 abril 2014)
Kukwe tare tä nakainkä ngwane, ni kristiano metre tä ja tare bämike ño jai ye mike ñärärä.
Kukwe tare nakainkä ngwane, nita ja mräkatre dimike (oto chi) (3:57)
Nitre ja tötikaka Jesukwe ye ja ngwain ño mikani gare kwe. Nitre kristiano kena aune nitre kristiano ni näire tä kukwe ye nuainne ño ye mike gare jai.
“¿Ni kristiano metre ye ñokänti nemen gare?” (Ni Mikaka Mokre, 1 marzo 2012)
Ne rabai tuen kwin mäi arato
KUKWE NGWANTARITA BÄRI
¿Ja tötika Bibliabätä drieta ni testiko Jehovakwe ye abokän ño?
Ni testiko Jehovakwe tä ni tötike ye ütiä kärä ñaka aune mä raba ja tötike Biblia jeñe mäkwe yebiti. Ne madakäre mä raba mä mräkä jökrä o ja ketamuko ye nübaire jabe ja tötike.
