SOMO LYE 18
Okuntu Wakarhegeera Abakristu b’Okuli
Amamiliyoni m’abantu banachihala oku bali Bakristu. Aliko barhaherhe buyemere buguma, barhanakulikiza makanuni maguma omu milamire yabo. Gurhe si rhwakaja rhwarhegeera Abakristu b’okuli?
1. Omukristu ye nde?
Abakristu bali banafunzi changwa nkulikizi za Yesu Kristu. (Osome Matendo 11:26.) Gurhe banayerekana oku bali banafunzi ba Yesu? Yesu yenyine aliderhere ntya: “mukabeera omu chinwa chani, eyi kweri muli banafunzi bani.” (Yohana 8:31) K’okuderha oku Abakristu b’okuli bakwanene bakenge enyigirizo za Yesu. Na nk’oku enyigirizo za Yesu zalishingirire oku Mandiko, obuyemere bw’Abakristu b’okuli nabo bukwanene bushingirire oku Biblia.—Osome Luka 24:27.
2. Gurhe Abakristu b’okuli banayerekana obuzigire?
Yesu alibwirire enkulikizi zage ntya: “Muzigirane buli muguma n’owindi nk’oku nabazigiire.” (Yohana 15:12) gurhe Yesu aliyerekene okw’azigiire abanafunzi bage? Aliri ageza ebisanzi haguma nabo, anabahira omurhima, n’okubarhabala. Alihaanire chiro n’akalamo kage eju yabo. (1 Yohana 3:16) Konakuguma, Abakristu b’okuli banakola binene olekere okufi yinja baderha oku bilolere obuzigire konyine. Banayerekana oku kweri bazigirene omu binwa n’omu bijiro.
3. Kasi kahe kakulu Abakristu b’okuli banakola?
Yesu alihere abanafunzi bage akasi. ‘Alibarhumire bahubiri emyazi minja y’Obwami bwa Mungu.” (Luka 9:2) Abakristu ba burhanzi baliri bahubiri, arhali ahabanaharamizya honyine, si n’oku fasi z’abantu boshi, n’oku nju z’abantu. (Osome Matendo 5:42; 17:17.) Intyo kon’okola, zene Abakristu b’okuli banahubiri obukweri bwe Biblia hoshi hoshi abantu bakaboneka. Bazigiire abaturanyi babo, nantyo banayunva basimire okukolesa emisi n’ebisanzi byabo omu kubabwira oburhumwa bwe Biblia n’okubarhuliriza.—Marko 12:31.
HUMBA BWENENE
Lolaga bulagurhe Abakristu b’okuli barhali kuguma n’abandi bantu barhakulikira enyigirizo za Yesu n’omufano gwage.
4. Banalonza obukweri bwe Biblia
Abakristu ba burhanzi balikengere Echinwa cha Mungu
Arhali buli yeshi onachihala mpu ali Mukristu yenakenga obukweri bwe Biblia. Ziha EVIDEO, muje mwaganira kw’echila chibazo.
-
Gurhe makanisa maguma machiyirika mpu m’Echikristu mafundire kuyigiriza ebi Yesu aliri ayigiriza?
Yesu aliyigirize obukweri burhengere omu Chinwa cha Mungu. Osome Yohana 18:37, muje mwaganira kw’echila chibazo:
-
Nk’oku Yesu aderhaga, gurhe wakarhegeera Abakristu bali “oku lunda l’okuli”?
5. Banahubiri obukweri bwe Biblia
Abakristu ba burhanzi balikengere
Embere Yesu agaluke embingu, aha abanafunzi bage akasi kagenderere kugera zene. Osome Matayo 28:19, 20 na Matendo 1:8, muje mwaganira kw’echila chibazo:
-
Kangana gurhe akasi k’okuhubiri kalikwanene kukolwa?
6. Banakolesa ebi banahubiri
Bichi byayemezaga omulume oyirikirwe Tom okw’abwene Abakristu b’okuli? Ziha EVIDEO, muje mwaganira kw’ebila bibazo.
-
Mw’eyila video, bichi byarhumaga Tom alekana n’ebye dini?
-
Bichi byamuyemezaga okw’abwene okuli?
Ebijiro binaderha bwenene kulusha ebinwa. Osome Matayo 7:21, muje mwaganira kw’echila chibazo:
-
Bichi Yesu anabona by’akamaro bwenene; ebi rhunachihala mpu rhuyemerere changwa si ebi rhunayerekana kugerera ebijiro byerhu?
7. Banazigirana
Echinwa cha Mungu, baliri bahubiri abandi, banalizigirene
Kweri si, Abakristu bahanyageze akalamo kabo eju y’ababo Bakristu? Ziha EVIDEO, muje mwaganira kw’ebila bibazo.
-
Mw’eyila video, bichi byashunikaga Lloyd ahanyagaze akalamo kage eju ya mwene-werhu Johansson?
-
Owazize kw’alijirire nka Mukristu w’okuli si?
Osome Yohana 13:34, 35, muje mwaganira kw’ebila bibazo:
-
Gurhe abanafunzi ba Yesu (Abakristu b’okuli) bakwanene bakolere abantu b’elindi shusho changwa b’obwindi buko?
-
Nka gurhe bakajira ntyo amango m’evita?
HALI ABANTU BANADERHA: “Abakristu bakolere maligo manene; gurhe lyakaja lyaba ly’edini ly’obukweri?”
-
Lwandiko luhe wakasomera oderhere ntyo luyerekene gurhe omuntu akarhegeera Abakristu b’okuli?
OKU BUGEKE
Abakristu b’okuli banakenga enyigirizo ze Biblia, banayerekana obuzigire b’okuchihaana, n’okuhubiri abandi obukweri buli omu Biblia.
Rhuchiyibusye
-
Bichi obuyemere bw’Abakristu b’okuli buba bushingirireko?
-
Ingeso ehe yakarhuma omuntu arhegeera Abakristu b’okuli?
-
Kasi kahe kakulu Abakirisu b’okuli banakola?
EYINDI MYAZI
Yiga binene oku bilolere echigusho ch’abantu banajira okwabo koshi bagalire yi bakulikira omufano gwa Yesu Kristu n’enyigirizo zage.
Lola echarhabalaga owaliri mubikira w’edini abone omulala g’okuli gw’ekiroho.”
“Balikoleseze Ebiblia omu Kushubiza Buli Chibazo!” (Omunara g’Omulanzi, Lusiku 1 Mwezi gwa 4, 2014)
Lola gurhe Abakristu b’okuli banayerekana obuzigire oku babo Bakristu bakenere oburhabale.
Lola gurhe Abakristu ba burhanzi n’Abakristu b’okuli ba zene banakulikira bwinja-bwinja ebi Yesu aderhaga bikwanene kuyerekana abanafunzi bage.
“Bichi Biyerekana Abakristu b’Okuli?” (Omunara g’Omulanzi, Lusiku 1 Mwezi gwa 3, 2012)
