LESENI 18
Edena Dala ai Keristani Korikoridia Do Oi Dibaia?
Taunimanima bilioni idia gwau idia be Keristani taudia. To idia abia dae gaudia bona badinaia taravatudia be Keristani taudia amo ia idau. Unai dainai edena bamona Keristani korikoridia do ita dibaia?
1. Daidia be Keristani korikoridia?
Keristani taudia be Iesu Keriso ena hahediba taudia eiava ia murinai idia raka taudia. (Kara 11:26 duahia.) Edena dala ai idia hamomokania idia be Iesu ena hahediba taudia? Iesu ia gwau: “Bema egu hereva umui badinaia, umui be momokani egu hahediba taudia.” (Ioane 8:31) Unai ena anina be Keristani korikoridia ese Iesu ena hahediba herevadia idia badinaia be namo. Bona Iesu be Toretore Helagadia amo ena hahediba herevadia ia hamomokania hegeregerena, Keristani korikoridia be Baibel amo idia abia dae gaudia idia hamomokania.—Luka 24:27 duahia.
2. Edena dala ai Keristani korikoridia ese lalokau idia hahedinaraia?
Iesu be ia murinai idia raka taudia ia hamaoroa: “Do umui lalokau heheni, umui lau lalokau henia hegeregerena.” (Ioane 15:12) Edena dala ai Iesu ia hahedinaraia ena hahediba taudia ia lalokau henidia? Nega ia atoa idia ia bamoa, ia hagoadaia bona ia durudia. Danu idia totona ena mauri ia henia. (1 Ioane 3:16) Unai hegeregerena, Keristani korikoridia ese lalokau idia herevalaia sibona lasi. To, edia hereva bona kara amo idia hahedinaraia ta ta idia lalokau henia.
3. Keristani korikoridia be dahaka gaukara dekenai idia bisi?
Iesu be ena hahediba taudia dekenai gaukara ia henidia. “Ia siaidia lao Dirava ena Basileia do idia harorolaia.” (Luka 9:2) Keristani ginigunadia be edia tomadiho gabudia sibona dekenai idia haroro lasi, to pablik gabudia bona taunimanima edia ruma dekenai idia lao danu. (Kara 5:42; 17:17 duahia.) Unai hegeregerena, hari Keristani korikoridia danu be taunimanima idia noho gabudia dekenai Baibel ena hereva momokani idia harorolaia. Edia neiba taudia idia lalokau henia dainai, mai moale ida edia nega bona goada idia gaukaralaia Baibel ai idia noho helaro namodia bona hagoadaia herevadia amo edia neiba idia durudia.—Mareko 12:31.
DIBA MA HAIDA ABIA
Keristani korikoridia bona Iesu ena hahediba herevadia bona haheitalai idia badinaia lasi taudia edia idau oi laloa.
4. Idia ese Baibel ena hereva momokani idia tahua
Keristani ginigunadia ese Dirava ena Hereva idia laloa bada
Ena be haida idia gwau idia be Keristani taudia, to idia ese Baibel ena hereva momokani idia laloa bada lasi. VIDIO itaia, bona henanadai herevalaia.
-
Edena dala ai sibona idia gwauraia Keristani taudia edia dubu haida ese Iesu ia hadibaia gaudia idia hadibaia lasi?
Iesu ese Dirava ena Hereva amo hereva momokani ia hadibaia. Ioane 18:37 duahia, bena inai henanadai herevalaia:
-
Iesu ena hereva hegeregerena, edena dala ai “hereva momokani idia badinaia” Keristani taudia do ita dibaia?
5. Baibel ena hereva momokani idia harorolaia
Keristani ginigunadia ese haida idia haroro henia
Iesu be guba dekenai ia do daekau lasi neganai, ia murinai idia raka taudia dekenai gaukara ta ia henia bona unai gaukara be hari idia karaia noho. Mataio 28:19, 20 bona Kara 1:8 duahia, bena inai henanadai herevalaia:
-
Haroro gaukara do idia karaia ela bona edena negai?
6. Idia harorolaia gaudia idia badinaia
Edena dala ai tau ta ladana Tom ia abia dae Keristani tomadiho korikorina ia davaria? VIDIO itaia, bona henanadai herevalaia.
-
Vidio ai, dahaka dainai Tom be tomadiho dekenai ia moale lasi?
-
Dahaka dainai ia abia dae hereva momokani ia davaria?
Bema ta ia gwau ia be Iesu murinai ia raka, ena kara amo unai ia hahedinaraia be namo. Mataio 7:21 duahia, bena inai henanadai herevalaia:
-
Iesu ena hereva hegeregerena—dahaka dainai hereva sibona amo ita gwau Iesu ena murinai ita raka be hegeregere lasi?
7. Idia lalokau heheni
Keristani ginigunadia idia lalokau heheni
Keristani taudia be edia Keristani turadia durua totona edia mauri idia henia, a? VIDIO itaia, bona henanadai herevalaia.
-
Vidio ai, dahaka ese Lloyd ia durua dainai ia ura Tadikaka Johansson totona sibona ena mauri henia?
-
Oi laloa ia be Keristani tauna ena kara korikorina ia hahedinaraia, a?
Ioane 13:34, 35 duahia, bena inai henanadai herevalaia:
-
Edena dala ai Iesu ena hahediba taudia (Keristani korikoridia) ese bese idauidau taudia idia kara henidia?
-
Edena dala ai tuari negadia ai unai do idia karaia?
HAIDA IDIA GWAU: “Keristani taudia ibounai be Dirava tamona idia tomadiho henia, herevana dubu idauidau dekenai idia lao.”
-
Edena siri amo Keristani korikoridia dibaia dalana oi hahedinaraia diba?
POINT BADANA
Keristani korikoridia ese Baibel ena hahediba herevadia idia badinaia, sibona edia ura dadaraia lalokauna idia hahedinaraia, bona Baibel ena hereva momokani idia harorolaia.
Riviu
-
Keristani korikoridia be dahaka amo idia abia dae gaudia idia hamomokania?
-
Edena karadia amo Keristani korikoridia do oi dibaia?
-
Keristani korikoridia edia gaukara be dahaka?
REFERENS ITAIA
Iesu Keriso ena haheitalai bona hahediba herevadia idia ura badinaia taudia dekenai diba oi abia.
Oi itaia, dahaka ese nun hahine ta ia durua “Keristani famili korikorina” ia davaria totona.
“Baibel Idia Gaukaralaia Henanadai Ibounai Idia Haerelaia Totona!” (Gima Kohorona, April 1, 2014)
Keristani korikoridia ese edia tomadiho tamona taudia idia lalokau henia dainai heduru idia henia daladia dibaia.
Disasta Idia Vara Negadiai Iseda Tadikaka Durua—Ena Kahana Ta (3:57)
Mani oi tahua edena dala ai Keristani ginigunadia bona hari Keristani korikoridia edia kara be idia hegeregere, unai amo Iesu ena hereva hegeregerena idia hahedinaraia idia be ia murinai idia raka taudia.
“Dahaka ese Keristani Korikoridia Edia Toana Ia Hahedinaraia?” (Gima Kohorona, March 1, 2012)
Reana Inai Danu Oi Ura
Momo Edia Henanadai
Iehova Ena Witnes Taudia be Dahaka Baibel Stadi Kosi Idia Karaia?
Iehova Ena Witnes Taudia ese idia karaia Baibel stadi be davana lasi, bona oi ura henia Baibel oi gaukaralaia diba. Emu ruma bese eiava turadia oi boiria diba stadi lalonai idia helai totona.
