LEKSION 18
Nu Kunnasi Makilala i Kurug ira nga Cristiano
Binillion nga totolay i makkakkagi nga Cristiano ira. Ngem nadduruma i kuru-kurugan anna estandarteda ira. Yatutta kunnasi tam gafu makilala i kurug ira nga Cristiano?
1. Sinni ira i makagi nga Cristiano?
I Cristiano ira ay disipulo, onu tagatuttul ira ni Jesu-Cristo. (Bibbigan i Kingngua 11:26.) Kunnasida mapakurug nga disipulo ira ni Jesus? Kinagi ni Jesus: “Nu parulattan nu i tuttuddù, kurug tu disipulo takamu.” (Juan 8:31) Kayàna kagian, mawag nga tuttulan na kurug ira nga Cristiano i tuttuddu ni Jesus. Inusa ni Jesus i Katurakan ta panudduna, mawag gafu nga ibase na kurug ira nga Cristiano i pangurugda ta tuttuddu na Biblia.—Bibbigan i Lucas 24:27.
2. Kunnasi nga ipasingan na kurug ira nga Cristiano i aya?
Kinagi ni Jesus ta tagatuttulna ira: “Makka-aya-aya kamu ta kunna na pangaya ku nikamu.” (Juan 15:12) Kunnasi nga nipasingan ni Jesus i ayana ta disipulosna ira? Nakikavulu, pinagaram, anna inuffunanna ira. Niyawana paga i inangona para nira. (1 Juan 3:16) Ari laman nga ituttuddu na kurug ira nga Cristiano i meyannung ta aya. Ipasingadda ta paguvovug anna kukukuadda nga ayatadda i kataggi-tadday.
3. Anni nga trabahu i kukukuan na kurug ira nga Cristiano?
Zinog ni Jesus i disipulosna ira nga “mangilayya-gayya ta Pammaguray na Dios.” (Lucas 9:2) Nallayyagayya i ollu ira nga Cristiano ta lugar nga paddayarayawadda, ta publiko ira nga lugar, anna ta babalay. (Bibbigan i Kingngua 5:42; 17:17.) Sangawe, maski nu sitaw i dian na totolay, ilayyagayya nira na kurug ira nga Cristiano i kinakurug nga egga ta Biblia. Megafu ta ayada ta kasittoleda, magayayya ira nga usan i tiempo anna sikadda nga ilayyagayya i iddanama anna banna-bannay nga mensahe na Biblia.—Marcos 12:31.
GIGIAMMUAN I ARU PAGA
Ikonsidera i nadduman na kurug ira nga Cristiano ta totolay ira nga ari tumuttuttul ta tuttuddu anna ehemplo ni Jesus.
4. Gigiammuadda i kinakurug nga egga ta Biblia
Tinagibalor na ollu ira nga Cristiano i Uvovug na Dios
Ari tu ngamin nga makkakkagi nga Cristiano ira ay tagibaloradda i kinakurug nga egga ta Biblia. Girawan i VIDEO, anna paguvovugan i tumunug nga pakkiavu.
-
Anni i tuttuddu na karuan ira nga relihion nga makkakkagi nga Cristiano ira nga neruma ta tuttuddu ni Jesus?
Nituddu ni Jesus i kinakurug nga egga ta Uvovug na Dios. Bibbigan i Juan 18:37, anna paguvovugan yaw nga pakkiavu:
-
Segun kani Jesus, kunnasi tam makilala i Cristiano ira nga “makannammu ta kurug”?
5. Ilayyagayyada i kinakurug nga egga ta Biblia
Tinagibalor na ollu ira nga Cristiano i pallayyagayya
Nige nga nappalangi si Jesus, egga i nidogna ta tagatuttulna ira nga mawag nga matuppal adde ta kaggawattam. Bibbigan i Mateo 28:19, 20 anna Kingngua 1:8, anna paguvovugan yaw nga pakkiavu:
-
Adde sonu anni anna kunnasi kalawa i sakupan na pallayyagayya?
6. Kukukuadda i ilayyagayyada
Anni i nakakumbinsi kani Tom nga naleganna ngana i kurug nga relihion? Girawan i VIDEO, anna paguvovugan i tumunug ira nga pakkiavu.
-
Ta video, anni i rason nu ngatta awan ngana tu ganas ni Tom ta relihion?
-
Ngatta kumbinsidu yayya nga naleganna ngana i kinakurug?
Mas dakal i efekto na kukukuattam anne ta kakkagiattam. Bibbigan i Mateo 7:21, anna paguvovugan yaw nga pakkiavu:
-
Anni i mas importante kani Jesus—i kagiattam kari nga kurugattam onu i masingan nga kukukuattam?
7. Ayatadda i kataggi-tadday
Ayatan na ollu ira nga Cristiano i kataggi-tadday
Kurug kari nga meyawa na tadday nga Cristiano i inangona para ta kapangngurugna? Girawan i VIDEO, anna paguvovugan i tumunug ira nga pakkiavu.
-
Ta video, ngatta sigga-paran si Lloyd nga matay para kani Brother Johansson?
-
Ngatta makagim nga kunnatun i kuan na tadday nga kurug nga Cristiano?
Bibbigan i Juan 13:34, 35, anna paguvovugan yaw ira nga pakkiavu:
-
Kunnasi i pattratu na disipulo ira ni Jesus (kurug ira nga Cristiano) ta totolay nga tanakuan i lahi onu nasiodda?
-
Kunnasi ipasingan na Cristiano ira i ayada nu egga i gerra?
I KAGIAN NA KARUAN: “Aru nga Cristiano i nakangngua tu marake ira nga gannug—kunnasi tam gafu makagi nga kurug i relihiodda?”
-
Anni nga teksto i usammu tapenu ipasingan nu kunnasi nga makilala i kurug ira nga Cristiano?
ANNI I NAGIGIAMMUM?
Tuttulan na kurug ira nga Cristiano i tuttuddu na Biblia, ipasingadda i minassakrifisio nga aya, anna ilayyagayyada i kinakurug nga egga ta Biblia.
Review
-
Sitaw nebase i pangurug na kurug ira nga Cristiano?
-
Anni nga kualidad i panakkilalan ta kurug ira nga Cristiano?
-
Anni nga trabahu i kuan na kurug ira nga Cristiano?
I AWAYYAM PAGA KUAN
Gigiammuan i aru paga meyannung ta totolay ira nga tumuttuttul ta ehemplo anna tuttuddu ni Jesu-Cristo.
Innan nu kunnasi nakaleg tu “kurug nga familia ta espiritual” i dati nga madre.
“Inusada i Biblia Tapenu Tabbagan i Kada Pakkiavu!” (Passifusifutan, Abril 1, 2014)
Gigiammuan nu kunnasi ipasingan na kurug ira nga Cristiano i aya ta kapangngurugda nga makawag tu uffun.
Panguffun ta Wawwaragi Tam nu Egga i Kalamidad—Excerpt (3:57)
Gigiammuan nu kunnasi nga i ollu ira nga Cristiano anna i kurug ira nga Cristiano sangawe, kukukuadda i kinagi ni Jesus nga panakkilalan na tagatuttulna ira.
“Anni i Panakkilalan na Kurug ira nga Cristiano?” (Passifusifutan, Marso 1, 2012)
Baka Kaya Mu Gapa i
GAGANGAY IRA NGA PAKKIAVU
Anni nga Paggigiammu ta Biblia i Iyofer na Saksi ira ni Jehova?
Ta libre nga paggigiammu nga iyofer na Saksi ira ni Jehova, awayyam usan i maski anni nga translation na Biblia. Awayyam imbitan i interu familiam onu kokkofummu ira ta pab-Bible study.
