TIMEƔRI TIS 18

Amek ara neɛqel imasiḥiyen n ṣṣeḥ?

SEL S

D imelyaṛen n lɛibad i d-yeqqaren belli d imasiḥiyen i llan. Meɛna, mxallafen deg wayen is i ţţamnen d lumuṛ i ttabaɛen. Amek ihi ara neɛqel imasiḥiyen n ṣṣeḥ?

1. Anwa i d amasiḥi?

Imasiḥiyen d inelmaden n Ɛisa Lmasiḥ (ɣer-ed Lecɣal 11:26). Amek i d-ţbegginen belli ttabaɛen aselmed n Ɛisa? Ɛisa yenna-d: “Ma tdumem deg wawal-iw, s tideţ, aţ-ţilim d inelmaden-iw” (Yuḥenna 8:31). Lmeɛna-s, imasiḥiyen n ṣṣeḥ ilaq ad ţţaɣen awal i wayen i gesselmad Ɛisa. Uyerna, Ɛisa ireṣṣa ayen akk i gesselmad ɣef Tira Iqedsen; ihi ayen akk is i ţţamnen imasiḥiyen n ṣṣeḥ ilaq ad ireṣṣi ɣef Wedlis Iqedsen (ɣer-ed Luqa 24:27).

2. Amek i d-ţbegginen Imasiḥiyen n ṣṣeḥ belli myeḥmalen?

Ɛisa yenna i inelmaden-is: “Myeḥmalet gar-awen akken i kwen-ḥemmleɣ” (Yuḥenna 15:12). Amek i d-ibeggen Ɛisa belli iḥemmel inelmaden-is? Yesɛedda lweqt yid-sen, yesseǧhed-iten yerna iɛawen-iten. Yefka ula ţ-ţudert-is fell-asen (1 Yuḥenna 3:16). Kifkif ihi, ɣer imasiḥiyen n ṣṣeḥ, leḥmala mačči d awal kan. Leḥmala yellan gar-asen teţban-ed di lehduṛ-nsen akk-d lefɛayel-nsen.

3. Acu-t ccɣel i xeddmen imasiḥiyen n ṣṣeḥ?

Ɛisa yefka yiwen n ccɣel i inelmaden-is. “Iceggeɛ-iten ad beccṛen tagelda n Yillu” (Luqa 9:2). Imasiḥiyen imezwura ur beccṛen ara kan i lɣaci deg imukan n leɛbada; berrḥen-asen daɣen deg izenqan akk-d yexxamen-nsen (ɣer-ed Lecɣal 5:42 akk-d 17:17). Ass-agi daɣen, imasiḥiyen n ṣṣeḥ ţberriḥen tideţ yellan deg Wedlis Iqedsen di mkul amkan. Imi i ḥemmlen imdanen, s lfeṛḥ i ssexdamen lweqt-nsen akk-d tezmert-nsen akken ad ssiwḍen i lɣaci lexbaṛ n Wedlis Iqedsen i d-yeţţaken ṣṣber d usirem (Marqus 12:31).

A NNADI A NEFHEM AKTEṚ

A nwali lxilaf yellan ger imasiḥiyen n ṣṣeḥ akk-d wid ur nettabaɛ ara lemtel i d-yeǧǧa Ɛisa d wayen i gesselmed.

4. Ţnadin ɣef tideţ deg Wedlis Iqedsen

Imasiḥiyen imezwura ḥemmlen Awal n Ṛebbi.

Kra qqaren-d belli d imasiḥiyen, meɛna ur ţţaken ara lqima i tideţ yellan deg Wedlis Iqedsen. Walit BIDYU-YAGI, mbeɛd hedṛet ɣef westeqsi i d-iţeddun.

BIDYU: Amek i d-yekcem lefsad ɣer ddin amasiḥi? (5:11)

D acu i xedment Tmezdayin, i d-yeqqaren belli ţ-ţimasiḥiyin, akken ad ḥeṛṛment i lɣaci ad issinen d acu i gesselmad Ɛisa?

Ɛisa yesselmed tideţ yellan deg Wawal n Ṛebbi. Ɣret-ed Yuḥenna 18:37, mbeɛd hedṛet ɣef westeqsi-yagi:

Ɛlaḥsab n Ɛisa, amek i nezmer a neɛqel imasiḥiyen ‘yellan di tideţ’?

5. Ţbecciṛen tideţ yellan deg Wedlis Iqedsen

Imasiḥiyen imezwura ţberriḥen.

Uqbel ad yali Ɛisa s igenni, yeǧǧa-d i inelmaden-is yiwen n ccɣel i mazal xeddmen-t ar ass-a. Ɣret-ed Matta 28:19, 20 akk-d Lecɣal 1:8, mbeɛd hedṛet ɣef westeqsi-yagi:

Ar melmi ara kemmlen inelmaden n Ɛisa leqdic-nsen n uberreḥ, yerna alamma d anda ara yaweḍ lexbaṛ-agi i ţberriḥen?

6. Ssexdamen di tudert-nsen ayen i ţberriḥen

D acu i gqennɛen yiwen wergaz yeţţusemman Tom belli yufa-d imasiḥiyen n ṣṣeḥ? Walit BIDYU-YAGI, mbeɛd hedṛet ɣef yesteqsiyen i d-iţeddun.

BIDYU: Wexxṛeɣ-as i ddin (5:20)

D acu i gewwin Tom a s-iwexxeṛ i ddin?
Acuɣer i geţţuqenneɛ belli yufa tideţ?

Lefɛayel ɣelben lehduṛ. Ɣret-ed Matta 7:21, mbeɛd hedṛet ɣef westeqsi-yagi:

D acu i gesɛan azal akteṛ ɣer Ɛisa: a d-neqqar kan belli numen, neɣ a d-neţbeggin s lefɛayel-nneɣ belli numen?

7. Myeḥmalen gar-asen

Imasiḥiyen imezwura myeḥmalen gar-asen.

Yella wasmi i sebblen imasiḥiyen tudert-nsen ɣef ddemma n yerfiqen-nsen di ddin? Walit BIDYU-YAGI, mbeɛd hedṛet ɣef yesteqsiyen i d-iţeddun.

BIDYU: Yewǧed ad isebbel leɛmeṛ-is (2:55)

Acuɣer i gella yewǧed Lloyd ad isebbel tudert-is ɣef gma-tneɣ Johansson?
Ɛlaḥsab-ik, yeţbeggin-ed wayen akka i gexdem belli d amasiḥi n ṣṣeḥ i gella?

Ɣret-ed Yuḥenna 13:34, 35, mbeɛd hedṛet ɣef yesteqsiyen-agi:

Amek i glaq aţ-ţili tikli n inelmaden n Ɛisa (imasiḥiyen n ṣṣeḥ) ɣer wid ur nelli ara si ccetla-nsen neɣ si tmurt-nsen?
Amek i glaq daɣen aţ-ţili tikli-nsen ɣer wid ur nelli ara si ccetla-nsen neɣ si tmurt-nsen m’ara tekker lgirra?

KRA QQAREN: “Imasiḥiyen meṛṛa kifkif-iten.”