DAW 18
Jet Ai Hkristan Ni Hpe Ginhka Mai Ai Lam
Wan hkying hku law ai masha ni gaw, shanhte hkum shanhte Hkristan re ai ngu tsun ma ai. Raitim, shanhte a kamsham ai lam gaw n bung hkat ai sha n-ga, Chyum Laika tsang madang ni mung n bung ai. Rai yang, jet ai Hkristan ni hpe gara hku ginhka lu na kun?
1. Hkristan ngu ai gaw hpa rai kun?
Hkristan ngu ai gaw, Yesu Hkristu a hpang hkan ai ni (sh) sape ni hpe tsun ai re. “Sape ni gaw Karai Kasang a lam matsun hte maren Hkristan ngu ai amying hpe Antioki mare hta shawng nnan hkam la ma ai” ngu Chyum Laika hta tsun da ai. (Kasa 11:26, NWT) Hkristan ni gaw, Yesu a sape ni re ai hpe gara hku sakse madun na kun? Yesu ndai hku tsun ai: “Nanhte nye a ga hta agrin nga myit yang gaw, nye a sape teng teng nanhte rai nga myit dai.” (Yawhan 8:31) Jet ai Hkristan ni gaw, Yesu a sharin achyin ai lam ni hpe hkan sa ra ai ngu ai lachyum re. Yesu gaw shi a sharin achyin ai lam ni hpe Chyum Laika hta madung tawn ai zawn, jet ai Hkristan ni mung shanhte a makam masham hpe Chyum Laika hta madung tawn ai.—Luka 24:27 hpe hti u.
2. Jet ai Hkristan ni gaw tsawra myit hpe gara hku madun ai kun?
Yesu gaw shi a hpang hkan ai ni hpe ndai hku tsun wa ai: “Ngai nanhte hpe tsaw ra ma de ai zawn, nanhte shada da tsaw ra nga mu.” (Yawhan 15:12) Yesu gaw shi a sape ni hpe tsawra ai lam gara hku madun wa ai kun? Shanhte hpe aten jaw ai, n-gun jaw ai, karum ya ai hku nna re. Shanhte a matu shi a asak hpe pyi sak jaw wa ai. (1 Yawhan 3:16) Dai hte maren, jet ai Hkristan ni mung tsawra myit hpe tsun ai hta n-ga, tatut madun ai. Shanhte a tsun ai, galaw ai lam ni hku nna shada da tsawra ai lam madun ai.
3. Jet ai Hkristan ni gaw gara lam hta bungli law nga ai kun?
Yesu gaw shi a sape ni hpe bungli jaw ai. “Karai Kasang a mungdan lam hkaw tsun na” matu shangun dat ai. (Luka 9:2) Tsa ban langai na Hkristan ni gaw, shanhte a nawku ai shara ni hta sha n-ga, shawa hpawng hte nta langai hpang langai hkaw tsun ai. (Kasa 5:42 hpe hti u; Kasa 17:17) Dai ni aten na jet ai Hkristan ni mung, shara shagu hta nga ai masha ni hpe Chyum Laika tengman lam hkaw tsun ai. Shanhte gaw masha ni hpe tsawra ai majaw, aten hte n-gun atsam ni hpe sharawng awng let jailang nna, myit mada lam hte shalan shabran lam jaw ya lu ai Chyum Laika shiga ni hpe hkaw tsun ai.—Marku 12:31.
Kahtap Hkaja
Yesu a sharin achyin ai lam ni hte kasi ningli hpe n hkan sa ai masha ni a lapran, jet ai Hkristan ni hpe gara hku ginhka mai ai lam yu yu ga.
4. Chyum Laika tengman lam hpe shanhte tam
Tsa ban langai na Hkristan ni gaw Karai A Mungga hpe manu shadan ai
Hkristan ngu tsun ai masha nkau mi gaw, Chyum Laika tengman lam hpe manu n shadan ai. VIDEO hpe hpaw, dai hpang ndai ga san hpe bawngban u.
-
Hkristan nawku htung nkau mi gaw Yesu a sharin achyin ai lam hpe sharin ya na matu, gara hku ningra ai lam nga ai kun?
Yesu gaw Karai A Mungga kaw na tengman lam hpe sharin ya ai. Yawhan 18:37 hpe hti nna, ndai ga san hpe bawngban u:
-
Yesu zawn, “teng man ai” maga hta nga ai Hkristan ni hpe anhte gara hku ginhka mai na kun?
5. Tengman ai lam hpe shanhte hkaw tsun
Tsa ban langai na Hkristan ni gaw kaga ni hpe hkaw tsun ai
Sumsing lamu de Yesu garai nlung shi yang, shi hpang hkan ai ni hpe dai ni aten du hkra galaw na bungli langai hpe jaw wa ai. Mahte 28:19, 20 hte Kasa 1:8 hpe hti nna, ndai ga san hpe bawngban u:
-
Hkaw tsun bungli gaw kade daram du hkra maden jat wa na kun?
6. Shanhte hkaw tsun ai hte maren tatut hkan sa
Jet ai Hkristan Hpung hpe mu tam wa ai Tom gaw, hpa hpe kam wa ai kun? VIDEO hpe hpaw, dai hpang ndai ga san ni hpe bawngban u.
-
Ndai video hta, nawku htung hte seng nna Tom hpe hpa gaw myit daw shangun ai kun?
-
Tengman ai hpe mu tam sai ngu shi hpa majaw kam ai kun?
Tsun ai hta na tatut galaw ai gaw grau tang du ai. Mahte 7:21 hpe hti nna, ndai ga san hpe bawngban u:
-
Yesu a matu grau ahkyak ai gaw, kam ai ngu tsun ai daram sha kun? (sh) tatut galaw ai lam kun?
7. Shanhte shada da tsawra
Tsa ban langai na Hkristan ni gaw shada da tsawra ai
Hkristan ni gaw shada da a matu tinang a asak hpe sak jaw wa ai lam ni nga ai kun? VIDEO hpe hpaw, dai hpang ndai ga san ni hpe bawngban u.
-
Ndai video hta, hpunau Lloyd gaw Hpunau Johanssan a matu shi asak hpe sak jaw na matu hpa gaw shadut ya wa ai kun?
-
Shi galaw wa ai lam gaw jet ai Hkristan langai a lailen re ngu nang shadu ai kun?
Yawhan 13:34, 35 hpe hti nna, ndai ga san ni hpe bawngban u:
-
Yesu a sape ni (jet ai Hkristan ni) gaw kaga amyu masha ni (sh) kaga mung masha ni hpe gara hku kanawn mazum ai kun?
-
Majan byin ai laman hta shanhte gara hku galaw wa ai kun?
Nkau Mi Tsun Ai: “Hkristan ni gaw hkrit hpa lam ni hpe galaw wa ai majaw, tengman ai nawku htung ngu nna gara hku lu tsun na?”
-
Jet ai Hkristan ni hpe ginhka chye na matu, marai langai ngai hpe nang gara Chyum daw hti dan na kun?
Kadun Dawk
Jet ai Hkristan ni gaw, Chyum Laika hta tsun da ai lam ni hpe hkan sa ai, tingkyeng akyu n tam ai tsawra myit madun ai, Chyum Laika tengman lam hpe hkaw tsun ai.
Bai Maram
-
Jet ai Hkristan ni gaw shanhte a makam masham hpe gara lam hta madung tawn ai kun?
-
Jet ai Hkristan ni hpe ginhka lu ai atsam ningja ni gaw hpa rai kun?
-
Jet ai Hkristan ni gaw gara bungli hpe galaw ma ai kun?
Sawk Sagawn
Yesu Hkristu a kasi ningli hte sharin achyin ya ai lam ni hpe hkan sa nga ai uhpung a lam hpe grau nna hkaja yu u.
Shawng de, mama galaw wa ai num langai gaw, “jet ai wenyi kun dinghku” hpe gara hku mu tam wa ai hpe yu yu u.
“Ga San Shagu Hpe Chyum Laika Hte Shanhte Mahtai Jaw” (Sin Langchyi, April 1, 2014)
Karum lam ra nga ai makam masham bung ai shada da hpe jet ai Hkristan ni tsawra myit gara hku madun wa ai hpe yu yu u.
Hpunau Nauna Ni Tsin-yam Hkrum Ai Shaloi Karum Ya—Kadun (3:57)
Shi hpang hkan ai ni hpe ginhka lu na ngu Yesu tsun wa ai ga gaw, tsa ban 1 na Hkristan ni hte dai ni aten na jet ai Hkristan ni hta gara hku tup hkrak byin nga ai hpe hkaja yu u.
“Jet Ai Hkristan Ni Hpe Gara Hku Ginhka Lu Na Kun?” (Sin Langchyi, March 1, 2012)
You May Also Like
SAN CHYE AI GA SAN NI
Yehowa Sakse Ni Saw Shaga Ai Chyum Laika Hkaja Lamang Ngu Ai Gaw Hpa Rai Kun?
Manu jahpu n jaw ra ai Chyum Laika hkaja ai lamang hpe Yehowa Sakse ni saw shaga ai shaloi, gara Chyum Laika hpe raitim, nang mai lang ai. Na nta masha ni, manang ni, kadai hpe raitim, saw shaga mai ai.
