18 УРОКЫР
Хьисэ и лъэужь пэжу ирикІуэхэр дапхуэдэу къызэрыпцІыхунур?
ЦІыху миллиардитІым щІигъум Хьисэ и лъэужь ирикІуэу забжыж. Ауэ абыхэм я фІэщ хъумрэ я дуней тетыкІэмрэ хуабжьу зэщхьэщокІ. Дауэ-тІэ Хьисэ и лъэужь пэжу ирикІуэхэр къызэрытцІыхунур?
1. Хьисэ и лъэужь ирикІуэхэр хэт хъуну?
Хьисэ и лъэужь ирикІуэхэр ар Хьисэ МэссихькІэ фІэщхъуныгъэ зиІэхэращ. (Къеджэ Апостолхэм 11:26.) Хьисэ и лъэужь ирикІуэхэр къызэрытцІыхунур езым къыдгуригъэІуащ. Абы жиІащ: «Си псалъэхэр вгъэзащІэмэ, си гъуэгу пэжу ирикІуэхэм фащыщщ» (Иуан 8:31, ДЩІ). Абы къокІ Хьисэ и лъэужь ирикІуэхэр абы зыхуригъаджэу щытам тету псэун зэрыхуейр. Хьисэ зыхуригъаджэу щытар сыт щыгъуи Алыхьым и Псалъэм тегъэщІауэ щытт. Абы и лъэужь ирикІуэхэми я фІэщ хъур Библием тегъэщІауэ щытщ. (Къеджэ Лука 24:27.)
2. Хьисэ и лъэужь пэжу ирикІуэхэм дапхуэдэу лъагъуныгъэ зэрагъэлъагъуэр?
Хьисэ и лъэужь ирикІуэхэм мыпхуэдэ унафэ къахуигъэнащ: «Сэ фэ фІыуэ фызэрыслъэгъуам хуэдэу, фэри фІыуэ фызэрылъагъун хуейщ» (Иуан 15:12). Хьисэ и лъэужь ирикІуэхэм дапхуэдэут лъагъуныгъэ зэрахуигъэлъагъуэр? Абы и гъэсэнхэм я гъусэу зэман игъакІуэт, дэІэпыкъут икІи ахэр игъэгушхуэт. Уеблэмэ, Хьисэ абыхэм щхьэкІэ и гъащІэр итащ (1 Иуан 3:16). Абы ещхьу, Хьисэ и лъэужь ирикІуэхэр лъагъуныгъэм тепсэлъыхь къудейуэ аракъым, атІэ абыхэм а хьэл-щэныр ІуэхукІэ къагъэлъагъуэ.
3. Хьисэ и лъэужь пэжу ирикІуэхэм я дежкІэ сыт хуэдэ Іуэхура нэхъапэ дыдэр?
Хьисэ и гъэсэнхэм мыхьэнэшхуэ зиІэ къалэн яритащ: абы ахэр игъэкІуащ «цІыхухэр Тхьэм и Тепщэныгъэшхуэм теухуа хъыбарыфІым ирагъэдэІуэну» (Лука 9:2). Япэ лІэщІыгъуэм псэуа Хьисэ и лъэужь ирикІуэхэм хъыбарыфІыр щагъэІур я зэІущІэхэр щрагъэкІуэкІ щІыпІэхэм я закъуэтэкъым, атІэ ахэр езыхэр цІыхухэм я деж кІуэт: я унэхэм, бэзэрхэм, цІыху зэхуэсыпІэхэм. (Къеджэ Апостолхэм 5:42; 17:17.) Ноби Хьисэ и лъэужь ирикІуэхэм хъыбарыфІыр цІыху здэщыІэ дэнэ щІыпІэми щагъэІу. Абыхэм цІыхухэр фІыуэ ялъагъури, я къаруми я зэманми щымысхьу гупсэхугъуэрэ гугъапІэрэ къозыт Библием ит хъыбар дахэмкІэ цІыхухэм ядогуашэ (Марк 12:31).
НЭХЪ КУУУЭ ХЭПЛЪЭ
Хьисэ и лъэужь пэжу ирикІуэхэмрэ абы и лъэужь ирикІуэу зызыбжыжхэмрэ сыткІэ зэщхьэщыкІми къащІэ.
4. Абыхэм Библием ит пэжыр къалъыхъуэ
Япэ лІэщІыгъуэм псэуа Хьисэ и лъэужь ирикІуэхэм я фІэщ хъур зытегъэщІар Алыхьым и Псалъэрат
Хьисэ и лъэужь ирикІуэу зызыбжыж псори Библием итым тету псэукъым. ВИДЕОМ феплъи къыкІэлъыкІуэ упщІэр зэпкърыфх.
-
Члисэхэр цІыхухэм дапхуэдэут зэран зэрыхуэхъур Хьисэ зыхуригъаджэу щытам теухуауэ къащІэну?
Хьисэ Алыхьым и Псалъэм ит пэжым цІыхухэр хуригъаджэт. Иуан 18:37 итым фыкъеджи мы упщІэм фегупсыс:
-
Хьисэ и псалъэхэм къызэрыхэщымкІэ, абы и лъэужь пэжу ирикІуэхэр дауэ къызэрыпцІыхунур?
5. Абыхэм Библием ит пэжым хурагъаджэ
Япэ лІэщІыгъуэм псэуа Хьисэ и лъэужь ирикІуэхэр фІыуэ зэрылъагъут
Хьисэ уафэм дэкІуеижын ипэ и гъэсэнхэм мыхьэнэшхуэ зиІэ къалэн яритащ. Ноби абы и гъэсэнхэм а унафэр ягъэзащІэ. Маттэ 28:19, 20, Апостолхэм 1:8 итым фыкъеджи мы упщІэм фегупсыс:
-
ХъыбарыфІ гъэІуным дапхуэдизу зиубгъун хуей икІи зэман дапщэкІэ ар зэрекІуэкІынур?
6. Ахэр зыхурагъаджэм тету мэпсэу
Дапхуэдэу Том зи цІэ цІыхухъум Хьисэ и лъэужь пэжу ирикІуэхэр къызэригъуэтар? ВИДЕОМ феплъи къыкІэлъыкІуэ упщІэхэр зэпкърыфх.
-
И диныр зэрымыпэжыр Том дапхуэдэу къызэрыгурыІуар?
-
Абы пэжыр къызэригъуэтар дауэ къызэрыгурыІуар?
Псалъэхэм нэхърэ ІуэхущІафэхэм къару нэхъыбэ ящІэлъщ. Маттэ 7:21 итым фыкъеджи мы упщІэм фегупсыс:
-
Хьисэ дежкІэ сыт нэхъапэр: ар ди фІэщ зэрыхъур жытІэныра хьэмэрэ ди фІэщ хъум дытету дыпсэуныра?
7. Ахэр фІыуэ зэролъагъу
Япэ лІэщІыгъуэм псэуа Хьисэ и лъэужь ирикІуэхэр адрейхэм хъыбарыфІымкІэ дэгуашэт
Хьисэ и лъэужь пэжу ирикІуэхэм я къуэшхэм щхьэкІэ я гъащІэр ятыну хьэзырщ. ВИДЕОМ феплъи къыкІэлъыкІуэ упщІэхэр зэпкърыфх.
-
Ллойд ди къуэш Йоханссон щхьэкІэ и гъащІэр итыну хьэзыру щІыщытыр сытыт?
-
Ллойд ищІам къыхэщрэ ар Хьисэ и гъэсэн пэжу зэрыщытыр?
Иуан 13:34, 35 итым фыкъеджи мы упщІэхэм фегупсыс:
-
Хьисэ и лъэужь пэжу ирикІуэхэр дапхуэдэу зэрыхущытын хуейр нэгъуэщІ лъэпкъхэм щыщ цІыхухэм?
-
«ФІыуэ фызэрылъагъу» жыхуиІэ Хьисэ и унафэм зауэ зэманым Хьисэ и лъэужь ирикІуэхэр тетын хуей?
ЗЫГУЭРЫМ ЖИІЭФЫНУЩ: «Сыт хуэдэ дин дымыІыгъми, дэ псори дызыхуэлажьэр зы Алыхьыращ»
-
Апхуэдэу жызыІэм Алыхьым и лэжьакІуэ пэжхэм яхуигъэувыр ебгъэлъэгъун щхьэкІэ Тхыгъэ ЛъапІэм ит сыт хуэдэ едзыгъуэ къэбгъэсэбэп хъунур?
КЪЭПЩЫТЭЖ
Хьисэ и лъэужь пэжу ирикІуэхэр Библием зыхуригъаджэм тету мэпсэу, псэемыблэжу лъагъуныгъэ ягъэлъагъуэ икІи Библием ит пэжым хурагъаджэ.
Мы упщІэхэр зэгъусэу зэпкърыфх:
-
Хьисэ и лъэужь пэжу ирикІуэхэм я фІэщ хъур сыт зытегъэщІар?
-
Хьисэ и лъэужь пэжу ирикІуэхэр сыт хуэдэ хьэл-щэнкІэ къызэрыпцІыхунур?
-
Хьисэ и лъэужь пэжу ирикІуэхэм я деж сыт хуэдэ лэжьыгъэра нэхъапэр?
НЭХЪЫБЭ КЪАЩІЭ
Хьисэ Мэссихь и щапхъэм икІи абы зыхуригъаджэу щытам тету псэуну хущІэкъу цІыхухэм теухуауэ нэхъыбэ къащІэ.
Католик диныр зыІыгъа цІыхубзым Алыхьым пэжу хуэлажьэ унагъуэшхуэр къызэригъуэтам теухуауэ еджэ.
Хьисэ и лъэужь пэжу ирикІуэхэр гузэвэгъуэшхуэ хэхуа я къуэшхэм дапхуэдэу зэрадэІэпыкъур?
«Гузэвэгъуэшхуэ хэхуа къуэшхэм дазэрыдэІэпыкъур» жыхуиІэ роликым щыщ Іыхьэ (3:57)
Хьисэ и лъэужь пэжу ирикІуэхэм щыщу ди зэманым псэухэмрэ япэ лІэщІыгъуэм псэуахэмрэ зэрызэщхьым теухуауэ къеджэ.
Иджыри уигу ирихьыфынур
НЭХЪЫБЭУ ЯТ УПЩІЭХЭР
Иеговэ и Щыхьэтхэм ирагъэкІуэкІ курсыр зищІысыр сыт?
Библием итыр къэпщІэну къыбдэІэпыкъу курс Иеговэ и Щыхьэтхэм ирагъэкІуэкІ. Абыхэм ущрагъаджэкІэ уи унэм щІэлъ Библиер къэбгъэсэбэп хъунущ икІи уи унагъуэм щыщхэмрэ уи ныбжьэгъухэм щыщ гуэррэ къебгъэблагъэ хъунущ.
