Ẽmã kar mĩ, ũn e ag vỹ tugtó tĩ, ag tỹ Jesus kri fig tĩ. Hã ra ti kar pi nén ũ tag kri fig tĩ, kar ag pi nén ũ tag nón mũ ti kar to kanhrãnrãn tĩ gé. Kỹ ẽg hã ren kỹ ki kanhró nỹtĩ, ũ nẽ tỹ Cristo mré ke pẽ ag ti?

1. Ne nỹ Cristo mré ke ti?

Ũn tỹ Cristo mré ke ti tỹ tỹ ũn tỹ Jesus nón mũnh fã ti. (Han kãme 11:26 le kem nĩ.) Ne nỹ ẽg mỹ ven tĩ, ã tỹ Cristo nón mũnh fã ti? Jesus tóg: “inh vĩ tovãnh tũg nĩ, kỹ ãjag tóg tỹ inh mré ke pẽ nỹtĩ.” (João 8:31) Tag to ken hã vẽ hã vỹ ũn tỹ Cristo mré ke pẽ nĩ, ti vỹ Jesus vĩ ki króm ke nĩ. Jesus vỹ nén kar kãmén kar nén kar hyn han kỹ ti tỹ Topẽ Vĩ Rá ki króm tĩ vã. Tag hã ri ke, Cristo mré ke pẽ ag vỹ nén kar kãmén kar hyn han kỹ, ag tỹ Topẽ Vĩ Rá ki króm nỹtĩ. — Lucas 24:27 le kem nĩ.

2. Cristo mré ke pẽ ag hã ren kỹ ũn ag mỹ to há vinven tĩ?

Jesus tóg ti nón mũnh fã ag mỹ: “jagnẽ to há nỹtĩm nĩ, sỹ ãjag to há nĩ ẽn ri ke han nĩ.” (João 15:12) Jesus hã ren kỹ ti nón mũnh fã ag mỹ to há ven tĩ vã? Ti vỹ ag ajũna ké, ag tar han mũ kar ti vỹ ag mré tĩ tĩ, kurã kar mĩ. Jesus vỹ ti nón mũnh fã ag jagfy ter ja. (1 João 3:16) Tag hã ri ke, Cristo mré ke ag tỹ nén ũ kar kãmén tĩ kar hyn han kỹ, ag tỹ jagnẽ to há nỹtĩm nĩ, ũn ag mỹ vinven jé.

3. Rãnhrãj tỹ ne Cristo mré ke pẽ ag han tĩ?

Jesus vỹ ti nón mũnh fã ag mỹ rãnhrãj há nĩm mũ. “Kỹ tóg ag jẽnẽg mũ sir, ag tỹ vẽnh kar mỹ Topẽ tỹ tỹ ẽg pãꞌi nĩ ẽn kãmén jé.” (Lucas 9:2) Ti nón mũnh fã ag vỹ Topẽ vĩ to kãmén mũ, ĩn ag ki, Topẽ ĩn ki, ẽmã kuju ki kar ẽmã kar mĩ. (Han kãme 5:42; 17:17 le kem nĩ.) Ũri Cristo mré ke pẽ ag tỹ Topẽ vĩ to kãmén tĩ, ẽmã kar mĩ. Ag tỹ ũn ag to há nĩ. Hã kỹ, ag tỹ ag tempo kar ag tar usa ken kỹ, ũn ag mỹ Topẽ vĩ kanhrãnrãn jé, ag tỹ mỹ sigsér nỹtĩ. — Marcos 12:31.

 VẼNH KANHRÃN KÃFÓR NĨ

4. Ag tỹ Topẽ vĩ pẽ ag to kanhrãnrãn sór tĩ

5. Ag tỹ Topẽ vĩ pẽ to kãmén tĩ, ũn ag mỹ

 6. Ag tỹ nén ũ ag kanhrãnrãn kỹ, ag tỹ ge han tĩ

Ne nỹ Tom mỹ ven tĩ vã, ti vỹ Cristo mré ke pẽ ag ki kanhrãn ké? Ha vé VÍDEO ti. Kar jagnẽ mré vẽmén nĩ, nén ũ tag ag to:

• Vídeo ki, Tom ne tugnĩn religião ag tovãnh tĩ vã?

• Ne nỹ Tom krĩn nĩ, ti tỹ vẽnh ki há ki kanhró jé?

Ũn tỹ tón kỹ, ti tỹ tỹ Jesus nón mũnh fã nĩ, ti vỹ nén ũ há ag hyn han ke nĩ. Mateus 7:21 le kem nĩ. Kar jagnẽ mré vẽmén nĩ, tag to:

• Jesus hã mỹ, nén ũ tỹ ne há kãfór nĩ: ẽg tỹ tugtó tãvĩn, ẽg tỹ ti kri fi tĩ, ke tũ nĩn kỹ ẽg tỹ nén ũ há ag hyn han kỹ, ẽg tỹ ti kri fi tĩ tugnĩn?

7. Ag tỹ jagnẽ to há pẽ nỹtĩ

• Cristo mré ke ag hã ren kỹ jagnẽ ki rĩr tĩ? Ag hã mỹ, fóg ag tãvĩn ke tũ nĩn kỹ kaingang ag tãvĩn to há ke mũ hãn?

• Vẽnh génh kãmĩ, ag mỹ jagnẽ to há hã ki mũnh hãn?

 Ã NE KANHRÃN JA TI

Cristo mré ke pẽ ag vỹ Topẽ Vĩ Rá ki króm tĩ, ag tỹ jagnẽ to há nỹtĩ kar ag tỹ Topẽ vĩ to kãmén tĩ.

Jykrinkrén mũ

• Cristo mré ke pẽ ag ne ki króm ke nỹtĩ, ag tỹ Topẽ mỹ rãnhrãj jé?

• Cristo mré ke pẽ ag vỹ nén ũ há tỹ ne ũn ag mỹ ven tĩ?

• Cristo mré ke pẽ ag vỹ rãnhrãj tỹ ne han tĩ?