LYNNONG 18
Kumno Phin Ithuh ïa ki Khristan Bashisha
Bun ki ong ba ki dei ki Khristan. Hynrei kim don kajuh ka jingngeit ne kim im katkum ki jingngeit jong ki. Te kumno ngi lah ban ithuh ïa ki Khristan bashisha?
1. Ki Khristan ki dei kiei?
Ki Khristan ki dei ki synran ne ki nongbud jong u Jisu Khrist. (Pule Kam 11:26.) Kumno ki pynshisha ba ki dei ki synran u Jisu? U la ong: “Lada phi ïaisah ha ka ktien jong nga, phi long ki synran jong nga da shisha.” (Ïoannis 8:31) Kane ka mut ba ki Khristan bashisha ki dei ban kohnguh ïa ki jinghikai jong u Jisu. Kumba u Jisu u la hikai na ka Ktien U Blei, ki Khristan bashisha ruh kumjuh ki dei ban hikai katkum ka Baibl.—Pule Loukas 24:27.
2. Kumno ki Khristan bashisha ki pyni jingieid?
U Jisu u la ong ha la ki synran: “Ïa-ieit paralok hi, kumba nga la ieit ïa phi.” (Ïoannis 15:12) Kumno u Jisu u la pyni ba u ieid ïa la ki synran? U la pynlut por bad ki, u la pynshlur bad ïarap ïa ki. U la aiti wat ïa la ka jingim na ka bynta jong ki. (1 Ïoannis 3:16) Kumjuh ruh, ki Khristan bashisha ym tang ba ki shu kren shaphang ka jingieid, hynrei ki pyni ruh da ki kam ba ki ieid iwei ïa iwei.
3. Ki Khristan bashisha ki bunkam ha kaei?
U Jisu u la ai kawei ka kam ha la ki synran. “U la phah ïa ki ban ïalap ïa ka Hima U Blei.” (Loukas 9:2) Ki Khristan banyngkong ki la ïalap ym tang ha ki jaka mane hynrei wat ha ki jaka paidbah bad na kawei ka ïing sha kawei ruh. (Pule Kam 5:42; 17:17.) Kumjuh ruh, ki Khristan bashisha mynta ki ïalap ïa ka jingshisha jong ka Baibl kat shaba don ki briew. Namarba ki ieid ïa ki briew, ki pynlut ïa la ka por bad ka bor ban ïasam ïa ka khubor babha jong ka Baibl shaphang ka jingtngen bad ka jingkyrmen.—Markos 12:31.
WAD SHUH SHUH
Peit kumno phi lah ban tip ïa ka jingïapher hapdeng ki Khristan bashisha bad ki briew ki bym bud ïa ki jinghikai bad ka nuksa jong u Jisu.
4. Ki wad ïa ka jingshisha jong ka Baibl
Ki Khristan banyngkong ki ñiewkor ïa ka Ktien U Blei, ki ïalap ha kiwei, bad ki ieid iwei ïa iwei
Ym baroh kiba kam ba ki dei ki Khristan ki ñiewkor ïa ki jingshisha jong ka Baibl. Peit ïa ka VIDEO, bad nangta sa peit lang ïa kine ki jingkylli harum:
-
Ha kano ka rukom ki katto katne ki niam Khristan ki la hikai bakla ïa ki jinghikai jong u Jisu?
U Jisu u la hikai ïa ka jingshisha na ka Ktien U Blei. Pule Ïoannis 18:37, bad nangta sa ïa peit lang ïa kane ka jingkylli harum:
-
Kumba la ong u Jisu, ha kano ka rukom ngi lah ban ithuh ïa ki Khristan kiba don ‘ha ka liang ka jingshisha’?
5. Ki ïalap ïa ka jingshisha jong ka Baibl
Ki Khristan banyngkong ki ñiewkor ïa ka Ktien U Blei, ki ïalap ha kiwei, bad ki ieid iwei ïa iwei
Shuwa ba u Jisu un kiew sha bneng, u la ai kawei ka kam ha la ki nongbud kaba dang ïaibteng haduh mynta. Pule Mathaïos 28:19, 20 bad Kam 1:8, bad nangta sa ïa peit lang ïa kane ka jingkylli harum:
-
Haduh katno dei ban leh ïa kane ka kam ïalap?
6. Ki leh ïa kaei kaba ki ïalap
Kaei kaba pynlong ïa uwei u briew uba kyrteng u Tom, ban ngeit ba u la shem ïa ka niam Khristan bashisha? Peit ïa ka VIDEO, bad nangta sa ïa peit lang ïa kine ki jingkylli harum:
-
Ha ka video, kaei kaba la pynlong ïa u Tom ban ngiah ïa ki niam?
-
Balei u la sngew thikna ba u la shem ïa ka jingshisha?
Ki kam ki kren kham jam ban ïa ki ktien. Pule Mathaïos 7:21, bad nangta sa ïa peit lang ïa kane ka jingkylli harum:
-
Kaei kaba kham kongsan ïa u Jisu—ban shu ngeit ïa kaei kaba ngi ong ne ban pyni da ki kam?
7. Ki ieid iwei ïa iwei
Ki Khristan banyngkong ki ñiewkor ïa ka Ktien U Blei, ki ïalap ha kiwei, bad ki ieid iwei ïa iwei
Hato ki Khristan ki la aiti shisha ïa la ka jingim na ka bynta ki parabangeit? Peit ïa ka VIDEO, bad nangta sa ïa peit lang ïa kine ki jingkylli harum:
-
Ha ka video, kaei kaba pynlong ïa i Bah Lloyd ban buh ïa la ka jingim ha ka jingma na ka bynta i Bah Johansson?
-
Hato phi tharai ba i la leh kum u Khristan bashisha?
Pule Ïoannis 13:34, 35, bad nangta sa ïa peit lang ïa kine ki jingkylli harum:
-
Kumno ki synran u Jisu (ki Khristan bashisha) ki leh ïa ki briew kiba na kiwei pat ki ri bad ki jaidbynriew bapher bapher?
-
Kumno kin leh ha ki por thma?
DON KIBA ONG: “Bun ki Khristan ki la leh ïa kiei kiei kiba sniew—kumno ki lah ban don ïa ka niam bashisha?”
-
Ka dkhot Baibl aïu kaba phi lah ban pyni ba kumno ngi lah ban ithuh ïa ki Khristan bashisha?
KI MAT BAKONGSAN
Ki Khristan bashisha ki bud ïa ki jinghikai jong ka Baibl, ki pyni ïa ka jingieid bashisha, bad ki ïalap ïa ka jingshisha jong ka Baibl.
Peit Biang
-
Ki Khristan bashisha ki pynshong nongrim ïa la ka jingngeit ha kaei?
-
Kaei ka jinglong kaba pyni ba ki long ki Khristan bashisha?
-
Kaei ka kam ba ki Khristan bashisha ki leh?
PULE SHUH SHUH
Pule shuh shuh shaphang ka kynhun kaba leh katba lah ban bud ïa ki jinghikai bad ki nuksa jong u Jisu.
Peit kaei kaba la pynlong ïa kawei ka riew niam ban shem ïa ka “longïing ba kynja mynsiem bashisha.”
Peit kumno ki Khristan bashisha ki pyni jingieid ïa ki parabangeit kiba donkam jingïarap.
Ïarap ïa la Ki Parabangeit haba Wan ka Jinglyngshop ka Mariang—Shi Bynta (Phareng) (3:57)
Peit kumno ki Khristan bashisha mynta bad ki Khristan banyngkong ki leh kumba la leh u Jisu khnang ban ithuh ïa ki nongbud jong u.
“Kiei ki Dak jong ka Niam Khristan Bashisha?” (Ka Kutphira, Lber 1, 2012, Phareng)
