OSHILESHWA 18
Nghee to dulu okudidilika mo Ovakriste vashili
Ovanhu vahapu ohave liti kutya Ovakriste. Ashike ova itavela oinima ya yoolokafana noihava kala metwokumwe nomifikamhango da faafana. Ndele ongahelipi hatu dulu okudidilika mo Ovakriste vashili?
1. Okukala Omukriste osha hala okutya shike?
Okukala Ovakriste okukala ovahongwa, ile ovashikuli vaJesus Kristus. (Lesha Oilonga 11:26.) Omunhu oha ulike ngahelipi kutya oku li omuhongwa waJesus? Jesus okwa ti: “Ngeenge omwa diinine eendjovo dange, nye ovahongwa vange shili.” (Johannes 8:31) Osho osha hala okutya Ovakriste vashili ove na okudulika komahongo aJesus. Ngaashi ashike Jesus a li e lineekela mOmishangwa, opo a yambidide omahongo aye, Ovakriste vashili navo eitavelo lavo ola kanghamena kOmbiibeli.— Lesha Lukas 24:27.
2. Ovakriste vashili ohava ulike ngahelipi ohole?
Jesus okwa lombwela ovashikuli vaye a ti: “Kaleni mu holafane ngaashi ame nda kala ndi mu hole.” (Johannes 15:12) Jesus okwa li a ulika ngahelipi kutya oku hole ovahongwa vaye? Okwa li ha kala navo efimbo, he va tu omukumo noku va kwafela. Okwa li yo nokuli e va yandjela omwenyo waye. (1 Johannes 3:16) Sha faafana, Ovakriste vashili ohava ulike kutya ove hole ovanhu vakwao meendjovo nomeenghatu davo.
3. Ovakriste vashili ove lipyakidila noilonga yashike?
Jesus okwa pa ovahongwa vaye oilonga. “Okwe va tuma va ka udife kombinga yOuhamba waKalunga.” (Lukas 9:2) Ovakriste vopefimbo lonale ova li hava udifa. Kava li ashike hava udifile meenhele davo delongelokalunga, ndele ova li yo hava udifile meenhele daaveshe nokuya komaumbo ovanhu. (Lesha Oilonga 5:42; 17:17.) Sha faafana, Ovakriste vashili kunena navo ohava udifa oshili kombinga yOmbiibeli keshe opo pe na ovanhu. Ove hole ovanhu vakwao nomolwaasho hava longifa efimbo neenghono davo, ve va lombwele etumwalaka lOmbiibeli li na sha neteelelo nehekeleko.— Markus 12:31.
KONAKONA MOULE
Lihonga nghee to dulu okuyoolola mo Ovakriste vashili movanhu ovo ihava shikula omahongo noshihopaenenwa shaJesus.
4. Ohava kongo oshili yOmbiibeli
Ovakriste vopefimbo lonale ova li va lenga Eendjovo daKalunga, hava udifile vamwe nove holafane
Havanhu aveshe ovo have liti kutya Ovakriste, va lenga oshili yOmbiibeli. Dana OKAVIDIO, ndele tamu kundafana epulo tali shikula.
-
Ongahelipi eengeleka dimwe odo hadi liti odopaKriste da dopa okuhonga osho Jesus a li a honga?
Jesus okwa honga oshili yEendjovo daKalunga. Lesha Johannes 18:37, ndele tamu kundafana epulo tali shikula:
-
She likolelela kwaasho Jesus a popya, ongahelipi hatu dulu okudidilika mo Ovakriste ovo ve li “metwokumwe noshili”?
5. Ohava udifa oshili yOmbiibeli
Ovakriste vopefimbo lonale ova li va lenga Eendjovo daKalunga, hava udifile vamwe nove holafane
Ofimbo Jesus ina shuna meulu, okwa pa ovashikuli vaye oshilonga osho tava longo fiyo okunena. Lesha Mateus 28:19, 20; nosho yo Oilonga 1:8, ndele tamu kundafana epulo tali shikula:
-
Oilonga yokuudifa oi na okulongwa fiyo openi?
6. Ohava tula moilonga osho hava udifa
Oshike sha li sha tomha omulumenhu wedina Tom, kutya okwa mona elongelokalunga lashili? Dana OKAVIDIO, ndele tamu kundafana omapulo taa shikula.
-
Ngaashi twa mona mokavidio, oshike sha li sha ningifa Tom a kale ehe na vali ohokwe momalongelokalunga?
-
Omolwashike a li a tomhwa kutya okwa mona oshili?
Osho ovanhu hava ningi osha fimanenena shi dulife osho hava popi. Lesha Mateus 7:21, ndele tamu kundafana epulo tali shikula:
-
Oshike sha fimanenena kuJesus: oshosho hatu diladila kutya otwa itavela, ile oshosho hatu ulike okupitila meenghatu detu?
7. Ove holafane
Ovakriste vopefimbo lonale ova li va lenga Eendjovo daKalunga, hava udifile vamwe nove holafane
Mbela Ovakriste ohava tula ngoo eemwenyo davo moshiponga omolwOvakriste vakwao? Dana OKAVIDIO, ndele tamu kundafana omapulo taa shikula.
-
Ngaashi twa mona mokavidio, oshike sha li she linyengifa Lloyd a tule omwenyo waye moshiponga omolwomumwatate Johansson?
-
Mbela oto diladila kutya okwa li a katuka ngaashi Omukriste washili?
Lesha Johannes 13:34, 35, ndele tamu kundafana omapulo taa shikula:
-
Ovahongwa vaJesus (Ovakriste vashili) ove na okuungaunga ngahelipi novanhu vomihoko da yooloka ko kudavo?
-
Ongahelipi tava dulu okuninga ngaho pefimbo loita?
VAMWE OHAVA TI: “Ovakriste ova ninga oinima inyanyalifi; ongahelipi tava dulu okukala ve li elongelokalunga lashili?”
-
Omushangwa ulipi to dulu okuleshela umwe, oo tau mu kwafele a didilike mo Ovakriste vashili?
ENGONGO
Ovakriste vashili ohava shikula omahongo Ombiibeli, hava ningi omaliyambo opahole nohava udifa oshili yOmbiibeli.
Eendululo
-
Eitavelo lOvakriste vashili ola kanghamena kushike?
-
Oukwatya ulipi hau didilikifa mo Ovakriste vashili?
-
Ovakriste vashili ohava longo oilonga ilipi?
TALA OUYELELE WA WEDWA PO
Lihonga shihapu kombinga yongudu yovanhu ovo hava ningi ngaashi tava dulu, opo va shikule oshihopaenenwa shaJesus Kristus nomahongo aye.
Tala nghee umwe oo a li nale osestela a mona “oukwaneumbo wopamhepo washili.”
“Ova longifa Ombiibeli va nyamukule Omapulo ange aeshe” (Oshungonangelo, 1 Aprili 2014)
Tala nghee Ovakriste vashili va ulikila Ovakriste vakwao ohole, ovo va li va pumbwa ekwafo.
Okukwafela ovamwatate ngeenge pa holoka oiponga yopaushitwe— Okatukulwa kaxupi (3:57)
Konakona nghee Ovakriste vopefimbo lonale nosho yo Ovakriste vashili vokunena hava shikula osho Jesus a popya a ti kutya otashi va didilikifa mo ve li ovashikuli vaye.
“Oshike hashi didilikifa mo Ovakriste vashili?” (Oshungonangelo, 1 Marsa 2012)
Otashi dulika yo u hafele oikundafanwa ei
OMAPULO OO HAA PULWA LUHAPU
Ekonakonombiibeli olo hali ningwa kEendombwedi daJehova oshike?
Peenghundafana doshali odo hadi ningwa kEendombwedi daJehova, oto dulu okulongifa etoloko lOmbiibeli keshe. Owa manguluka okushiva oukwaneumbo weni aushe, ile keshe umwe oo wa hala a kale po.
