18-ҶІ УРОК
Сын христианнарны хайди танып аларға?
Ікі миллиард азыра кізі постарын христианнар тіп аданчалар. Че оларның религиознай кӧрістері паза моральнай нормалары ӧң-пасхалар. Сын христианнарны хайди танып аларға?
1. Христианин кемдір ол?
Христианнар — ол Иисус Христостың ӱгренҷілері алай аның соонҷа парчатхан кізілер. (Илҷілернің 11:26 хығырыбызыңар.) Иисустың ӱгренҷілерін хайди танып аларға? Оларны танып алҷаң оңдайны Иисус позы кӧзіт пирген. Ол теен: «Сірер, сӧзімні толдырзаңар, Минің сын ӱгренҷілерім поларзар» (Иоанн 8:31). Пу сӧстердең кӧрінче: сын христианнар Иисустың ӱгредіглері хоостыра чуртирға киректер. Иисус, тізең, Худай Сӧзінде ле пазылған нимелерге ӱгреткен. Аннаңар сын христианнар киртіністерін Библияда тӧстепчелер. (Лука 24:27 хығырыбызыңар.)
2. Хайди сын христианнар хыныс кӧзітчелер?
Иисус ӱгренҷілеріне мындағ чахығ пирген: «Мин сірерге хынған чіли, удур-тӧдір хынызыңар» (Иоанн 15:12). Иисус ӱгренҷілеріне хайди хынған? Ол оларнаң хада тус иртірген, оларның кӧңнілерін кӧдірген паза оларға полысхан. Оларның ӱчӱн чуртазын даа пирібіскен (1 Иоанның 3:16). Сын христианнар хыныстарын, Иисусох чіли, сӧстерінең не нимес, че киректерінең кӧзітчелер.
3. Сын христианнарға хайдағ тоғыс иң аарлығ?
Иисус ӱгренҷілеріне аарлығ тоғыс пирген. Ол «оларны Худай хан-ӱлгӱзінеңер ӱгредерге» ысхан (Лука 9:2). Пастағы христианнар чыылығлар иртірілчеткен орыннарда ла нимес, че площадьтарзар, садығ орыннарынзар паза кізілернің иблерінзер парып, Худай сӧзін искірҷеңнер. (Илҷілернің 5:42; 17:17 хығырыбызыңар.) Пӱӱн сын христианнар Библиядағы сынны кізілер пар чирлерде прай искірчелер. Олар чағыннарына хынчалар, аннаңар Библиядағы ізеніс паза часхарыс ағылчатхан хабарны искірерге тустарына даа, кӱстеріне дее айабинчалар (Марк 12:31).
ТИРЕҢ АРАХ ХАС КӦРІҢЕР
Сын христианнар, Иисус Христостың кӧзідімі паза ӱгредіглері хоостыра чуртабинчатхан, че постарын христианнар тіп адапчатхан кізілердең нименең пасхалар? Піліп алыңар.
4. Олар Библиядағы сынны тілепчелер
Пастағы христианнар киртіністерін Худай Сӧзінде тӧстееннер
Постарын христианнар тіп адапчатханнар прайлары ла Библия хоостыра чуртабинчалар. ВИДЕО кӧріп алып, пу сурығны ӱзӱрібізіңер:
-
Хайди пірее тигіриблер кізілерге Иисустың ӱгредіглерін піліп аларға харығ полғаннар?
Иисус Худай Сӧзінде пазылған сыннарға ӱгреткен. Иоанн 18:37 хығырып алып, ӱзӱрібізіңер:
-
Иисустың сӧстерінің хоостыра, сынның сариндағыларны алай сын христианнарны хайди танып аларға?
5. Олар Библиядағы сынға ӱгретчелер
Пастағы христианнар чахсы хабарны искір чӧргеннер
Иисус, тигірзер парыбызар алнында, ӱгренҷілеріне аарлығ тоғыс пирген. Ол тоғысты ам даа апарарға кирек. Матфей 28:19, 20 паза Илҷілернің 1:8 хығырып алып, ӱзӱрібізіңер:
-
Чахсы хабар нинҷе кӧп тарап парарға кирек паза аны нинҷе ӱр искірерге кирек?
6. Олар постары ӱгретчеткен ӱгредіглер хоостыра чуртапчалар
Том сын христианнарны таап алғанын хайди піліп алған? ВИДЕО кӧріп алып, пу сурығларны ӱзӱрібізіңер:
-
Ноға Том религияа киртінмин сыххан?
-
Сынны таап алғанын ол хайди піліп алған?
Киректер сӧстердең артых. Матфей 7:21 хығырып алып, ӱзӱрібізіңер:
-
Иисусха ниме иң аарлығ: ағаа киртінчебіс тіпчеткенібіс алай киртініс хоостыра чуртапчатханыбыс?
7. Олар удур-тӧдір хынысчалар
Пастағы христианнар удур-тӧдір хынысханнар
Сын христианнар пір киртіністіг харындастарының ӱчӱн чуртастарын даа пирібізерге тимделер. ВИДЕО кӧріп алып, пу сурығларны ӱзӱрібізіңер:
-
Ноға Ллойд Йоханссон харындастың ӱчӱн ӧлерге тимде полған?
-
Ллойд сын христианин чіли тудынған тіп санапчазар ба?
Иоанн 13:34, 35 хығырып алып, пу сурығларны ӱзӱрібізіңер:
-
Иисустың ӱгренҷілері (сын христианнар) пасха расаның алай нацияның кізілеріне хайди хайарға киректер?
-
Иисустың пу чахиин чаа тузында толдырарға кирек пе?
КЕМ-ДЕ ПІДИ ТІПЧЕ: «Христианнар уғаа хорғыстығ киректерде пыролығлар. Ол сын религиялар ба?»
-
Іди тіпчеткен кізее, сын христианнарны танып аларға полыс пирер ӱчӱн, Библиядаң хайдағ стихты кӧзіт пирерҷіксер?
ӦӦН САҒЫС
Сын христианнар Библия хоостыра чуртапчалар, удур-тӧдір хынысчалар паза Библияның сынына ӱгретчелер.
Сағысха хатап кир кӧреелер
-
Сын христианнар киртіністерін нимеде тӧстепчелер?
-
Сын христианнарны ӧӧнінде нименің сылтаанда танып аларға чарир?
-
Сын христианнар хайдағ тоғысты иң аарлыға санапчалар?
ХОЗА ІСТЕЗІҢЕР
Иисус Христостың кӧзідімінің паза ӱгредиинің хоостыра чуртирға кӱстенчеткен кізілердеңер кӧп арах піліп алыңар.
Монах полған ипчі хайди сын духовнай сӧбіре таап алғаннаңар хығырып алыңар.
«Прай сурығларға олар Библия хоостыра нандырғаннар!» («Сторожевой башня», 1 хосхар айы, 2014 чыл)
Сын христианнар стихийнай саайлар тузында хайди пір киртіністіг харындастарға полысчалар?
«Саайлар тузында харындастарыбысха полысчабыс» (кизек) (3:57)
Амғы сын христианнар пастағы вектегі христианнарға нименең тӧӧйлер? Хығырып алыңар.
«Прай христианнар сынында христианнар ба?» («Сторожевой башня», 1 кӧрік айы, 2012 чыл)
Сірерге хынығ полар, арса
УДАА ТУРҒЫЗЫЛЧАТХАН СУРЫҒЛАР
Иегованың киречілері иртірчеткен библейскай курс нимедір ол?
Иегованың киречілерінің Библия нимее ӱгретчеткенін піліп аларға полысчатхан курс пар. Ӱгренчетсер, постарыңның Библияңарнаң тузаланарға паза ӱгредіге сӧбіреңерні паза нанҷыларыңны хығырарға чарир.
