18-ساباق
يسا ٴماسىحتىڭ شىنايى ٸزباسارلارىن قالاي انىقتاۋعا بولادى؟
ميللياردتاعان ادام وزدەرىن حريستيانبىز، ٴماسىحتىڭ ٸزباسارىمىز دەپ اتايدى. ٴبىراق ولاردىڭ ٴدىني نانىمدارى دا، ۇستاناتىن زاڭ-تالاپتارى دا ٴبىر-بىرىنەن وزگەشە. ولاي بولسا، يسا پايعامباردىڭ شىنايى ٸزباسارلارى كىم ەكەنىن قالاي بىلۋگە بولادى؟
1. يسا ٴماسىحتىڭ ٸزباسارلارى كىمدەر؟
يسا ٴماسىحتىڭ سوڭىنان ەرگەن شاكىرتتەردى «ماسىحشىلەر» دەپ اتايدى (ەلشىلەردىڭ ىستەرى 11:26 وقىڭىز). يسانىڭ شاكىرتتەرى ەكەنىن ولار قالاي دالەلدەيدى؟ يسا: «ەگەر مەنىڭ ٴسوزىمدى ۇستانساڭدار، شىنىمەن مەنىڭ شاكىرتىمسىڭدەر»،— دەگەن (جوحان 8:31). دەمەك، شىنايى شاكىرتتەر يسانىڭ ۇيرەتكەن تالىمدەرىن ۇستانۋ كەرەك. يسا ٴتالىم بەرگەندە، ٵردايىم جازبالارعا سۇيەنگەن. ونىڭ سوڭىنان شىنىمەن ەرەتىندەر دە ٴدال سولاي ىستەيدى (لۇقا 24:27 وقىڭىز).
2. ٴماسىحتىڭ شىنايى ٸزباسارلارى ٴبىر-ٴبىرىن جاقسى كورەتىنىن قالاي كورسەتەدى؟
يسا شاكىرتتەرىنە: «ٴبىر-ٴبىرىڭدى مەن وزدەرىڭدى سۇيگەندەي سۇيىڭدەر»،— دەپ ايتقان (جوحان 15:12). يسا ولاردى جاقسى كورەتىنىن قالاي كورسەتتى؟ ولارمەن ۋاقىت وتكىزدى، ماقتاپ، جىگەر بەردى جانە ٵردايىم كومەكتەسىپ وتىردى. ٴتىپتى ولار ٷشىن ٶمىرىن قيدى (جوحاننىڭ 1-حاتى 3:16). بۇگىندە دە ٴماسىحتىڭ شىنايى شاكىرتتەرى ٴبىر-ٴبىرىن جاقسى كورەتىنىن قۇر سوزبەن ەمەس، ىسىمەن دە كورسەتەدى.
3. ٴماسىحتىڭ شىنايى ٸزباسارلارى قانداي ٸس اتقارادى؟
يسا شاكىرتتەرىنە ماڭىزدى ٸس تاپسىرىپ، «قۇداي پاتشالىعى تۋرالى ۋاعىزداۋعا جىبەردى» (لۇقا 9:2). ونىڭ العاشقى شاكىرتتەرى عيبادات ورىندارىندا عانا ەمەس، كوپشىلىك جۇرەتىن جەرلەردە، ۇيلەرگە بارىپ تا ۋاعىزداعان (ەلشىلەردىڭ ىستەرى 5:42؛ 17:17 وقىڭىز). بۇگىندە دە ٴماسىحتىڭ شىنايى ٸزباسارلارى كيەلى كىتاپتاعى شىندىق تۋرالى ادامدار بار جەرلەردە ۋاعىزدايدى. ولار بارلىق ادامداردى جاقسى كورەدى، سوندىقتان كيەلى كىتاپتاعى سوزدەرمەن جۇباتىپ، ولارعا ٷمىت سيلاۋ ٷشىن ۋاقىتتارى مەن كۇشتەرىن ايامايدى (مارقا 12:31).
تەرەڭىرەك ٷڭىلىڭىز
ٴماسىحتىڭ ٴتالىمىن ۇستانىپ، وعان ەلىكتەيتىندەر مەن ەلىكتەمەيتىندەردى قالاي اجىراتۋعا بولاتىنىن كورەيىك.
4. ولار كيەلى كىتاپتاعى شىندىقتى ىزدەيدى
ەرتەدەگى ماسىحشىلەر قۇداي ٴسوزىن باعالاعان
ٶزىن ٴماسىحشىمىز دەيتىندەردىڭ ٴبارى بىردەي كيەلى كىتاپ شىندىقتارىن ٴتۇسىنۋدى ماڭىزدى دەپ ويلامايدى. بەينەروليكتى كورىپ، تومەندەگى سۇراقتى تالقىلاڭىزدار:
-
كەيبىر حريستيان شىركەۋلەرى ادامدارعا يسانىڭ تالىمدەرىن بىلۋگە قالاي كەدەرگى جاسادى؟
يسا قۇداي سوزىندەگى شىندىقتى ۇيرەتكەن. جوحان 18:37 وقىپ، مىنا سۇراقتى تالقىلاڭىزدار:
-
يسانىڭ سوزىنە ساي، «شىندىقتى جاقتايتىن» ماسىحشىلەردى قالاي انىقتاي الامىز؟
5. ولار كيەلى كىتاپتاعى شىندىقتى ۋاعىزدايدى
ەرتەدەگى ماسىحشىلەر باسقالارعا ۋاعىزداعان
يسا كوككە كوتەرىلمەس بۇرىن، ٶز ٸزباسارلارىنا ٴبىر ٸس تاپسىردى. بۇل ٸس ٵلى دە جالعاسىپ كەلەدى. ماتاي 28:19، 20 جانە ەلشىلەردىڭ ىستەرى 1:8 وقىپ، مىنا سۇراقتى تالقىلاڭىزدار:
-
ۋاعىز ٸسى قانداي كولەمدە اتقارىلۋ كەرەك ەدى؟
6. ولار نەنى ۋاعىزداسا، سونى ىستەيدى
توم ەسىمدى ەر كىسىنىڭ شىنايى ماسىحشىلەردى تاپقانىنا كوزىن جەتكىزگەن نە؟ بەينەروليكتى كورىپ، كەلەسى سۇراقتاردى تالقىلاڭىزدار:
-
بەينەروليكتەگى تومنىڭ نە سەبەپتەن دىننەن كوڭىلى قالدى؟
-
يسانىڭ شىنايى ٸزباسارلارىن تاپقانىنا ول نەگە سەنىمدى بولدى؟
سوزدەن گورى ٸس ماڭىزدى. ماتاي 7:21 وقىپ، مىنا سۇراقتى تالقىلاڭىزدار:
-
يسا ٷشىن نە ماڭىزدى: سەنەم دەپ سوزبەن ايتقانىمىز با، الدە ونى ىسپەن دالەلدەگەنىمىز بە؟
7. ولار ٴبىر-ٴبىرىن جاقسى كورەدى
ەرتەدەگى ماسىحشىلەر ٴبىر-ٴبىرىن جاقسى كورگەن
يسانىڭ شىنايى ٸزباسارلارى ٴبىر-ٴبىرى ٷشىن باستارىن قاتەرگە تىگۋگە دايىن با؟ بەينەروليكتى كورىپ، تومەندەگى سۇراقتاردى تالقىلاڭىزدار:
-
للويد دەگەن كىسى يوحانسون باۋىرلاس ٷشىن نەگە ٶمىرىن بەرۋگە دايىن بولدى؟
-
مۇنىسى شىنايى ماسىحشىلەرگە ٴتان ارەكەت دەي الاسىز با؟
جوحان 13:34، 35 وقىپ، مىنا سۇراقتاردى تالقىلاڭىزدار:
-
يسانىڭ شاكىرتتەرى (شىنايى ماسىحشىلەر) باسقا ۇلتتىڭ، ٴناسىلدىڭ ادامدارىنا قالاي قارايدى؟
-
سوعىس بولعاندا، ولار قالاي ارەكەت ەتەدى؟
كەيبىرەۋلەردىڭ ايتاتىنى: «قاي ٴدىندى ۇستانسا دا، بارلىعى ٴبىر قۇدايعا سيىنادى عوي».
-
قۇدايدىڭ شىنايى ٸزباسارلارى بەلگىلى ٴبىر تالاپتارعا ساي كەلۋ كەرەكتىگىن كورسەتۋ ٷشىن ادامعا قاي تارماقتى وقىپ بەرەر ەدىڭىز؟
تۇيىندەمە
يسانىڭ شىنايى ٸزباسارلارى كيەلى كىتاپتا جازىلعانداردى ورىندايدى، رياسىز سۇيىسپەنشىلىك تانىتادى جانە كيەلى كىتاپتاعى شىندىقتاردى ۋاعىزدايدى.
قايتالاۋ
-
يسانىڭ شىنايى شاكىرتتەرى ٴدىني-نانىمدارىن نە نارسەگە نەگىزدەيدى؟
-
يسانىڭ شىنايى شاكىرتتەرىن ەرەكشەلەندىرەتىن قاي قاسيەت؟
-
ولار قانداي ٸستى اتقارادى؟
قوسىمشا ىزدەنىڭىز
يسا ٴماسىحتىڭ تالىمدەرىن ۇستانىپ، ۇلگىسىنە ەلىكتەيتىن ادامدار جايلى ٴبىلىڭىز.
بۇرىن موناح بولعان ٴبىر ايەل قالاي «جاڭا وتباسىن» تاپقانىن وقىپ كورىڭىز.
شىنايى ماسىحشىلەر كومەككە مۇقتاج دىندەستەرىنە قالاي سۇيىسپەنشىلىك تانىتاتىنىن كورىڭىز.
«تابيعي اپات كەزىندە باۋىرلاستارعا قول ۇشىن بەرۋ» (ٷزىندى) (57:3)
ەرتەدەگى ماسىحشىلەر سياقتى بۇگىندەگى شىنايى ماسىحشىلەر دە يسانىڭ ٸزباسارلارىنا ٴتان ارەكەت ەتەتىنىن وقىپ كورىڭىز.
«شىنايى ماسىحشىلەردى قالاي تاني الاسىز؟» («كۇزەت مۇناراسى» (حانزۇشا)، 1-ناۋرىز، 2012)
قىزىقتى بولار مالىمەتتەر
ٴجيى قويىلاتىن سۇراقتار
كيەلى كىتاپتى زەرتتەۋ ساباعى دەگەن نە؟
كيەلى كىتاپتى اقىسىز زەرتتەۋ ساباعىنا قاتىستى سۇراقتارىڭىزعا جاۋاپ الىڭىز.
