មេរៀនទី១៨
របៀបសម្គាល់គ្រិស្តសាសនិកពិត
មនុស្សរាប់ពាន់លាននាក់អះអាងថាពួកគេជាគ្រិស្តសាសនិក។ ប៉ុន្តែ ពួកគេមានជំនឿខុសគ្នា ហើយក៏មានខ្នាតតម្រាសីលធម៌ខុសគ្នាដែរ។ ដូច្នេះ តើយើងអាចសម្គាល់គ្រិស្តសាសនិកពិតតាមរបៀបណា?
១. តើគ្រិស្តសាសនិកជាអ្នកណា?
គ្រិស្តសាសនិកជាអ្នកកាន់តាមលោកយេស៊ូគ្រិស្ត។ (សូមអាន សកម្មភាព ១១:២៦) តើពួកគេបង្ហាញយ៉ាងណាថាពួកគេជាអ្នកកាន់តាមលោកយេស៊ូ? លោកយេស៊ូបានមានប្រសាសន៍ថា៖ «ប្រសិនបើអ្នករាល់គ្នាធ្វើតាមសេចក្ដីបង្រៀនរបស់ខ្ញុំជានិច្ច នោះអ្នករាល់គ្នាពិតជាអ្នកកាន់តាមខ្ញុំមែន»។ (យ៉ូហាន ៨:៣១) ដូច្នេះ គ្រិស្តសាសនិកពិតបង្ហាញថាពួកគេជាអ្នកកាន់តាមលោកយេស៊ូ ដោយធ្វើតាមសេចក្ដីបង្រៀនរបស់លោក។ អ្វីដែលលោកយេស៊ូបង្រៀនមានមូលដ្ឋានលើគម្ពីរ ដូច្នេះជំនឿរបស់គ្រិស្តសាសនិកពិតក៏មានមូលដ្ឋានលើគម្ពីរដែរ។—សូមអាន លូកា ២៤:២៧
២. តើគ្រិស្តសាសនិកពិតបង្ហាញសេចក្ដីស្រឡាញ់តាមរបៀបណាខ្លះ?
លោកយេស៊ូបានប្រាប់អ្នកកាន់តាមលោកថា៖ «[ចូរ]ស្រឡាញ់គ្នាទៅវិញទៅមក ដូចខ្ញុំបានស្រឡាញ់អ្នករាល់គ្នា»។ (យ៉ូហាន ១៥:១២) តើលោកយេស៊ូបានបង្ហាញយ៉ាងណាថាលោកស្រឡាញ់អ្នកកាន់តាមលោក? លោកបានចំណាយពេលជាមួយនឹងពួកគេ លើកទឹកចិត្តពួកគេ និងជួយពួកគេ។ លោកថែមទាំងបានលះបង់ជីវិតដើម្បីពួកគេទៀតផង។ (យ៉ូហានទី១ ៣:១៦) ដូចគ្នាដែរ គ្រិស្តសាសនិកពិតមិនគ្រាន់តែនិយាយថាស្រឡាញ់គ្នាប៉ុណ្ណោះទេ តែពួកគេក៏បង្ហាញសេចក្ដីស្រឡាញ់ចំពោះគ្នាដែរ។
៣. តើគ្រិស្តសាសនិកពិតជាប់រវល់ក្នុងកិច្ចការអ្វី?
លោកយេស៊ូបានឲ្យភារកិច្ចមួយដល់ពួកអ្នកកាន់តាមលោក គឺ«លោកចាត់ពួកគាត់ឲ្យទៅផ្សព្វផ្សាយអំពីរាជាណាចក្ររបស់ព្រះ»។ (លូកា ៩:២) គ្រិស្តសាសនិកនៅសម័យមុនមិនគ្រាន់តែផ្សព្វផ្សាយនៅកន្លែងគោរពប្រណិប័តន៍របស់ពួកគេប៉ុណ្ណោះទេ តែក៏ផ្សព្វផ្សាយនៅកន្លែងសាធារណៈ និងពីផ្ទះមួយទៅផ្ទះមួយដែរ។ (សូមអាន សកម្មភាព ៥:៤២; ១៧:១៧) ស្រដៀងគ្នាដែរ នៅសព្វថ្ងៃនេះ គ្រិស្តសាសនិកពិតផ្សព្វផ្សាយសេចក្ដីពិតក្នុងគម្ពីរដល់មនុស្សនៅគ្រប់ទីកន្លែង។ ពួកគេស្រឡាញ់អ្នកជិតខាង ដូច្នេះពួកគេសប្បាយចិត្តចំណាយពេលវេលានិងកម្លាំង ដើម្បីប្រាប់អ្នកទាំងនោះអំពីព័ត៌មានក្នុងគម្ពីរដែលផ្ដល់សេចក្ដីសង្ឃឹមនិងការសម្រាលទុក្ខ។—ម៉ាកុស ១២:៣១
បង្កើនចំណេះ
សូមពិចារណាអំពីភាពខុសគ្នារវាងគ្រិស្តសាសនិកពិត និងមនុស្សដែលមិនធ្វើតាមសេចក្ដីបង្រៀននិងគំរូរបស់លោកយេស៊ូ។
៤. ពួកគេស្វែងរកសេចក្ដីពិតក្នុងគម្ពីរ
គ្រិស្តសាសនិកនៅសម័យមុនបានឲ្យតម្លៃចំពោះបណ្ដាំរបស់ព្រះ
មិនមែនអស់អ្នកដែលអះអាងថាជាគ្រិស្តសាសនិក ឲ្យតម្លៃចំពោះសេចក្ដីពិតក្នុងគម្ពីរទេ។ លេងវីដេអូ រួចពិភាក្សាសំណួរដូចតទៅ៖
-
តើវិហារមួយចំនួនដែលអះអាងថាជាគ្រិស្តសាសនិកបានបង្រៀនអ្វីខ្លះ ដែលខុសពីសេចក្ដីបង្រៀនរបស់លោកយេស៊ូ?
លោកយេស៊ូបានបង្រៀនសេចក្ដីពិតពីបណ្ដាំរបស់ព្រះ។ សូមអាន យ៉ូហាន ១៨:៣៧ រួចពិភាក្សាសំណួរនេះ៖
-
តាមរយៈប្រសាសន៍របស់លោកយេស៊ូ តើយើងអាចសម្គាល់ថាអ្នកណាជាគ្រិស្តសាសនិក«នៅខាងសេចក្ដីពិត»?
៥. ពួកគេផ្សព្វផ្សាយសេចក្ដីពិតក្នុងគម្ពីរ
គ្រិស្តសាសនិកនៅសម័យមុនផ្សព្វផ្សាយដល់អ្នកឯទៀត
មុនពេលលោកយេស៊ូឡើងទៅស្ថានសួគ៌ លោកបានឲ្យភារកិច្ចមួយដល់ពួកអ្នកកាន់តាមលោក ជាភារកិច្ចដែលពួកគេត្រូវបន្តធ្វើរហូតដល់សព្វថ្ងៃ។ សូមអាន ម៉ាថាយ ២៨:១៩, ២០ និងសកម្មភាព ១:៨ រួចពិភាក្សាសំណួរនេះ៖
-
តើកិច្ចការផ្សព្វផ្សាយនេះនឹងត្រូវធ្វើឡើងដល់កម្រិតណា?
៦. ពួកគេធ្វើតាមអ្វីដែលពួកគេផ្សព្វផ្សាយ
តើអ្វីបានធ្វើឲ្យបុរសម្នាក់ឈ្មោះថំ ជឿជាក់ថាគាត់បានរកឃើញគ្រិស្តសាសនិកពិត? លេងវីដេអូ រួចពិភាក្សាសំណួរដូចតទៅ៖
-
ក្នុងវីដេអូ តើអ្វីបានធ្វើឲ្យថំអស់សង្ឃឹមចំពោះសាសនា?
-
ហេតុអ្វីគាត់ជឿជាក់ថាគាត់បានរកឃើញសេចក្ដីពិត?
ការប្រព្រឹត្តសំខាន់ជាងពាក្យសម្ដី។ សូមអាន ម៉ាថាយ ៧:២១ រួចពិភាក្សាសំណួរនេះ៖
-
យោងតាមប្រសាសន៍របស់លោកយេស៊ូ ហេតុអ្វីមិនគ្រប់គ្រាន់ទេ បើគ្រាន់តែអះអាងថាជាអ្នកកាន់តាមលោក?
៧. ពួកគេស្រឡាញ់គ្នាទៅវិញទៅមក
គ្រិស្តសាសនិកនៅសម័យមុនស្រឡាញ់គ្នាទៅវិញទៅមក
តើគ្រិស្តសាសនិក ពិតជាហ៊ានប្រថុយជីវិតដើម្បីគ្រិស្តសាសនិកដូចគ្នាឬទេ? លេងវីដេអូ រួចពិភាក្សាសំណួរដូចតទៅ៖
-
ក្នុងវីដេអូ តើអ្វីបានជំរុញចិត្តឡយឲ្យប្រថុយជីវិតដើម្បីយ៉ូហានសិន?
-
តើអ្នកគិតថាការប្រព្រឹត្តរបស់គាត់បង្ហាញថាគាត់ជាគ្រិស្តសាសនិកពិតឬទេ?
សូមអាន យ៉ូហាន ១៣:៣៤, ៣៥ រួចពិភាក្សាសំណួរដូចតទៅ៖
-
តើអ្នកកាន់តាមលោកយេស៊ូ (ឬគ្រិស្តសាសនិកពិត) ប្រព្រឹត្តយ៉ាងណាចំពោះមនុស្សដែលមានពណ៌សម្បុរឬមានជាតិសាសន៍ខុសពីខ្លួន?
-
តើពួកគេធ្វើយ៉ាងណាក្នុងអំឡុងពេលមានសង្គ្រាម?
មនុស្សខ្លះនិយាយថា៖ «គ្រិស្តសាសនាធ្វើអំពើអាក្រក់ច្រើនណាស់ តើពួកគេអាចជាសាសនាពិតយ៉ាងដូចម្ដេចបាន?»។
-
ស្ដីអំពីរបៀបសម្គាល់គ្រិស្តសាសនិកពិត តើអ្នកអាចបង្ហាញខគម្ពីរមួយណាដល់អ្នកឯទៀត?
សេចក្ដីសង្ខេប
គ្រិស្តសាសនិកពិតធ្វើតាមសេចក្ដីបង្រៀនក្នុងគម្ពីរ បង្ហាញសេចក្ដីស្រឡាញ់ដែលមិនគិតប្រយោជន៍ខ្លួន និងផ្សព្វផ្សាយសេចក្ដីពិតក្នុងគម្ពីរ។
រៀនសាឡើងវិញ
-
តើជំនឿរបស់គ្រិស្តសាសនិកពិត មានមូលដ្ឋានលើអ្វី?
-
តើគុណសម្បត្តិអ្វីដែលសម្គាល់គ្រិស្តសាសនិកពិត?
-
តើគ្រិស្តសាសនិកពិតធ្វើកិច្ចការអ្វី?
ស្វែងយល់ថែមទៀត
សូមរៀនថែមទៀតអំពីមនុស្សមួយក្រុមដែលខំព្យាយាមធ្វើតាមគំរូនិងសេចក្ដីបង្រៀនរបស់លោកយេស៊ូគ្រិស្ត។
សូមមើលអ្វីដែលបានធ្វើឲ្យអតីតដូនជីម្នាក់រកឃើញក្រុមគ្រួសាររួមជំនឿ។
សូមរៀនអំពីរបៀបដែលគ្រិស្តសាសនិកពិតបង្ហាញសេចក្ដីស្រឡាញ់ចំពោះបងប្អូនរួមជំនឿដែលត្រូវការជំនួយ។
ការផ្ដល់ជំនួយដល់បងប្អូនពេលមានគ្រោះមហន្ដរាយធម្មជាតិ (ឈុតខ្លី) (៣:៥៧)
សូមពិនិត្យមើលអ្វីដែលគ្រិស្តសាសនិកនៅសម័យដើមនិងគ្រិស្តសាសនិកនៅសព្វថ្ងៃបានធ្វើដូចគ្នា ពោលគឺអ្វីដែលលោកយេស៊ូបានប្រាប់ថាជាសញ្ញាសម្គាល់នៃពួកអ្នកកាន់តាមលោក។
«តើអ្វីជាសញ្ញាសម្គាល់នៃគ្រិស្តសាសនាពិត?» (ទស្សនាវដ្ដីប៉មយាម ខែតុលា–ធ្នូ ឆ្នាំ២០១២)