ДӘРСА 18
Мәсиһийед Рʹаст Кʹи нә?
Бь милйарда мәрьв хԝә һʹәсаб дькьн Мәсиһи. Ле һинкьрьн у принсипед ԝан жь һәв щӧдә дьбьн. Гәло әм чаԝа дькарьн тедәрхьн, Мәсиһийед рʹаст кʹи нә?
1. Чь те һʹәсабе Мәсиһи?
Мәсиһи те һʹәсабе шагьрт йан жи пәйчуйед Иса Мәсиһ (Бьхунә Кʹаред Шандийа 11:26.) Ле әԝана ча избат дькьн, ԝәки шагьртед Иса нә? Иса гот: «Һәгәр һун сәр һинкьрьна мьн бьминьн, һуне рʹаст шагьртед мьн бьн» (Йуһʹәнна 8:31). Демәк әв те һʹәсабе, ԝәки Мәсиһийед рʹаст гәрәке ль гора һинкьрьнед Иса бьжин. Иса ль сәр һʹиме Ньвисаред Пироз һин дькьр, ләма жи һинкьрьнед Мәсиһийед рʹаст сәр һʹиме Кʹьтеба Пироз ьн (Бьхунә Луԛа 24:27.)
2. Мәсиһийед рʹаст ча һʹьзкьрьне дьдьнә кʹьфше?
Иса готә шагьртед хԝә: «Һәвдӧ һʹьз бькьн, чаԝа кӧ мьн һун һʹьз кьрьн» (Йуһʹәнна 15:12). Иса ча да кʹьфше ԝәки шагьртед хԝә һʹьз дькә? Әԝи ԝәʹде хԝә тʹәви ԝан хәрщ дькьр, әԝана һелан дькьрьн у аликʹари дьда ԝан. Иса һәла һе әʹмьре хԝә жи бона ԝан да (1 Йуһʹәнна 3:16). Мәсиһийед рʹаст жи мина Иса дәрһәԛа һʹьзкьрьне нә кӧ тʹәне дьбежьн, ле һе зедә дькьн. Әԝана бь готьн у кьред хԝә дьдьнә кʹьфше, кӧ һәвдӧ һʹьз дькьн.
3. Мәсиһийед рʹаст чь шьхӧли дькьн?
Иса шьхӧләки фәрз да шагьртед хԝә. Әԝи «әԝ шандьн, кӧ Пʹадшатийа Хԝәде даннасин кьн» (Луԛа 9:2). Мәсиһийед ԛьрʹна йәке нә тʹәне щийед һʹәбандьна хԝәда хьзмәт дькьрьн, ле ӧса жи щийед кӧ гәләк мәрьв һәбун у мал бь мал (Бьхунә Кʹаред Шандийа 5:42; 17:17.) Иро жи Мәсиһийед рʹаст һʹәму щийа, кʹидәре кӧ мәрьв һәнә, рʹастийа жь Кʹьтеба Пироз бәла дькьн. Әԝана һʹәму мәрьва һʹьз дькьн, ләма жи бь дьл ԝәʹдә у ԛәԝата хԝә хәрщ дькьн, сәва мьзгинийа Кʹьтеба Пироз йа кӧ һевийе у дьлбинийе дьдә, мәрьварʹа гьли кьн (Марԛос 12:31).
КʹУР ЛЕКОЛИН КӘ
Бьфькьрә кӧ тӧ ча дькари тедәрхи фьрԛийа ортʹа Мәсиһийед рʹаст у ԝан мәрьва, йед кӧ пәй һинкьрьнед Иса начьн у чʹәʹв надьнә ԝи.
4. Әԝана рʹастийа Кʹьтеба Пироз ԛимәт дькьн
Мәсиһийед ԛьрʹна йәке Хәбәра Хԝәде ԛимәт дькьрьн
Һьнә мәрьв дьбежьн ԝәки әԝана Мәсиһи нә, ле һʹәсаб накьн кӧ фәрз ә рʹастийа Кʹьтеба Пироз әʹмьре хԝәда биньн сери. Вехә ВИДЕО, у паше әве пьрсе шеԝьр кә:
-
Ча тӧ дьфькьри, Мәсиһийед рʹаст чьда щӧдә дьбьн?
Иса рʹастийа жь Хәбәра Хԝәде һин дькьр. Бьхунә Йуһʹәнна 18:37, у паше әве пьрсе шеԝьр кә:
-
Ль гора готьнед Иса, әм ча дькарьн тедәрхьн ԝан Мәсиһийа, йед кӧ «алийе рʹастийе» нә?
5. Әԝана рʹастийа Кʹьтеба Пироз мәрьва һин дькьн
Мәсиһийед ԛьрʹна йәке мьзгини бәла дькьрьн
Пешийа кӧ Иса бьчуйа ль әʹзмана, әԝи шьхӧләкә фәрз да пәйчуйед хԝә у әԝ шьхӧл һʹәта иро бәрдәԝам дьбә. Бьхунә Мәтта 28:19, 20 у Кʹаред Шандийа 1:8, у паше әве пьрсе шеԝьр кә:
-
Мьзгинийа хере һʹәта кʹидәре гәрәке бьһата бәлакьрьне?
6. Әԝана ль гора рʹастийа Кʹьтеба Пироз дьжин
Чь мәрьвәки бь наве Том да баԝәркьрьне, кӧ әԝи әԝ мәрьв дитьнә, йед кӧ бь рʹасти Мәсиһи нә? Вехә ВИДЕО, у паше ван пьрса шеԝьр кә:
-
Чьма Том жь религийайе әʹщьз бу?
-
Чь ԝи да баԝәркьрьне, кӧ әԝи рʹасти дитийә?
Шьхӧл дьһа фәрз ә нә кӧ готьн. Бьхунә Мәтта 7:21, у паше әве пьрсе шеԝьр кә:
-
Бона Иса чь дьһа фәрз ә, кьред мә йан гьлийед мә?
7. Әԝана һәвдӧ һʹьз дькьн
Мәсиһийед ԛьрʹна йәке һәвдӧ һʹьз дькьрьн
Гәло Мәсиһи бь рʹасти һазьр ьн әʹмьре хԝә бона һәв бьдьн? Вехә ВИДЕО, у паше ван пьрса шеԝьр кә:
-
Чь Лойд һелан кьр, ԝәки бона бьре Щоһансьн әʹмьре хԝә бькә бьн ԛәзийе?
-
Тӧ ча дьфькьри, кьре ԝи да кʹьфше кӧ әԝ Мәсиһи йә?
Бьхунә Йуһʹәнна 13:34, 35, у паше ван пьрса шеԝьр кә:
-
Шагьртед Иса, демәк Мәсиһийед рʹаст һьндава мьләтед дьнда гәрәке чаԝа бьн?
-
Әԝана ԝәʹде шәрʹ гәрәке ча хԝә бьдьнә кʹьфше?
ҺЬНӘ МӘРЬВ ДЬБЕЖЬН: «Мәсиһийа һаԛас тьштед зӧлм кьрьнә, религийа ԝан ча дькарә рʹаст бе һʹәсабе?»
-
Тӧ кʹижан рʹезе дькари бьди хәбате, ԝәки бьди кʹьфше кӧ Мәсиһийед рʹаст кʹи нә?
ТʹӘМАМКЬРЬН
Мәсиһийед рʹаст ль гора һинкьрьнед Кʹьтеба Пироз дьжин, һʹьзкьрьне дьдьнә кʹьфше, у рʹастийа Кʹьтеба Пироз бәла дькьн.
Ԝәкʹьландьн
-
Һинкьрьнед Мәсиһийед рʹаст сәр һʹиме чь нә?
-
Мәсиһийед рʹаст бь кʹижан һʹӧнӧри әʹйан дьбьн?
-
Мәсиһийед рʹаст кʹижан шьхӧле фәрз дькьн?
ҺЕ ЗЕДӘ ПЕБЬҺʹӘСӘ
Пебьһʹәсә дәрһәԛа ԝан мәрийа, йед кӧ жь алийе хԝәда һʹәму тьшти дькьн, ԝәки чʹәʹв бьдьнә Иса у һинкьрьнед ԝи.
Пебьһʹәсә кӧ хьзмәткʹара дере чаԝа рʹасти дит.
«Ԝана пе Кʹьтеба Пироз Щабед Һʹәму пьрса Дан!» («Бьрща Ԛәрәԝьлийе», 1 Нисане, 2014)
Пебьһʹәсә кӧ ча Мәсиһийед рʹаст һьндава һәвда һʹьзкьрьне дьдьнә кʹьфше.
«Ԝәʹде Тʹәшԛәлед Тʹәбийәте Аликʹарийе Дьдьн Хушк-Бьра»; Пʹарәк (3:57)
Пебьһʹәсә кӧ ча Мәсиһийед иройин мина Мәсиһийед ԛьрʹна йәке әʹйан дькьн, ԝәки әԝана пәйчуйед Иса нә.
«Мәсиһийед Рʹаст бь Чь Әʹйан ьн?» («Бьрща Ԛәрәԝьлийе», 1 Адаре, 2012)
Дьбәкә Wәрʹа Һʹәwас бә
ПЬРСЕД ГӘЛӘК МӘРИЙА
Чь Те Һʹәсабе Курса Һинбуна Кʹьтеба Пироз Тʹәви Шәʹдед Йаһоԝа?
Ԝәʹде курса бепʹәрә тʹәви Шәʹдед Йаһоԝа, тӧ дькари ве ԝәлгәрʹандьна Кʹьтеба Пироз бьди хәбате кʹижан тӧ дьхԝази. Тӧ дькари аза нәфәр у һәвалед хԝә жи тʹәглифи сәр һинбуне ки.
