DIILONGWEESH 18
Mushind a Kumanyik Biin Krist ba Biin-biin
Baat miliyo yivul biileeleej mudyobw biin Krist. Ki kabiishoh bend biitabij myand yaakaabumw, ni cikwaabw, kabiin ni mikenj yaakaabumw. Nook, i mushind kaay utudy mwa kumanyik biin Krist ba biin-biin?
1. Mwiin Krist i Ngany?
Biin Krist, i biiyij ba Yeez Krist. (Balaay Myand Yilongel Bapostol 11:26.) I mushind kaay udyobw baleej neey, i biiyij ba Yeez? Yeez uleebel neey: “anwaakooyel ku may maam, nwiikaakal biiyij baam ba biin-biin.” (Jah 8:31) Biin eeby byumvumvwiij neey, biin Krist ba biin-biin bady mwa kukooyel ku malongweesh ma Yeez. Yeez waakady ulongweesh myand yidy Bibl uleeb, biin Krist ba biin-biin baloolongweesh myand yidy Bibl uleeb.—Balaay Luuk 24:27.
2. I mushind kaay udy biin Krist ba biin-biin baleejangan lukat?
Yeez wambiil biiyij bindiy neey: “Katanganaay mukacy mwiinun bu munady mwiinukat.” (Jah 15:12) I mushind kaay uleejel Yeez neey, waakady mukat biiyij bindiy? Waakady ushikat naab haakaabumw, wiibakashish, ni wiibambulwiish. Waakady mutwaal ni buumy bwindiy bwaabab. (1 Jah 3:16) Bya mushind aakaabumw, biin Krist ba biin-biin baleeleeb bikasakan bwa lukat. Baleeleej lukat oolw mu may ni mu myand yidyobw balongel baat bakwaabw.
3. I mudimw kaay udy biin Krist ba biin-biin balong?
Yeez waakishil biiyij bindiy mudimw a kulong. “Wiibatumin bwa kudiilobw baat musah a Bukaleng bwa Mawej.” (Luuk 9:2) Biin Krist ba kuuhal baakady badiil baat musah, ki kabaakadyoh bend bamudiil teng mu mazubw ma kuhambidil, ki baakady bamudiil cikwaabw mu byaab byaakadyobw basangan baat ni ku mazubw maababw. (Balaay Myand Yilongel Bapostol 5:42; 17:17.) Leeloow, biin Krist ba biin-biin baloolongweesh myand ya biin-biin yidy mu Bibl cyaab cyoos cidyobw bahet baat. Bu mudyobw bakat baat naab, bakaakal mudimw ni diib dyaababw ni bukash budyobw naab, bwa kwiibadiil musah udy mu Bibl utwaatwaal kutakamin ni ukashish.—Mark 12:31.
TWEEL MU BONDOK
Tal muwudy mwa kuhet diishiilangan didy hakacy ha biin Krist ba biin-biin ni baat bakiish balond malongweesh ma Yeez ni cileejel cindiy.
4. Bakaakaam myand ya biin-biin yidy mu Bibl
Baat boos biiyambamb mudyobw biin Krist kabiin bangat biin-biin bya mu Bibl ni buseeb. Talaay VIDEO, ni isambilaay ha diijooj eedy.
-
I mushind kaay udy baat biiyambamb mudyobw biin Krist banyang malongweesh maakady Yeez mulongweesh?
Yeez ulongweeshel myand ya biin-biin yidy mu Diiy, dya Mawej. Balaay Jah 18:37, ni isambilaay ha diijooj eedy:
-
Bilondeshel Yeez, i mushind kaay utudy mwa kumanyik biin Krist biitaatab “myand ya biin-biin”?
5. Baloolongweesh myand ya biin-biin yidy mu Bibl
Kuuhal kwa Yeez kuy mu diiwul, waakady mwaakish biiyij bindiy mudimw a kukalobw utuutungunuk teng ni leeloow. Balaay Matewus 28:19, 20 ni Myand Yilongel Bapostol 1:8, ni isambilaay ha diijooj eedy:
-
Mudimw a kudiil baat musah oow, waakady mwa kulongek cyaab kaay ni ciisang kaay?
6. Baloolong myand yidyobw balongweesh
I biny byaakady bijaadikil Tom neey, ubaahet bwiin Krist bwa biin-biin? Talaay VIDEO, ni isambilaay majooj aam.
-
Mu video oomw, i biny byaakady bisak Tom bwa kwaalukey mu citendeleel?
-
I biny byaakady bijaadikil Tom neey, ubaahet biin-biin?
Bilong bileeleeb kuhitok may. Balaay Matewus 7:21, ni isambilaay ha diijooj eedy:
-
I biny bidy ni buseeb kudy Yeez—i kuleeb neey, nady mwiitabij eecy diitabij dimweemweekel ku bilong?
7. I bakatangan
Biin Krist ba biin-biin badyaakalok biitab bwa kufw ha mut a biin Krist naab eeny? Talaay VIDEO, ni isambilaay ha majooj aam.
-
Mu video oomw, i biny byaakady bisak Lloyd bwa kwiitabey bwa kufw ha mut ha mwiin-kweet Johansson?
-
Ulaalangok neey, ulongel myand bu mwiin Krist a biin-biin eeny?
Balaay Jah 13:34, 35, ni isambilaay ha majooj aam:
-
I mushind kaay udy biiyij ba Yeez (biin Krist ba biin-biin) balongel baat ba biseb bikwaabw eecy ba bis bikwaabw myand?
-
I mushind kaay udyobw balong myand mu ciisang cya diivit?
BAAT BAKWAABW BALEELEEB NEEY: “Biin Krist i balong myand yibiih yivul—i mushind kaay udyobw mwa kwiikal citendeleel cya biin-biin?”
-
I verseh kaay uwudy mwa kubadil muut bwa kumuleej mutudy mwa kumanyik biin Krist ba biin-biin?
CYA KUKWAAT
Biin Krist ba biin-biin baloolond malongweesh ma mu Bibl, baleeleej mudyobw bakatangan, ni balongweesh myand ya biin-biin yidy mu Bibl.
Bwa kuvuluk
-
Myand yidy biin Krist ba biin-biin biitabij i yishimacil ha biny?
-
Tumaamanyikil biin Krist ba biin-biin ku biny?
-
Biin Krist ba biin-biin bakaakal mudimw kaay?
MYAND YIKWAABW YA KUMANYIK
Tal baat biikaakashishomw bwa kulond cileejel ni malongweesh ma Yeez Krist.
Tal mwaakady mwaan-mukaj kaahand muhet “cisak cya biin-biin cya mu spirit.”
“Bakaakal Mudimw ni Bibl bwa Kwaalabul Majooj!” (Cibumb cya Muteetekel 1/4/2014 mu Tshiluba)
Tal mudy biin Krist ba biin-biin baleej biin Krist naab bakaakaam dyambulwiish lukat.
Tal mudy biin Krist ba kuuhal ni biin Krist ba biin-biin ba leeloow baleej myand yaakady Yeez muleeb bwa kwiibamanyikobw neey, i biiyij bindiy.