MWE LUTLUT 18
Kuht Ac Akihlen Fuhkah Mwet Christian Pwacye
Billion sin mwet elos ekihn muh elos mwet Christian. Tuhsruhktuh tiac oacna sie ma elos luhlahlfongi, ac elos tiac orekmakihn ke moul lalos ma elos luti. Pwacnacng, kuht ac akihlen fuhkah lah suc mwet Christian pwacye?
1. Meac kalmacn sie Mwet Christian?
Mwet Christian pa mwet tuhma lutlut, kuh mwet suc fahsr tohkohl Jesus Christ. (Riti Orekma 11:26.) Elos ahkpwacyeye fuhkah lah elos mwet tuhma lutlut lal Jesus? El fahk: “Kowos fin ahkos na luti luhk, kowos mwet tuhmuhk lutlut na pwacye.” (John 8:31) Kalmacn ma inge pa mwet Christian pwacye enenuh in ahkos mwe luti lal Jesus. Pacl nuhkewa Jesus el orekmakihn ma suhmuhslah ke pacl el luti mwet uh. Mwet Christian pwacye uh oruh oacpacna, ma elos luti uh ma tuhkuh in Bible—Riti Luke 24:27.
2. Mwet Christian pwacye ahkkahlwemye fuhkah luhngse?
Jesus el fahk nuh sin mwet tuhmal lutlut: “Kowos in luhngse sie sin sie, oacna ke nga luhngse kowos.” (John 15:12) Jesus el ahkkahlwemye fuhkah lah el luhngse mwet tuhmal lutlut? El sislah pacl lal yohrohlos, ahkkweyelos, ac kahsrelos. Ac el sifacna acsang moul lal kaclos. (1 John 3:16) Mwet Christian pwacye elos ahkkahlwemye luhngse nuh sin sie sin sie, tiac ke kahs muhkwena ac oacyacpac ke orekma.
3. Orekma fuhkah se ma arlac yohk srihpac nuh sin mwet Christian pwacye?
Jesus el sapkihn mwet tuhma lutlut lal “in luti ke Tohkohsrahi lun God.” (Luke 9:2) Mwet Christian in pacl meet ah fahkwack ac luti ke acn in alu lalos, ac elos luti pac ke acn ma oasr mwet pucspucs we, ac ke lohm nuhke lohm. (Riti Orekma 5:42; 17:17.) Mwet Christian pwacye ke pacl inge elos luti pac ma pwacye in Bible nuh sin mwet uh yen nuhkewa. Elos luhngse mwet sahyac uh, pwacnacng elos engan in orekmakihn pacl ac kuh lalos in fahkwack pweng luhn Bible ke finsrak wo ac mwe ahkwoye.—Mark 12:31.
AHKYOHKYE LUTLUT LOM
Nuhnkuh lah meac oruh mwet Christian pwacye uh in siena liki mwet suc tiac fahsr tukun mwe luti ac mwe srihkasrak lal Jesus.
4. Elos lutlutkihn ahkwoyac ma pwacye in Bible
Mwet Christian in pacl meet ah ahksacohkye Kahs luhn God
Tiac mwet nuhkewa suc fahk muh elos mwet Christian fahsr tukun ma Bible uh luti. Liye VIDEO se, ac tohkohyang sramsramkihn kihsen siyuck se inge.
-
Efuh kuh kuhtuh sin alu ma fahk muh elos mwet Christian tiac luti mwe luti lal Jesus?
Jesus el luti ke ma pwacye ma tuhkuh ke Kahs luhn God. Riti John 18:37, ac sramsramkihn kihsen siyuck se inge:
-
In fal nuh sel Jesus, kuht kuh in akihlen fuhkah mwet Christian “suc ma luhn ma pwacye”?
5. Elos fahkwack ma pwacye in Bible
Mwet Christian in pacl meet ah fahkwack nuh sin mwet sahyac uh
Meet liki Jesus el sohwack nuh inkuhsrao, oasr orekma el sapkihn nuh sin mwet tuhma lutlut, ma srackna orek ke pacl inge. Riti Matthew 28:19, 20 ac Orekma 1:8, ac sramsramkihn kihsen siyuck se inge:
-
Orekma in luti uh ac fah sulkackihnyuckwelihk nwe ngac ac oyac?
6. Elos moulkihn ma elos luti uh
Tom el luhlahlfongi fuhkah lah el konwacack tari mwet Christian pwacye? Liye VIDEO se, ac tohkohyang sramsramkihn kihsen siyuck inge.
-
Efuh kuh Tom el fuhlweack tari in wi ke alu?
-
Efuh kuh Tom el luhlahlfongi lah el konwacack tari ma pwacye?
Orekma uh yohk srihpac liki kahs uh. Riti Matthew 7:21, ac tohkohyang sramsramkihn kihsen siyuck se inge:
-
Meac ma yohk srihpac na pwacye nuh sel Jesus—ma kuht fahk muh kuht luhlahlfongi kuh ma orekma lasr uh ahkkahlwemye?
7. Elos luhngse sie sin sie
Mwet Christian in pacl meet ah luhngse sie sin sie
Yac mwet Christian fihliyac moul lalos ke mwe sensen in kahsruh mwet sahyac uh? Liye VIDEO se, ac sramsramkihn kihsen siyuck ekahsr ten inge.
-
Meac moklel Lloyd in fihliyac moul lal ke mwe sensen ke el loangelah Brother Johansson?
-
Kom nuhnkuh muh el sie mwet Christian pwacye?
Riti John 13:34, 35, ac sramsramkihn kihsen siyuck inge:
-
Ohiyac fuhkah mwet tuhma lutlut lal Jesus (mwet Christian pwacye) enenuh in ahkkahlwemye nuh sin sruf sahyac?
-
Elos ac oruh ma inge fuhkah ke pacl ma oasr mweun?
KUHTUH MWET UH FAHK: “Tiac yohk srihpac lah alu fuhkah kuht wi, kuht nuhkewa alu nuh sin God sefanna.”
-
Ma suhmuhslah fuhkah kom ac orekmakihn in ahkkahlwemye lah oasr ma enenweyuck mwet Christian pwacye enenuh in ahkos?
MA KUHT LOTWELAH
Mwet Christian pwacye elos ahkos mwe luti luhn Bible. Elos ahkkahlwemye luhngse pwacye ac fahkwack ma pwacye in Bible.
Kalweni
-
Luhlahlfongi luhn mwet Christian pwacye fal nuhke meac?
-
Ohiyac fuhkah arlacna kahlwem inmahsrlon mwet Christian pwacye?
-
Orekma fuhkah mwet Christian pwacye uh oruh?
LIYE PAC MA INGE
Etwaclah sie u suc ahkos na pwacye mwe srihkasrak ac mwe luti lal Jesus Christ.
Liye lah nun se el konwacack fuhkah “sie u luhn mwet lili” suc oacna sucu pwacye.
“They Used the Bible to Answer Every Question!” (The Watchtower, April 1, 2014)
Liye lah fuhkah mwet Christian pwacye ahkkahlwemye luhngse nuh sin mwet lili wiyaclos ke pacl in ongaiyac.
Jesus el fahk lah fuhkah mwet uh kuh in akihlen mwet suc fahsr tohkohl. Mwet Christian in pacl meet ah ac mwet Christian pwacye ke pacl inge elos ukwe fuhkah mwe srihkasrak inge?
“What Are the Marks of True Christianity?” (The Watchtower, March 1, 2012)
