SIRONGWA 18
Omu no dimburura Vakriste wousili
Sinzi sovantu kutanta asi awo Vakriste. Nye awo kwa pura yokulisiga ntani kukwama nompango dokulisiga. Ngapi natu dimburura Vakriste wousili?
1. Yisinke ayi tanta kukara Mukriste?
Vakriste kuna kara varongwa ndi vasikuli vaJesus Kristusa. (Resa Yirugana 11:26.) Ngapi omu ava yi likida asi awo varongwa vaJesus? Jesus kwa tente asi: “Nsene mu kwaterera mononkango dange, sili-sili one ngano varongwa vange.” (Johanesa 8:31) Eyi kulikida asi Vakriste wousili va hepa kulimburukwa marongo gaJesus. Jesus nga ruganesa Matjangwa apa nga rongo vantu, Vakriste wousili nawo va hepa kurugana yokulifana.—Resa Rukasa 24:27.
2. Ngapi omu Vakriste wousili ava likida eharo?
Jesus kwa tanterere vasikuli vendi asi: “Omu lihara-hare moomu na mu hara ame.” (Johanesa 15:12) Ngapi omu Jesus ga likidire asi ga hara varongwa vendi? Age nga kara nawo nkenye apa nokuvakorangeda ntani nokuvavatera. Age hena kwa va fililire. (1 Johanesa 3:16) Mokulifana, Vakriste wousili kapi tupu ava uyunga kuhamena eharo, nye awo kuyilikida moyirugana nomononkango asi va hara vakwawo.
3. Sirugana musinke vana kurugana Vakriste wousili?
Jesus kwa pere varongwa vendi sirugana. Age kwa va tumine “va ka udise Untungi waKarunga.” (Rukasa 9:2) Vakriste wokuhova kapi tupu ngava zuvhisire momavango gawo goukareli, nye awo ngava zuvhisire hena oku va kere vantu wovanzi ntani momambo govantu. (Resa Yirugana 5:42; 17:17.) Mokulifana, Vakriste wousili naina nawo kuzuvhisira nkenye oku ava gwana vantu. Awo kuruganesa siruwo sawo nononkondo dawo yipo va tantere ko vakwawo mbudi zokuhengagwida zomoBibeli, morwa awo kwa hara vakwawo.—Marukusa 12:31.
LIRONGA KO YOYINZI
Gazadara ko eyi ayi ninkisa Vakriste wousili va lisige novantu ava ava dili kukwama marongo gaJesus nosihonena sendi.
4. Awo kupapara usili womoBibeli
Vakriste wokuhova kwa here unene Nonkango daKarunga
Vantu vamwe ava ava litumbura asi Vakriste, kapi ava tara usili womoBibeli asi mulyo. Likida VIDIYO, makura zogereni epuro eli nali kwama ko.
-
Yisinke ga rugana maukarelikarunga gamwe mokukondera vantu va dire kudiva eyi nga rongo Jesus?
Jesus nga rongo usili womoNonkango daKarunga. Resa Johanesa 18:37, makura zogereni epuro eli:
-
Kuliza naJesus, ngapi natu vhura kudimburura Vakriste ava va “hamena kousili”?
5. Awo kuzuvhisa usili womoBibeli
Awo ngava zuvhisire wopeke
Komeho Jesus a ze meguru, age kwa pere vasikuli vendi sirugana esi sina kutwikira dogoro naina. Resa Mateusa 28:19, 20 ntani Yirugana 1:8, makura zogereni epuro eli:
-
Ngapi sirugana sokuzuvhisa nga si lihana?
6. Awo kusikisa mo eyi ava zuvhisa
Yisinke ya ninkisire Tom ayi pure asi ana gwana Vakriste wousili? Likida VIDIYO, makura zogereni mapuro aga gana kukwama ko.
-
Kuliza novidiyo, yisinke ya ninkisire Tom a dire kuhuguvara momaukarelikarunga?
-
Yisinke ya mu ninkisire a yi pure asi ana gwana usili?
Mokukara murongwa gwaJesus, twa hepa kuyilikida moyirugana. Resa Mateusa 7:21, makura zogereni epuro eli:
-
Yisinke yomulyo po kwaJesus, eyi atu rugana ndi eyi atu uyunga?
7. Awo kwa lihara-hara
Awo kwa lihere
Vakriste va tura eparu lyawo mosiponga yipo va popere Vakriste vakwawo ndi? Likida VIDIYO, makura zogereni mapuro aga gana kukwama ko.
-
Kuliza novidiyo, yisinke ya tumangedere Lloyd a popere Johansson?
-
Age ga likidire asi age Mukriste gousili ndi?
Resa Johanesa 13:34, 35, makura zogereni mapuro aga gana kukwama ko:
-
Ngapi omu varongwa vaJesus va hepa kutekura vantu wokomarudi gapeke?
-
Ngapi omu nava vhura kuyilikida posiruwo soyita?
VAMWE KUTANTA ASI: “Vakriste kwa rugana yininke yoyidona—ngapi ukareli wawo nau kara wousili?”
-
Etjangwa musinke no ruganesa mokulikida omu natu dimburura Vakriste wousili?
YINKE ONO LIRONGO?
Vakriste wousili kukwama marongo gomoBibeli nokulikida eharo ntani awo kuzuvhisa usili womoBibeli.
Erugururomo
-
Yisinke ava ruganesa Vakriste wousili apa ava rongo vantu?
-
Sikara musinke asi dimbwilisa Vakriste wousili?
-
Sirugana musinke vana kurugana Vakriste wousili?
MAUZERA GAMWE
Lironga yoyinzi kuhamena mbunga ezi azi kwama sihonena saJesus Kristusa nomarongo gendi.
Tara eyi ya ninkisire sosita gumwe a ya kare Mbangi zaJehova.
“Awo kwa ruganesere Bibeli mokulimburura mapuro gange!” (Ruhungu, 1 Kudumogona 2014)
Lironga omu Vakriste wousili ava likida eharo kovakwawo ava vana hepa evatero.
Kuvatera vanavazinyetu posiruwo soyimpagwa—Karuhagona (3:57)
Konakona omu Vakriste wokuhova ntani Vakriste wousili ava sikisa mo eyi ayi dimbwilisa varongwa vaJesus.
“Yisinke ayi dimbwilisa Vakriste wousili?” (Ruhungu, 1 Nsinano 2012)
Kuvhura o hafere hena
MAPURO
Yisinke elirongo lyoBibeli?
Kuvhura o lironge Bibeli noNombangi daJehova mawoko-woko ntani kuvhura o ruganese Bibeli za nyamoge. Kuvhura o zigide ko epata lyoge ndi vakaume woge va ya kare pelirongo lyoge lyoBibeli.
