LONGI DIA 18
Aweyi Tulenda Zayila Akristu Akieleka?
Wantu ayingi bekukiyikilanga vo Akristu. Kansi ayingi muna yau, mambu maswaswana bekwikilanga, e nsiku mpe belemvokelanga miaswaswana kikilu. Ozevo, aweyi tulenda zayila Akristu akieleka?
1. Aki nani i Akristu akieleka?
Akristu akieleka i alongoki yovo alandi a Yesu Kristu. (Tanga Mavangu 11:26.) Aweyi besongelanga vo yau i alongoki a Yesu? Yesu wavova vo: “Avo nusikila muna diambu diame, nu alongoki ame kieleka.” (Yoane 8:31) Ediadi disongele vo Akristu akieleka bafwete lemvokelanga malongi ma Yesu. Malongi mawonso ma Yesu mu Bibila matukanga. Awana belandanga Yesu i diau mpe bafwete vanga.—Tanga Luka 24:27.
2. Aweyi Akristu akieleka besongelanga o zola?
Yesu wavovesa alandi andi vo: “Nuzolaziananga wauna inuzolele.” (Yoane 15:12) Aweyi Yesu kasongela vo wazolanga alongoki andi? Wavaulanga e ntangwa muna kala yau vamosi, wabakasakesanga yo kubasadisa. Wavana nkutu moyo andi muna wete diau. (1 Yoane 3:16) Diau dimosi mpe, Akristu akieleka ke bafwete longanga kaka ko vo bezolanga mpangi zau, kansi bafwete songelanga zola kwaku muna mvovo ye mavangu.
3. Mu nkia salu Akristu akieleka bekuyivananga?
Yesu wavana salu kwa alongoki andi. ‘Wabatuma benda samuna e Kintinu kia Nzambi.’ (Luka 9:2) Akristu a tandu kiantete, ke balongelanga kaka muna masambilu mau ko. Kansi, basilanga mpe umbangi muna fulu ya ndonga ye muna nzo za wantu. (Tanga Mavangu 5:42; 17:17.) O unu, Akristu akieleka besamunanga mpe ludi kia Bibila muna konso fulu kina yo wantu. Besonganga zola kwa akwau ye bena ye kiese kiasadila ntangwa ye ngolo zau muna samuna e nsangu zina muna Bibila. E nsangu zazi zivananga e vuvu yo lufiaulwisu kwa wantu.—Maku 12:31.
ZAYA DIAKA MANKAKA
Zaya una olenda swaswanesena Akristu akieleka ye awana ke belandanga malongi ye mbandu a Yesu ko.
4. Bevavululanga mu zaya e ludi kina muna Bibila
Akristu a tandu kiantete bazitisanga Diambu dia Nzambi
Ke awonso ko bekukiyikilanga vo Akristu, bezitisanga ludi kina muna Bibila. Tala e VIDEO, i bosi, vana e mvutu za kiuvu kilende.
-
Mabundu mekukiyikilanga vo Akristu, nkia mambu belonganga mena vo maswaswana ye malongi ma Yesu?
Yesu walonga ludi kia Diambu dia Nzambi. Tanga Yoane 18:37, i bosi, vana e mvutu za kiuvu eki:
-
Landila mvovo mia Yesu, aweyi tulenda zayila Akristu ana bena “kuna sambu dia ludi”?
5. Besamunanga ludi kina muna Bibila
Akristu a tandu kiantete basilanga umbangi kwa akaka
Vitila katomboka kuna zulu, Yesu wavana kwa alandi andi e salu kisalwanga yamu unu. Tanga Matai 28:19, 20 ye Mavangu 1:8, i bosi, vana e mvutu za kiuvu eki:
-
Yamu nkia tezo e salu kia umbangi kisadilwanga?
6. Belemvokelanga mana belonganga
Adieyi diasadisa Tom mu solola Akristu akieleka? Tala e VIDEO, i bosi, vana e mvutu za yuvu ilende.
-
Nze una omwene muna video, adieyi diafila Tom mu bembola mabundu?
-
Adieyi diansadisa mu kala ye ziku vo wasolola e ludi?
E mavangu masundidi vanga diambu ke mu mvovo ko. Tanga Matai 7:21, i bosi, vana e mvutu za kiuvu eki:
-
Adieyi disundidi o mfunu kwa Yesu, vova mana tukwikilanga yovo songela mo muna mavangu?
7. Besongaziananga o zola
Akristu a tandu kiantete basongaziananga o zola
Nga Akristu akieleka besianga mioyo miau mu vonza muna wete dia mpangi zau? Tala e VIDEO, i bosi, vana e mvutu za yuvu ilende.
-
Nze una omwene muna video, nki kiafila mpangi Lloyd mu sia moyo andi mu vonza muna wete dia mpangi Johansson?
-
Nga obenze vo dina kavanga diasonga vo Nkristu akieleka kakala?
Tanga Yoane 13:34, 35, i bosi, vana e mvutu za yuvu eyi:
-
Aweyi alongoki a Yesu (Akristu akieleka) bekadilanga yo wantu ankaka?
-
Adieyi bevanganga muna ntangw’a vita?
AVO MUNTU UVOVESE VO: “Akristu akaka bevanganga mambu mambi vioka nkutu awana ke besambilanga ko, ozevo aweyi dibundu diau dilenda kadila diakieleka?”
-
Nkia sono okuntangila muna kunsonga una tulenda zayila Akristu akieleka?
MAMBU MASINA MA LONGI DIADI
Akristu akieleka belemvokelanga malongi ma Bibila, bezolaziananga yo longa e ludi kina muna Bibila.
Nkia Mambu Olongokele?
-
Mu nkia nkanda metukanga malongi ma Akristu akieleka?
-
Nkia fu iswaswanesanga Akristu akieleka ye akaka?
-
Mu nkia salu Akristu akieleka bekuyivananga?
TALA MPE OMA MALENDE
Zaya diaka mambu mankaka mu kuma kia dibundu divanganga e ngolo muna landa mbandu ye malongi ma Yesu.
Zaya diambu diafila mama-mpelo mosi mu vava “kintwadi kia wana angudi mu nz’amvimba.”
“Basadila Bibila Muna Vana Mvutu za Yuvu Yame!” (Eyingidilu dia 1 dia Abidi 2014)
Zaya una Akristu akieleka besongelanga zola kwa mpangi zau ana bebwilwanga e sumbula.
Tusadisanga Mpangi Zeto Vava Vebwanga Sumbula—Findambu Kaka (3:57)
Zaya una Akristu akieleka o unu belandilanga mbandu ya Akristu a tandu kiantete muna lemvokelanga malongi ma Yesu.
“O Que Identifica os Cristãos Verdadeiros?” (Eyingidilu dia 1 dia Malusu, 2012)
Nanga Oyangalela Mpe Malongi Mama
YUVU ITOMA YUVULWANGA
Ameyi Mevangamanga Muna Longi dia Bibila ye Mbangi za Yave?
Muna programa yayi ya ngovo ya longokela isadilwanga kwa Mbangi za Yave, olenda sadila kwaku konso nsekola ya Bibila. Olenda kwaku bokelesa esi nzo aku yawonso yovo akundi aku ana ozolele.
