ISOMO 18
Buni B’unamenya Bakristo ba Bulili?
Bantu beingi bekutendaga buno beli Bakristo. Tondo bansania tabeli na bukatizio bumozi, aba tabekulama bulingilingi na kanuni zimozi. Kasi buni butunamenya Bakristo ba bulili?
1. Kuba Mukristo kuli na bwisulilwa bukizi?
Bakristo beli beigisibwa aba bantu bekujanga Yesu Kristo. (Soma Misako 11:26.) Buni bubekulosya buno beli beigisibwa ba Yesu? Yesu winyene atendile bunee: “Ndi mwanza nunse meigisia mane, nti mwabe beigisibwa bane.” (Yoana 8:31) Bubo bwisulwa buno Bakristo ba bulili batunganana kwanza meigisya ma Yesu. Meigisya ma Yesu malemaninaga Masanzo, kasi bukatizio bwa Bakristo ba bulili bwatunganana kulemanina Biblia.—Soma Luka 24:27.
2. Bakristo ba bulili bekulosyanaga lutundo mu nzila nkizi?
Yesu abwinde beigisibwa bage bunee: “Tundanazi bweinyubweinyu anga bunamutundile.” (Yoana 15:12) Buni bwalosizye Yesu buno atundaga beigisibwa bage? Atingyaga nkungu gamozi nabo, abalindyaga mutima, nu kubakasya. Akasanine tondi kalamo kage ku kabamba kabo. (1 Yoana 3:16) Anga Yesu, Bakristo ba bulili tabekutendaga tugu buno beli na lutundo tondo bekulosyaga buno batundana bwabobwabo kutingila bitondo nu misako.
3. Yesu akasile Bakristo ba bulili mulimo mukizi?
Yesu akasile beigisibwa bage mulimo wa kukita. “Abasingile kusambala bukota bwa Kalaga.” (Luka 9:2) Bakristo ba nkungu za basingwa tabasambalaga tugu mu biziki byabo by’ikumbamino, tondo bakitaga lingo bubo ku biziki bya bantu beingi nu numba kwa numba. (Soma Misako 5:42; 17:17.) U bukukita Bakristo ba bulili ono lelo, bekusambala bulili bwa Biblia kunsania kunasangwa bantu. Kubuno bekutundaga bantu, ukinsa beli na mbogimbogi kwa kukambya nkungu zabo nu magala mabo kwa kusambala musagu wa Biblia ukukasa kilemanizio nu ukubobelezia.—Marko 12:31.
TUMENYININE
Lola kyengukana kili gesamba Bakristo ba bulili nu bantu betekujanga meigisya nu musumo wa Yesu.
4. Bekulonda bulili bwa Biblia
Bakristo ba nkungu za basingwa bakutyaga Kitondo kya Kalaga
Ta bansania bekwimana buno beli Bakristo u bekukutya bulili bwa Biblia. Lola VIDEO, nu kusila ibuzye luno lubuzya lwalemba.
-
Madini mekwimana ma Kikristo makitile buni kwa kuzugila bantu tabejigisye bulili bwigisizye Yesu?
Yesu igisyaga bulili buli mu Kitondo kya Kalaga. Soma Yoana 18:37, nu kusila ibuzye luno lubuzya:
-
Kulembana na bitondo byatendile Yesu, buni butunamenya Bakristo beli mu “bulili”?
5. Bekusambalaga bulili bwa Biblia
Bakristo ba nkungu za basingwa basambalilaga bango
Lwabusio lwa kubakama mwigulu, Yesu akasile beigisibwa bage mulimo wa kukita, nu mulimo wongo ukwendelela kukitwa ono lelo. Soma Matayo 28:19, 20 nu Misako 1:8, nu kusila ibuzye luno lubuzya:
-
Mulimo wa kusambala watungananine kubasa kuni nu kukitwa aaba mu nkungu nkizi?
6. Bekukambyaga bibyo bibekwigisyaga
Kikizi kyatitikizizie wamulume ukumanwa Tom buno amona Bakristo ba bulili? Lola VIDEO, nu kusila ibuzye zeno mbuzya zalemba.
-
Mu zeno video, kikizi kyakitile Tom atuke mu idini?
-
Kikizi kyamutitikizizie buno amonile bulili?
Misako zikukita muntu zili za mutali kutinga bitondo byekutenda. Soma Matayo 7:21, nu kusila ibuzye luno lubuzya:
-
Kikizi kili kya mutali ku Yesu gesamba—kutenda buno twakatizia nu kulosya bubo kutingila misako zeitu?
7. Bekutundana bwabobwabo
Bakristo ba nkungu za basingwa balosyanaga lutundo bwabobwabo
Ndi Bakristo bese beitabizya kukua ku kabamba ka banyabo Bakristo? Lola VIDEO, nu kusila ibuzye zeno mbuzya zalemba.
-
Mu zeno video, kikizi kyakitile Lloyd abeke kalamo kage mu menya ku kabamba ka mubuto Johansson?
-
Ukukengela buno akitile anga Mukristo wa bulili?
Soma Yoana 13:34, 35, nu kusila ibuzye zeno mbuzya:
-
Beigisibwa ba Yesu (aba Bakristo ba bulili) bekukitilaga buni bantu ba ingo idangi lya kikoba nu ba ingo nsi?
-
Buni bubekubakitilaga mu nkungu za bita?
NDI MUNTU AKUSOLELA BUNEE: “Kubuno Bakristo bekukitaga mibi—buni bubenaba n’idini lya bulili?”
-
Unasomela muntu isanzo ikizi kwa kumukasya kumenya Bakristo ba bulili?
MAKENGELO MANENE
Bakristo ba bulili bekwanzaga meigisya ma Biblia, bekulosyana lutundo lwa bulili, nu bekusambala bulili bwa Biblia.
Mbuzya za kwikengelesya
-
Bukatizio bwa Bakristo ba bulili bukulemanina kikizi?
-
Lukumu lukizi lunakukasya kumenya Bakristo ba bulili?
-
Bakristo ba bulili bekukitaga mulimo mukizi?
LONDA LINGO
Kibombo kya bantu bekwidindika kulemba meigisya nu musumo wa Yesu.
Mukikulu umozi wabezaga n’idini lyage, buni bwamonile leno “kikanga kya bulili kya mutima.”
“Bakambyaga Biblia kwa Kwakula ku Mbuzya Insania!” (Munara wa Mulinzi, 1 Mwezi wa 4, 2014)
Lola buni bukukitaga Bakristo ba bulili kwa kulosya lutundo ku banyabo beli mu meijanizyo.
Bikizi bikukita Bakristo ba bulili ono lelo, byakitaga tondi Bakristo ba nkungu za basingwa bili bulingilingi na tulolesio twakasanine Yesu kwa kumenyesya beigisibwa bage.
“Bikizi Bikukasyaga Kumenya Bakristo ba Bulili?” (Munara wa Mulinzi, 1 Mwezi wa 3, 2012)
