CIIYO 18
Mbweenga Mwashiba Beneklistu Bancine
Bantu baanji balalyaamba ayi Mbeneklistu. Nacibi boobo, nshobashoma alimwi anshobakonkela shilipusene. Aboobo ino Beneklistu bancine inga twabashiba buyani?
1. Ino Beneklistu mbaani?
Beneklistu mbashikwiiya bakwe Yesu Klistu na beshikumukonkela. (Amubelenge Milimo 11:26.) Ino balatondesha buyani ayi mbashikwiiya bakwe Yesu? Yesu wakaamba ayi: “Na mukonkele kwiisha kwangu, ncakwiila mutooba bashikwiiya bangu.” (Joni 8:31) Nkokwaamba ayi Beneklistu bancine balyeelete kukonkela Yesu nshaakalinga kwiisha. Alimwi bweenka Yesu mbwaakalinga kwiisha kuswa mu Malembo lyoonse, Beneklistu bancine abalo mbobacita.—Amubelenge Luka 24:27.
2. Ino Beneklistu bancine balatondesha buyani ayi balisunene?
Yesu wakalwiita bashikwiiya bakwe ayi: ‘Amusunane bweenka mboomusuni anebo.’ (Joni 15:12) Ino Yesu wakatondesha buyani ayi alibasuni bashikwiiya bakwe? Wakalinga kuba pomwi ambabo, kubayuminisha, alimwi akubacafwa. Wakaaba abuumi bwakwe ceebo ca mbabo. (1 Joni 3:16) Ubu bweenka mbocibete aku Beneklistu bancine. Tabaambibo ayi balisunene sombi balaamba akucita shintu shitondesha ayi ncakwiila balisunene.
3. Ino Beneklistu bancine balasebensa ncito nshi?
Yesu wakabapa ncito bashikwiiya bakwe. “Wakabatuma mukushimikila sha Bwaami bwakwe Lesa.” (Luka 9:2) Beneklistu bakutaanguna bakalinga kushimikila, kuteshibo mumisena mobakalinga kupailila sombi amumisena mwakalinga kucanika bantu baanji alimwi amumaanda abantu. (Amubelenge Milimo 5:42; 17:17.) Amunshiku shino, Beneklistu bancine abalo balashimikila cancine camu Baibo kuli koonse nkweenga bacana bantu. Mukwiinga balisuni bantu, balakondwa kusebensesha ciindi ankusu shabo kwiisha bantu makani amu Baibo ayuminisha alimwi acafwa bantu kuba akulangila.—Maako 12:31.
AMWIIYILEWO ASHIMWI
Amwiiye sheenga shamucafwa kushiba bupusano buli pakati ka Beneklistu bancine abaabo batakonkeli Yesu nshaakalinga kwaamba akucita.
4. Balalangoola cancine camu Baibo
Beneklistu bakutaanguna bakalinga kwaasuni abuumbi Maswi akwe Lesa
Bantu bamwi baliita ayi Mbeneklistu balabona ayi kushiba cancine camu Baibo alimwi akukonkela nshoyaamba takuyandikiiwo. Amweebele VIDYO, lyalo akubandika mwiipusho utokonkelaawo.
-
Ino maceeci aliita ayi Mbeneklistu baalilwa buyani kwiisha Yesu nshaakalinga kwiisha?
Yesu wakalinga kwiisha cancine ncetucana mu Maswi akwe Lesa. Amubelenge Joni 18:37, akubandika mwiipusho uyu:
-
Kweelana a Yesu nshaakaamba, ino Beneklistu bali ‘kulubasu lwacancine’ inga twabashiba buyani?
5. Balashimikila cancine camu Baibo
Beneklistu bakutaanguna bakalinga kushimikila bamwi
Yesu kaatana kuya kwiculu, wakapa bashikwiiya bakwe ncito iyo yatolelela kushika apacecino ciindi. Amubelenge Mateyo 28:19, 20 alimwi a Milimo 1:8, akubandika mwiipusho uyu:
-
Ino incito yakushimikila yakalinga kweelete kushika kuli?
6. Balakonkela nshobaiisha
Ino nciinshi cakapa musankwa waliina lya Tom kushoma kwaamba ayi wacana Beneklistu bancine? Amweebele VIDYO, lyalo akubandika miipusho itokonkelaawo.
-
Kweelana anshomweebela muvidyo, ino nciinshi cakapa ba Tom kusuula bupailishi?
-
Ino nciinshi cakabapa kushoma ayi bacana cancine?
Nshetucita shilayandika abuumbi kwiinda nshetwaamba. Amubelenge Mateyo 7:21, akubandika mwiipusho uyu:
-
Ino nciinshi Yesu ncaabikilaako maano abuumbi—nshetwaamba ayi nshotushoma na shintu nshetucita?
7. Balisunene
Beneklistu bakutaanguna bakalinga kutondeshanya lusuno
Sa ncakwiila Beneklistu balalyaaba kulibika mumapensho ceebo ca bashominyaabo? Amweebele VIDYO, akubandika miipusho itokonkelaawo.
-
Kweelana avidyo, ino nciinshi cakapa kwaamba ayi Mukwesu Lloyd alyaabe kushitilishaMukwesu Johansson?
-
Sa nshaakacita shakatondesha ayi ngu Mwineklistu wancine?
Amubelenge Joni 13:34, 35, akubandika miipusho itokonkelaawo:
-
Ino bashikwiiya bakwe Yesu (Beneklistu bancine) balyeelete kubabona buyani bantu bamishobo imwi na abo baswa kucishi cimwi?
-
Ino inga batondesha buyani ayi balisuni bantu bamishobo imwi na abo baswa kucishi cimwi ciindi ndyekuli nkondo?
BANTU BAMWI BALAAMBA AYI: “Sobeneklistu tulapaila Lesa womwi, aboobo inga wapailabo kuceeci kuli koonse.”
-
Ino ndilembo nshi ndyeenga mwabelengela muntu lyeenga lyamucafwa kushiba Beneklistu bancine?
CITEENTE CINENE
Beneklistu bancine balakonkela Baibo nshoiisha, balatondesha lusuno lwancinencine, alimwi balashimikila cancine camu Baibo.
Kwiindulukaamo
-
Ino makani ashoma Beneklistu bancine alaswa kuli?
-
Ino ngumubo nshi weenga watucafwa kushiba Beneklistu bancine?
-
Ino Beneklistu bancine balacita ncito nshi?
AMULANGWETEEWO ASHIMWI
Amwiiye shiinji pa likoto lya bantu beelesha cankusu kukonkela Yesu nshaakalinga kwiisha akucita.
Amubone cakapa kwaamba ayi mwanakashi wakalinga sista waku Katolika acane mukwashi “wancinencine wakumushimu.”
“Bakasebensesha Baibo Kukumbula Miipusho Yoonse!” (Njashi Yamulindilishi, April 1, 2014)
Amwiiye Beneklistu bancine mbobatondesha lusuno kubashominyinaabo batoyandika lucafwo.
Lubasu lwa Vidyo ya—Mbotucafwa Bamakwesu na Kwacitika Mapensho Anene (3:57)
Amubone Beneklistu bamuciindi ca batumwi nshobakalinga kucita, shicita a Beneklistu bancine munshiku shino sheenga shatucafwa kushiba bashikwiiya bakwe Yesu.
“Ino Beneklistu Bancine Inga Mwabashiba Buyani?” (Njashi Yamulindilishi, March 1, 2012)
You May Also Like
MIIPUSHO LIINJI BANTU NJOBEPUSHA
Ino Nshiinshi Nsheenga Mweeya Ndyemutokwiiya Baibo a Bakamboni Bakwe Yehova?
Ndyemutokwiiya Baibo a Bakamboni Bakwe Yehova kwakubula kulipila, inga mwasebensesha Baibo ili yoonse. Mulyangulukite kwiitako bamumukwashi wanu na beshicibusa banu bali boonse mbweenga mwasuna kucanikaawo paciiyo.
