Awˬ lawn 18
Awˬ tehˬ ve Hkriꞈ yaˇ hpehꞈ ve tehꞈ hkʼaˬ hkʼe te shiˍ gʼa tuˬ le?
Chaw laiˉ lanˬ gʼaˇ yawˇ hui Hkriꞈ yaˇ hpehꞈ ve tehꞈ kʼoˆ ve yoˬ. Yaꞈ hkʼaˇ, yawˇ hui teˇ moˍ leh teˇ moˍ yonˍ hkʼaˇ leh maˍ hkʼaˇ peun daꞈ ve yoˬ. Hkʼe kʼo awˬ tehˬ ve Hkriꞈ yaˇ hpehꞈ ve tehꞈ hkʼaˬ hkʼe te shiˍ gʼa ve le?
1. Hkriꞈ yaˇ tehꞈ kʼoˆ ve tcuhˉ kuiˬ lehˬ aˬ htoꞈ ma kʼoˆ gaˇ ve le?
Hkriꞈ yaˇ lehˬ Yeˍsuˆ ve awˬ laꞈ gʼawˇ maˇ heˆ leh yawˇ awˬ hkʼaˇ suh gʼaꞈ te ve chaw htaꞈ kʼoˆ gaˇ ve yoˬ. (Tcuh yaˇ 11:26 gʼaw sheˍ.) Yeˍsuˆ ve awˬ laꞈ gʼawˇ hpehꞈ ve chaw lehˬ aˬ htoꞈ ma gʼa te ve le? Yeˍsuˆ kʼoˆ ve, “ngaˬ ve tawˇ hkawˇ awˬ hkʼaw lo nawˬ hui chehˇ yeˬ ve kʼo, nawˬ hui ngaˬ ve awˬ laꞈ gʼawˇ awˬ tehˬ awˬ na hpehꞈ ve yoˬ.” (Yoˇhanˬ 8:31) Chi kʼoˆ gaˇ ve lehˬ awˬ tehˬ ve Hkriꞈ yaˇ lehˬ Yeˍsuˆ ve hkawˇ htaꞈ gʼa na yuˬ ve yoˬ. Yeˍsuˆ maˍ ve awˬ lawn Liꞈ hpu hkʼaw laˬ ve yoˬ. Awˬ tehˬ ve Hkriꞈ yaˇ htawˇ Yeˍsuˆ hkʼa shuˍ te ve yoˬ.—Luˉkaꞈ 24:27 gʼaw sheˍ.
2. Awˬ tehˬ ve Hkriꞈ yaˇ haꞈ daꞈ ve tehꞈ hkʼaˬ hkʼe te hpeuꞈ maw ve le?
Yeˍsuˆ yawˇ ve awˬ laꞈ gʼawˇ htaꞈ kʼoˆ piˇ ve, “ngaˬ nawˬ hui htaꞈ haꞈ ve hkʼe nawˬ hui teˇ gʼaˇ leh teˇ gʼaˇ haꞈ daꞈ˗oꞈ.” (Yoˇhanˬ 15:12) Yeˍsuˆ yawˇ ve awˬ laꞈ gʼawˇ hui htaꞈ haꞈ ve tehꞈ hkʼaˬ hkʼe te hpeuꞈ maw piˇ ve le? Yeˍsuˆ yawˇ hui geh awˬ yanˇ yehˇ ve, awˬ gʼaˇ piˇ ve, leh yawˇ hui htaꞈ ga piˇ ve yoˬ. Chi hkʼoˆ kaꞈ, Yeˍsuˆ yawˇ hui awˬ pon hkanˍ suh ve yoˬ. (1 Yoˇhanˬ 3:16) Chi hkʼa shuˍ shuˍ, awˬ tehˬ ve Hkriꞈ yaˇ lehˬ haꞈ daꞈ ve mawꞈ kʼaw ceh tiˉ kʼoˆ ve maˇ heˆ. Yaꞈ hkʼaˇ, yawˇ hui teˇ gʼaˇ leh teˇ gʼaˇ haꞈ daꞈ ve tehꞈ te tawˆ la ve yoˬ.
3. Awˬ tehˬ ve Hkriꞈ yaˇ lehˬ a yeˇ uiˍ ve kanˉ aˬ htoꞈ ma te ve le?
Yeˍsuˆ yawˇ ve awˬ laꞈ gʼawˇ hui htaꞈ a yeˇ uiˍ ve kanˉ te tcuh ve yoˬ. ‘Gʼuiˬ sha ve mvuhˇ miˬ awˬ lawn maˍ piˇ tuˬ, yawˇ yawˇ hui htaꞈ kʼai tcuh ve yoˬ.’ (Luˉkaꞈ 9:2) Awˉ lawˉ peuˇ ve Hkriꞈ yaˇ yawˇ hui hpawnˬ daꞈ kuiˬ hkʼaw lo ceh tiˉ maˍ ve maˇ heˆ. Yaꞈ hkʼaˇ, yawˇ hui tcuh hkʼaw lo leh yehˬ hkʼaw lo kaꞈ ca hto toˇ˗e ve yoˬ. (Tcuh yaˇ 5:42; 17:17 gʼaw sheˍ.) Chi beuꞈ teˇ co˗e ve Hkriꞈ yaˇ htawˇ teˇ kaˬ le le lo ca hto toˇ leh Liꞈ hpu maˍ piˇ ve yoˬ. Yawˇ hui awˬ nu ve chaw htaꞈ haꞈ ve pa taw, awˬ gʼaˇ leh awˬ yanˇ yehˇ leh Liꞈ hpu hkʼaw ve dawˇ law kuiˬ ve awˬ lawn maˍ piˇ leh awˬ gʼaˇ piˇ ve yoˬ.—Maˍkuˆ 12:31.
Henˇ shiˍ maˇ la tuˬ
Awˬ tehˬ ve Hkriꞈ yaˇ leh Yeˍsuˆ maˍ laˇ ve htaꞈ maˇ gʼaꞈ te ve chaw hkʼaˬ hkʼe te peun daꞈ ve le, teˇ geh henˇ sheˍ.
4. Awˬ tehˬ ve Hkriꞈ yaˇ Liꞈ hpu hkʼaw hteˇ ve cawˇ ve htaꞈ gʼaꞈ ca ve
Awˉ lawˉ peuˇ ve Hkriꞈ yaˇ Liꞈ hpu htaꞈ awˬ hpfuhˇ shiˍ ve
Hkriꞈ yaˇ hpehꞈ ve tehꞈ kʼoˆ ve chaw teˇ hpaˍ hpaˍ, Liꞈ hpu hkʼaw hteˇ ve cawˇ ve awˬ ceuˬ htaꞈ shiˍ ve htawˇ, gʼaꞈ te tuˬ a yeˇ maˇ uiˍ tehꞈ kʼoˆ ve yoˬ. VDO hpaw leh na hkawˇ chi htaꞈ tawˇ yaw daꞈ sheˍ:
-
Bon yaˇ teˇ hpaˍ maˍ ve leh Yeˍsuˆ maˍ ve hkʼaˬ hkʼe peun daꞈ ve le?
Yeˍsuˆ lehˬ Liꞈ hpu hkʼaw laˬ ve awˬ tehˬ ve awˬ lawn maˍ ve yoˬ. Yoˇhanˬ liꞈ 18:37 gʼaw leh na hkawˇ chi htaꞈ tawˇ yaw daꞈ sheˍ:
-
Yeˍsuˆ kʼoˆ ve, “hteˇ ve cawˇ ve htaꞈ caˉ daꞈ ve chaw” aˬ htoꞈ ma gʼa te ve le?
5. Awˬ tehˬ ve Hkriꞈ yaˇ lehˬ Liꞈ hpu hkʼaw hteˇ ve cawˇ ve awˬ lawn hto toˇ ve
Awˉ lawˉ peuˇ ve Hkriꞈ yaˇ shu htaꞈ hto maˍ piˇ ve
Yeˍsuˆ mvuhˇ naw ma hkʼoˆ maˇ taˆ˗e sheˍ htaˇ yawˇ yawˇ ve awˬ laꞈ gʼawˇ hui htaꞈ a yeˇ uiˍ ve kanˉ te tcuh ve yoˬ. Kanˉ chi ve, chi beuꞈ hkʼa gaˬ te chehˇ sheˍ ve yoˬ. Maꞈhtehˍ liꞈ 28:19, 20 leh Tcuh yaˇ liꞈ 1:8 gʼaw leh na hkawˇ chi htaꞈ tawˇ yaw daꞈ sheˍ:
-
Hto toˇ ve kanˉ chi hkʼaˬ hkʼe taw taw gʼa te kʼai ve le? Leh hkʼaˬ htaˆ hkʼa gaˬ gʼa te ve le?
6. Awˬ tehˬ ve Hkriꞈ yaˇ lehˬ maˍ ve awˬ hkʼaˇ suh gʼaꞈ te ve
Aˬ htoꞈ ma pa taw hawˉ hkʼaˆ teˇ gʼaˇ a shu awˬ tehˬ ve Hkriꞈ yaˇ hpehꞈ ve tehꞈ yonˍ gʼa ve le? VDO hpaw leh na hkawˇ chi teˇ hpaˍ htaꞈ tawˇ yaw daꞈ sheˍ:
-
Bon liˇ teˇ hpaˍ hawˉ hkʼaˆ chi teˇ gʼaˇ dawˇ taˍ ve hkʼe maˇ hpehꞈ ve aˬ htoꞈ ma cawˬ ve le?
-
Aˬ htoꞈ ma pa taw yawˇ awˬ tehˬ ve Hkriꞈ yaˇ htaꞈ gʼa mawˬ peuˬ ve tehꞈ yonˍ ve le?
Gʼaꞈ te ve lehˬ maˍ ve aꞈ kehˉ a yeˇ uiˍ ve yoˬ. Maꞈhtehˍ liꞈ 7:21 gʼaw leh na hkawˇ chi htaꞈ tawˇ yaw daꞈ sheˍ:
-
Yeˍsuˆ awˬ pon gʼaꞈ te ve leh tawˇ yaw ve aˬ htoꞈ ma teˇ ceuˬ a yeˇ uiˍ ve le?
7. Awˬ tehˬ ve Hkriꞈ yaˇ haꞈ daꞈ ve
Awˉ lawˉ peuˇ ve Hkriꞈ yaˇ teˇ gʼaˇ leh teˇ gʼaˇ haꞈ daꞈ ve
Awˬ tehˬ ve Hkriꞈ yaˇ kawˆ tuˬ cawˬ htaˇ teˇ gʼaˇ leh teˇ gʼaˇ ga daꞈ˗aw laˇ? VDO hpaw leh na hkawˇ chi teˇ hpaˍ htaꞈ tawˇ yaw daꞈ sheˍ:
-
VDO chi hkʼaw, aˬ htoꞈ ma pa taw Law˗e lehˬ Co˗ha˗san awˬ tan suh gʼa ve le?
-
Nawˬ dawˇ kʼo, Law˗e chi hkʼe te ve awˬ tehˬ ve Hkriꞈ yaˇ hpehꞈ ve tehꞈ hpeuꞈ maw laˇ˗aw laˇ?
Yoˇhanˬ liꞈ 13:34, 35 gʼaw leh na hkawˇ chi teˇ hpaˍ htaꞈ tawˇ yaw daꞈ sheˍ:
-
Awˬ tehˬ ve Hkriꞈ yaˇ a shu yawˇ ve chaw ceuˬ htaꞈ ceh tiˉ haꞈ˗aw laˇ? Aˬ htoꞈ ma pa taw le?
-
Maꞈ bawˆ daꞈ ve awˬ yanˇ htaˇ yawˇ hui teˇ gʼaˇ le le htaꞈ haꞈ ve tehꞈ hkʼaˬ hkʼe hpeuꞈ maw piˇ tuˬ le?
Chaw teˇ hpaˍ kʼoˆ ve: “Bon yaˇ lehˬ maˇ daꞈ ve awˬ ceuˬ tiˉ te ve yoˬ. Hkʼaˬ hkʼe te leh awˬ tehˬ ve bon liˇ hpehꞈ gʼa ve le?”
-
Awˬ tehˬ ve Hkriꞈ yaˇ hkʼaˬ hkʼe hpehꞈ ve tehꞈ shiˍ tuˬ, nawˬ Liꞈ hpu hkʼaˬ ve teˇ tawn hpeuꞈ maˍ piˇ tuˬ le?
A yeˇ uiˍ ve awˬ lawn
Awˬ tehˬ ve Hkriꞈ yaˇ lehˬ Liꞈ hpu hkʼaw maˍ laˇ ve htaꞈ gʼaꞈ te ve, yawˇ hui teˇ gʼaˇ leh teˇ gʼaˇ haꞈ daꞈ ve, leh Liꞈ hpu hkʼaw cawˬ ve awˬ tehˬ ve htaꞈ hto toˇ ve yoˬ.
Kʼawꞈ gʼaꞈ na ve
-
Awˬ tehˬ ve Hkriꞈ yaˇ ve yonˍ hkʼaˇ hkʼaˬ kaˬ lo laˬ ve le?
-
Awˬ tehˬ ve Hkriꞈ yaˇ lehˬ teˇ gʼaˇ leh teˇ gʼaˇ hkʼaˬ hkʼe te daꞈ cawˇ ve le?
-
Awˬ tehˬ ve Hkriꞈ yaˇ lehˬ a yeˇ uiˍ ve kanˉ aˬ htoꞈ ma te ve le?
Kʼawꞈ caˉ nyi gʼa ve
Hkriꞈ yaˇ hkʼaˬ ve teˇ moˍ Yeˍsuˆ maˍ laˇ ve hkʼe gʼaꞈ te ve le, nyi sheˍ.
Yaˬhoˉvaˬ ve Shaˉhkiˆhkanˍ ve chaw—Ngaˬ hui a shu le? (1:13)
Caˬbuˉ bon liˇ hkʼaw chehˇ jaw ve yaˇ miˇ teˇ gʼaˇ Hkriꞈ yaˇ awˬ moˍ hkʼaw ve awˬ viˉ awˬ nyi hpehꞈ la ve htaꞈ gʼaw nyi sheˍ.
Awˬ tehˬ ve Hkriꞈ yaˇ teˇ gʼaˇ leh teˇ gʼaˇ haꞈ daꞈ jaˇ, yawˇ hui shoꞈ shaꞈ ve gʼa hpuˇ htaˇ ga daꞈ ve, nyi sheˍ.
Mvuhˇ haw lonˉ laˬ htaˇ awˬ viˉ awˬ nyi htaꞈ ga piˇ ve—Chi suhˉ˗ehˍ ve VDO (3:57)
Awˉ lawˉ peuˇ ve Hkriꞈ yaˇ leh chi beuꞈ teˇ co˗e awˬ tehˬ ve Hkriꞈ yaˇ Yeˍsuˆ maˍ ve hkʼe gʼaꞈ te ve yoˬ. Yawˇ hui Yeˍsuˆ ve awˬ laꞈ gʼawˇ hpehꞈ ve tehꞈ hkʼaˬ hkʼe te hpeuꞈ maw laˇ ve le, gʼaw nyi sheˍ.
You May Also Like
NGAˬ HUI HTAꞈ CAˉ DAꞈ VE AWˬ LAWN
Yaˬhoˉvaˬ ve Shaˉhkiˆhkanˍ ve chaw geh Liꞈ hpu henˇ ve hk’aˬ hk’e te henˇ ve le?
Yaˬhoˉvaˬ ve Shaˉhkiˆhkanˍ ve chaw geh Liꞈ hpu henˇ tuˬ nawˬ Liꞈ hpu hk’aˬ ve teˇ maˬ yehˇ ve kaꞈ hpehꞈ ve yoˬ. Awˬ chawˇ maˇ heˆ leh yehˬ k’a hk’aw ve chaw htaꞈ Liꞈ hpu teˇ geh henˇ tuˬ jehˬ piˇ kaꞈ g’a ve yoˬ.
