YOFUNJEDHA 18
N’nga Makristau aimbarimbari munaaidhiwe a-vi?
Atu mabiliau manjinji, tanoonga ira mbamakristau. Mbwenye atu enala tanororomela vyongo vyo-iyana thitho katino-arela makundo olandana va ingumiiwa. N’nga Makristau aimbarimbari ninaaidhiwe a-vi?
1. N’nga madhu oi Kristau anothapulelan’ni?
Madhu oi Kristau anothapulela namafunjedha, venango ira, nama-arela wa Yesu Kristu. (Muleri Mayirelo 11:26.) N’nga Makristau tanothonyi-edha a-vi ira mbaanamafunjedha a Yesu? Yesu atoonga ira: “Mwalokotanga madhwanga hora dhothene, mwaimbarimbari muli anamafunjedhanga.” (Juwau 8:31) Vyevi vinothapulela ira Makristau aimbarimbari tanofwanela a-rela vyafunji-a Yesu. Thitho molandana na Yesu oi a-indi-edha basa Malemba vofunji-a, vinororomela Makristau aimbarimbari vinokumela Bibilyani.—Muleri Luka 24:27.
2. N’nga Makristau aimbarimbari tanothonyi-edha a-vi ira tanodhiveliwana atu enango?
Yesu atoawandela anama-arele ira: “Mudhivelanenga ninga muudhiveliwenani miyo.” (Juwau 15:12) N’nga Yesu athonyi-edhe a-vi ira anodhiveliwana anamafunjedhee? Liye anookaana hora yoawaredhana, alimbi-a noakami-a. Thitho atofiyedhela akwela. (1 Juwau 3:16) Mundhila imbo-ive, na Makristau aimbarimbari aliwa katinaawongave baa-i vyaudhivela, mbwenye tanoira vyongo vyothonyi-edha ira tanoadhiveliwana afwiwa. Vinoonga aliwa na vinoira aliwa vinothonyi-edha ira mbaatudi audhivela.
3. N’nga tibasa livi linolaba Makristau aimbarimbari mwathindhi?
Yesu atoava-a anamafunjedhee basa ira talilabe. “Liye atoaruma ira tamalaleele Umwene wa Nlungu.” (Luka 9:2) Kaaira Makristau oroma talaleela mamburo olambelamo baa-i, mbwenye tanoolaleela thitho mamburo ofwanyeya atu anjinji na nyumba dhaatu. (Muleri Mayirelo 5:42; 17:17.) Malamboano Makristau aimbarimbari naaliwene tanolaleela makundo a Bibilyani uliwethene unafwanye aliwa atu. Voi tanodhiveliwana atu, aliwa tanosangalala i-ndi-edha basa hora na kopolo dhiwa vowandela atu enango milanyu ya Bibilyani, inodidili-a atu noava-a idedi-edho.—Marku 12:31.
FUNJEDHANI VINJINJI
Muone vinaukami-eni i-yani-a Makristau aimbarimbari naatu anokonda a-rela vyafunji-a Yesu na vyaira liye.
4. Tanosakasaka imbarimbari ya Bibilyani
Makristau oroma tanoo-indi-edha basa Madhu a Nlungu
Atu enango tanoonga ira mbamakristau katinaona ira imbarimbari ya Bibilyani chofuneya thitho katinoi-indi-edha basa vaingimiiwa. Muonele VIDIYO, mwamala mutapanye yofuka yo-arelai.
-
N’nga marelijiau enango Aikristau tanofunji-a vyongo viivi vyo-iyana na vyafunji-a Yesu?
Yesu anoofunji-a imbarimbari yokumela M’madhu a Nlungu. Muleri Juwau 18:37, mwamala mutapanye yofuka yo-arelai:
-
Movwelana na vyaongile Yesu, n’nga ninaazindiyele a-vi Makristau tali “ikundu yaimbarimbari?”
5. Tanofunji-a imbarimbari ya Bibilyani
Makristau ambili a vyawa zana loroma tasakasanga imbarimbari ya Bibilyani mu pukutu.
Yesu a-anawelele dhowa dhulu, atoawandela anama-arelee ira talabenga basa lelo linoireave malamboano. Muleri Mateu 28:19, 20 na Mayirelo 1:8, mwamala mutapanye yofuka yo-arelai:
-
N’nga Makristau aimbarimbari tanofwanela laba basa lolaleela fiyedha e-lini thitho gomela vavi?
6. Tanoirana vinofunji-a aliwa
Mwasiwa ngwan’ni Tom atoofiya vorumela ira utofwanya makristau aimbarimbari? Muonele VIDIYO, mwamala mutapanye vyofuka vyo-arelavi.
-
Vidiyonimu, mwasiwa ngwan’ni Tom ato-iya dhowa wu religiau lililothene?
-
Chini yam’kami-idhe sikimiza ira atofwanya imbarimbari?
Mabasi-u mbanoniirela umboni. Muleri Mateu 7:21, mwamala mutapanye yofuka yo-arelai:
-
N’nga Yesu unoona ira yofuneya chini, onga vinororomela i-yo venango irana vinororomela i-yovyo?
7. Tanodhiveliwana unango nafwee
Makristau oroma tanoodhiveliwana unango nafwee
N’nga Makristau tanorumela e-la ingumiiwa vangovini namwasa wa Makristau afwiwa? Muonele VIDIYO, mwamala mutapanye vyofuka vyo-arela.
-
Vidiyonimu, chini yairi-idhe ira bali Likhwide arumele e-la ingumiyee vangovini ira bali Johansson a-apiwe?
-
N’nga munothulela ira atoira vyongo ninga Kristau waimbarimbari?
Muleri Juwau 13:34, 35, mwamala mutapanye vyofuka vyo-arelavi:
-
N’nga Makristau aimbarimbari tanofwanela ira avi vyongo naatu amitundu inango venango okumela vilambo vinango?
-
N’nga tanaire a-vi vyevi vahora ya kondo?
ATU ENANGO ANOONGA IRA: “Makristau enango takadhi tairanga vyongo vyothakala vinjinji, n’nga vinaodeye a-vi ira relijiau liwa likale lapama?”
-
N’nga mutu wenuo munalerele lemba livi lelo linamkami-e zindiyela Makristau aimbarimbari?
MAKUNDO OGWANDELA
Makristau aimbarimbari tano-arela vinofunji-a Bibilya vaingumiiwa, tanothonyi-edhana udhivela orumela rucheela atu enango thitho tanolaleela imbarimbari ya Bibilyani.
Vyofuka vyowelela
-
N’nga vinororomela Makristau aimbarimbari vinokumela uvii?
-
N’nga Makristau aimbarimbari tanothonyi-edha kalelo livii linanikami-e azindiyela?
-
N’nga Makristau aimbarimbari tanolaba basa livi?
IDHIWANI VINJINJI
Idhiwani vinjinji vyokuza gulu laatu tanodhilimbi-edha sazi-edha ifwanfwani-o ya Yesu Kristu thitho a-relanga vyafunji-a liye.
Muone vyamkami-idhe mutu unango ali padri wa-iyana ira akale “mubanja lodhiveliwiwa lavailambo yothene.”
“Ankagwiritsa Ntchito Baibulo Poyankha Funso Lililonse” (Nsanja ya Olonda, 1 wa Abril wa 2014)
Muone vinoira Makristau aimbarimbari vothonyi-edha ira tanodhiveliwana Makristau afwiwa ale tanofuneela kami-iwa.
Kuthandiza Abale Athu Kukachitika Ngozi Zam’chilengedwe—Kachigawo Kake (3:57)
Yesu atoonga vyongo vyoi vingakami-idhe atu zindiyela anama-arelee. Sakasakani ira muone mwemo Makristau oroma na Makristau aimbarimbari amalamboano munokwakwaneli-edhela aliwa vyevi.
“Kodi Mungawadziwe Bwanji Akhristu Oona?” (Nsanja ya Olonda, 1 wa Março wa 2012)
