SULA MAR 18
Ere Kaka Inyalo Fwenyo Jokristo Madier?
Ji bilionde mathoth wacho ni gin Jokristo. Kata kamano, ok gin gi yie achiel kendo puonj ma tayo ngimagi bende ok chalre. Omiyo, ere kaka wanyalo fwenyo Jokristo madier?
1. Jakristo en ng’a?
Jokristo gin jopuonjre kata jolup Yesu Kristo. (Som Tich Joote 11:26.) Ere kaka ginyiso ni gin jolup Yesu? Yesu nowacho niya: “Ka usiko e wachna, un jopuonjrena adier.” (Johana 8:31) Mano nyiso ni Jokristo madier nyaka luw puonj mag Yesu. Mana kaka Yesu notiyo gi Ndiko kinde duto ma nopuonjo, e kaka Jokristo madier bende tiyo gi Muma sama gipuonjo.—Som Luka 24:27.
2. Ere kaka Jokristo madier nyiso hera?
Yesu nonyiso jolupne niya: ‘Herreuru ng’ato gi ng’ato mana kaka aseherou.’ (Johana 15:12) Ere kaka Yesu nonyiso ni ohero jopuonjrene? Nokawoga thuolo mar bedo kodgi, jiwogi, kendo konyogi. Bende, ne othonegi. (1 Johana 3:16) E yo ma kamano bende, Jokristo madier ok wach awacha gi dhoggi ni giherore, kar mano, wechegi kod timbegi nyiso ni giherore.
3. Jokristo madier odichga gi timo ang’o?
Yesu nomiyo jopuonjrene tich monego gitim. “Noorogi mondo giyal wach Pinyruodh Nyasaye.” (Luka 9:2) Jokristo mokwongo ne ok yalga mana kuonde ma ne gileme kende, to ne giyalo bende e ot ka ot kod kuonde moko ma ji nitie. (Som Tich Joote 5:42; 17:17.) Jokristo madier ma kindegi bende puonjo adiera mag Muma kamoro amora ma ji nitie. Gihero jowetegi, to mano e momiyo gitiyo gi thuologi kod tekogi e hoyo kendo jiwo ji ka gitiyo gi Muma.—Mariko 12:31.
TIM NONRO
Non ane kaka inyalo fwenyo pogruok ma nitie e kind Jokristo madier kod joma ok luw puonj mag Kristo.
4. Gimanyo adiera manie Muma
Jokristo mokwongo nohero Wach Nyasaye
Moko kuom joma wacho ni gin Jokristo ok ohero adiera manie Muma. Tug VIDIO, kae to uwuo e wi penjo ma luwo.
-
Ere kaka kanise moko miwacho ni gin mag Jokristo ok puonj gik ma Yesu nopuonjo?
Yesu ne puonjo ji adiera ma yudore e Wach Nyasaye. Som Johana 18:37, kae to uwuo e wi penjo ma luwoni:
-
Yesu nowacho ni wanyalo fwenyo nade Jokristo “man kor adiera”?
5. Gilando adiera mag Muma
Jokristo mokwongo ne lendoga ne ji
Ka ne Yesu pok odhi e polo, noweyo ne jolupne tich ma pod dhi nyime nyaka e kindegi. Som Mathayo 28:19, 20 kod Tich Joote 1:8, kae to uwuo e wi penjo ma luwoni:
-
Tij lendo ne idhi tim e okang’ ma romo nade?
6. Giluwo gik ma gipuonjo
En ang’o ma nokonyo Tom fwenyo ni oseyudo Jokristo madier? Tug VIDIO, kae to uwuo e wi penjo ma luwo.
-
En ang’o ma nomiyo Tom ojok gi weche din?
-
Ang’o momiyo ne en gadier ni oseyudo adiera?
Timbewa nigi teko moloyo weche ma wawacho. Som Mathayo 7:21, kae to uwuo e wi penjo ma luwoni:
-
En ang’o maduong’ ma Yesu rango? En gik ma wawacho awacha ni wayiego koso gik ma timbewa nyiso ni wayiego?
7. Giherore
Jokristo mokwongo ne oherore
Be Jokristo yiega mondo gires Jokristo wetegi kata ka timo kamano nyalo hinyo ngimagi? Tug VIDIO, kae to uwuo e wi penjo ma luwo.
-
En ang’o ma ne ochwalo Lloyd mondo oyie tho ne Owadwa Johansson?
-
Be iparo ni gima notimono nyiso ni en Jakristo madier?
Som Johana 13:34, 35, kae to uwuo e wi penjo ma luwogi:
-
Ere kaka jopuonjre Yesu (Jokristo madier) neno joma wuok e oganda kata piny machielo?
-
Gitimoga nade e kinde lweny?
PARO MA JOMOKO NIGO: “Nitie dinde mang’eny mag Jokristo. Koro mane ma en madier?”
-
En ndiko mane minyalo somo ne ng’ato mondo ikonye ng’eyo kaka wanyalo fwenyo Jokristo madier?
PUONJ MADUONG’
Jokristo madier luwo puonj mag Muma, gihero jowetegi gi chunygi duto, kendo gipuonjo adiera manie Muma.
Ang’o ma ipuonjori?
-
Puonj mag Jokristo madier otenore kuom ang’o?
-
En kido mane mifwenyogo Jokristo madier?
-
En tich mane ma Jokristo madier timo?
MED TIMO NONRO
Puonjri weche momedore e wi grup moro ma timo duto ma ginyalo mondo giluw ranyisi mar Yesu kendo giti gi puonjne.
Ne ane gima nomiyo sista moro mar Jo-Katholik oyudo joma puonjo adiera.
“Ne Gitiyo gi Muma e Dwoko Penjo ma ne An Godo Duto!” (Ohinga mar Jarito, April 1, 2014)
Ne ane kaka Jokristo madier nyiso hera ne jowetegi moyudo masira.
Ne ane kaka Jokristo ma kindegi timo gima Yesu nowacho ni ibiro fwenygo jolupne madier. Jokristo mokwongo bende notimo mana kamano.
“Gin Kido Mage Minyalo Fwenygo Jokristo Madier?” (Ohinga mar Jarito, Mach 1, 2012)
Samoro Inyalo Hero Magi Bende
PENJO MA JI JOPENJO
Ere Kaka Joneno mag Jehova Puonjoga Ji Muma?
E puonjruok Muma ma Joneno mag Jehova tayoga, inyalo tiyo gi Muma moro amora mihero. Bed thuolo gwelo joodu duto kata osiepeni e puonjruok.
