KĨTHOOMO KĨA 18
Ũrĩa Tũũmba Kũmenya Akristũ ba Mma
Antũ mbirioni inyingĩ nĩbaciĩtaga Akristũ. Ĩndĩ bonthe batĩĩtikĩtie ũmwe, na kinya batĩtũũraga kũringana na mawaatho jamwe. Kwou nĩatĩa tũũmba kũmenya Akristũ ba mma?
1. Mũkristũ nũũ?
Akristũ nĩ aritwa, kana athingati, ba Jesũ Kristũ. (Thooma Mathithio 11:26.) Nĩatĩa barikithagia atĩ bo nĩ aritwa ba Jesũ augĩre: “Bwi bwatuura bwitikitie nteto ciakwa buri aritwa bakwa mma.” (Johana 8:31) Kũu nĩ kwonania atĩ Akristũ ba mma no mwanka baathĩkĩre moritani ja Jesũ. Na o ta ũrĩa Jesũ eerĩgagĩĩra Maandĩko kũgwata mbarũ moritani jaawe, mũsingi jwa wĩtĩkio bwa Akristũ ba mma nĩ Bibiria.—Thooma Luka 24:27.
2. Nĩatĩa Akristũ ba mma bonanagia wendo?
Jesũ erĩre athingati baawe: “Bwendanage bwingwa, o ta uria ni mbwendete.” (Johana 15:12) Nĩatĩa Jesũ oonanĩrie atĩ neendete aritwa baawe? Naatumagĩra ĩgiita amwe nabo, akabekĩra inya na akabatethia. Kinya naaritĩre mwoyo jwawe tontũ bwao. (1 Johana 3:16) O ta Jesũ, Akristũ ba mma batĩaragia mantũ jegie wendo na kanyua akĩ. Nĩbonanagia na mathithio jaao na biugo biao atĩ nĩbendene bongwa.
3. Nĩ ngũgĩ ĩrĩkũ Akristũ ba mma bathithagia?
Jesũ naere aritwa baawe ngũgĩ. “Arabatuma beete bakeerane mantu ja Unene bwa Murungu.” (Luka 9:2) Akristũ ba mbere, batatũmagĩĩria akĩ gũntũ kwao gwa kũthathaĩria, ĩndĩ kinya gũntũ kwa mwingĩ na nja cia antũ. (Thooma Mathithio 5:42; 17:17.) Akristũ ba mma naarua kinya bo nĩbatũmagĩĩria ũmma bwa Bibiria kunthe naarĩa antũ barĩ. Nĩbendete atũũri baao, na kwou nĩbagwĩragĩrua gũtumĩra ĩgiita rĩao na inya yaao kubaa nkuma ya wĩrĩgĩĩro na kũboreria.—Mariko 12:31.
ĨNJA NKŨRŨKI
Ona ũrĩa ũũmba kwathũrana Akristũ ba mma na antũ barĩa batĩthingataga ngerekano ya Jesũ na moritani jaawe.
4. Nĩbacwaga ũmma bwa Bibiria
Akristũ ba karaaja nĩbaatĩĩte Rũteto rwa Mũrungu
Tĩ bonthe barĩa baciĩtaga Akristũ boonaga mma cia Bibiria irĩ cia gĩtũmi. Tega VIDIO, rĩu bwarĩĩrie kĩũria gĩkĩ kĩthingatĩte.
-
Nĩatĩa makanisa jamwe jarĩa jaciĩtaga ja gĩkristũ jaremi nĩ kũritana jarĩa Jesũ aaritanĩre?
Jesũ aaritanĩre ũmma kuuma kĩrĩ Rũteto rwa Mũrungu. Thooma Johana 18:37, rĩu bwarĩĩrie kĩũria gĩkĩ:
-
Kũringana na Jesũ, nĩatĩa tũũmba kũmenya Akristũ barĩa barĩ rũtere rwa “umma”?
5. Nĩbatũmagĩĩria mma cia Bibiria
Akristũ ba karaaja nĩbatũmagĩĩria bangĩ
Mbere ya Jesũ aitia ĩgũrũ, naaere athingati baawe ngũgĩ ĩrĩa ĩtaga na mbere naarua. Thooma Mathayo 28:19, 20 na Mathithio 1:8, rĩu bwarĩĩrie kĩũria gĩkĩ:
-
Ngũgĩ ya gũtũmĩĩria ĩrĩngĩthithua bũngˈana na mwanka kũ?
6. Nĩbatũũraga kũringana na jarĩa batũmagĩĩria
Nĩmbi biarikithĩĩrie muntũ mũrũme ũgwĩtwa Tom atĩ akwona Akristũ ba mma? Tega VIDIO, rĩu bwarĩĩrie biũria bibi bĩthingatĩte.
-
Kĩrĩ vidio nĩmbi biatũmĩte Tom atigana na ndini?
-
Nĩmbi biamũrikithĩĩrie atĩ akwona ũmma?
Mathithio nĩjaragia nkũrũki ya biugo. Thooma Mathayo 7:21, rĩu bwarĩĩrie kĩũria gĩkĩ:
-
Nĩmbi Jesũ oonaga birĩ bia gĩtũmi—nĩ jarĩa tugaga nĩtwĩtĩkĩtie kana nĩ jarĩa tũrikithagia na mathithio jeetũ?
7. Nĩbendene bongwa
Akristũ ba karaaja nĩbendene bongwa
Akristũ ba mma nĩbekĩrĩte ũtũũro bwao ũgwatĩne nĩũntũ bwa Akristũ bangĩ? Tega VIDIO, rĩu bwarĩĩrie biũria bibi bithingatĩte.
-
Kĩrĩ vidio, nĩmbi biatũmĩre, Lloyd ekĩra ũtũũro bwawe ũgwatine tontũ bwa Mũtaana-wa-baaba Johansson?
-
Ũrĩthũũgania naathithĩrie ta Mũkristũ wa mma?
Thooma Johana 13:34, 35, rĩu bwarĩĩrie biũria bibi:
-
Nĩatĩa aritwa ba Jesũ (Akristũ ba mma) bathithagĩria antũ ba ndũrĩĩjo kana mĩgongo ĩngĩ?
-
Ĩgiita rĩa ndwa nĩatĩa wendo bũrĩngĩtongeria Akristũ kũthithia?
ANTŨ BAMWE BAUGAGA: “Akristũ nĩbathithĩtie mantũ jamathũũku mono—nĩatĩa boomba kwĩthĩrwa nĩbo ndini ya mma?”
-
Nĩ ĩandĩko rĩrĩkũ ũũmba gũtumĩra kwonania ũrĩa tũũmba kũmenya ndini ya mma?
NA NJĨRA ĨNKUĨ
Akristũ ba mma nĩbathingataga mma cia Bibiria, bakonania wendo bwa kuuma nkorone, na bagatũmĩĩria mma cia Bibiria.
Gũcookera
-
Mũsingi jwa wĩtĩkio bwa Akristũ ba mma nĩmbi?
-
Nĩ nkuma irĩkũ imenyithanagia Akristũ ba mma?
-
Nĩ ngũgĩ ĩrĩkũ Akristũ ba mma bathithagia?
CŨNKŨŨNA
Iritane bwegie gĩkundi kĩa antũ kĩrĩa gĩciũmagia kũthingata ngerekano ya Jesũ Kristũ na moritani jaawe.
Ona nĩmbi biatongererie mũthingati ũmwe wa ndini kwona “nja ya mma ya gĩkĩrundu.”
“Nĩbaatumĩĩre Bibiria Gũcookia Biũria Bionthe!” (Mnara wa Mlinzi, Aprili 1, 2014)
Iritane ũrĩa Akristũ ba mma bonanagia wendo kĩrĩ athathayia bangĩ barĩa bakũbatara ũtethio.
Gũtetheeria Ataana ba Baaba Rĩrĩa Mogwati Jaumĩra—Gĩcuncĩ (3:57)
Cũnkũũna ũrĩa Akristũ ba karaaja na Akristũ ba mma naarua, bonanĩtie nĩbakũthingata mantũ jarĩa Jesũ augĩre jarĩngĩmenyithania athingati baawe ba mma.
“Rwano rwa Kũmenyithania Akristũ ba Mma nĩ Rũrĩkũ?” (Mnara wa Mlinzi, Machi 1, 2012)
