Кок миллиард утла еҥ шкенжым христианлан шотла. Но нине христиан-влакын туныктымашышт да нормышт икте-весе деч ойыртемалтыт. Тугеже чын христиан-влакым кузе пален налаш?

1. Кӧ тыгай христиан?

Христиан-влак — тиде Иисус Христосын тунемшыже-влак, але тудын почеш кайышыже-влак. (Апост. пашашт 11:26 лудын лекса.) Иисусын тунемшыже-влакым кузе пален налаш? Иисус шкеже раш каласен: «Те Мыйын шомакем кучен иледа гын, Мыйын чын тунемшем-влак улыда» (Иоаннын 8:31). Тугеже, чын христиан-влак Иисусын туныктымыжо почеш илышаш улыт. Иисус эре Юмын Мутышто возымылан туныктен. Сандене чын христиан-влакын туныктымашышт Библиеш негызлалтеш. (Лукан 24:27 лудын лекса.)

2. Чын христиан-влак йӧратымашым кузе ончыктат?

Иисус шке почеш кайыше-влаклан теве могай кӱштымашым пуэн: «Кузе Мый тендам йӧратенам, икте-весыдам туге йӧратыза» (Иоаннын 15:12). А кузе Иисус шке тунемшыже-влак деке йӧратымашым ончыктен? Тудо нунын дене жапым эртарен, нуным кумылаҥден да нунылан полшен. Тудо нунын верч илышыжымат пуэн (1 Иоаннын 3:16). Тиде семынак чын христиан-влак йӧратымашым пашашт дене ончыктат.

3. Чын христиан-влаклан могай паша эн тӱҥ?

Иисус шке тунемшыж-влакым Юмын Кугыжаныш нерген каласкалаш колтен (Лукан 9:2). Икымше христиан-влак синагоглаште да храмлаште гына туныктен огытыл, тыгак нуно площадьыште, пазарыште да пӧрт еда таныкленыт. (Апост. пашашт 5:42; 17:17 лудын лекса.) Тачат чын христиан-влак, кушто еҥ-влак улыт, чыла вере таныклат. Нуно еҥ-влакым йӧратат, сандене ӱшаным пуышо да лыпландарыше библийысе поро уверым каласкалашлан жап ден вийыштым огыт чамане (Маркын 12:31).

 КЕЛГЫНРАК ШЫМЛЕН НАЛЗА

4. Нуно библийысе чыным кычалыт

5. Нуно библийысе чынлан туныктат

 6. Нуно туныктымышт почеш илат

Кузе Том чын христиан-влакым муын манын умылен? ВИДЕОРОЛИКЫМ ончалза да вашмутым пуыза:

• Молан Том религийлан ӱшанымым чарнен?

• Тудо чыным муын манын, кузе умылен?

Иктаж-кӧ Иисусын тунемшыже улам манын ойла гын, тидым паша дене ончыктышаш. Матфейын 7:21 лудын лекса да вашмутым пуыза:

• Иисусын мутшо дене келшышын, тудын тунемшыже улына манын ойлаш гына молан ок сите?

7. Нуно икте-весыштым йӧратат

• Иисусын тунемшыж-влак (чын христиан-влак) вес калык гыч еҥ-влак дене шкеныштым кузе кучышаш улыт?

• А сар жап годым нуно икте-весым йӧратымым чарнат мо?

 ТӰҤ ШОНЫМАШ

Чын христиан-влак Библий почеш илат, чынже денак икте-весыштым йӧратат да библийысе чынлан туныктат.

Ушештарымаш

• Чын христиан-влакын туныктымашыштым моэш негызлыме?

• Чын христиан-влакым кузе пален налаш?

• Могай паша чын христиан-влаклан эн тӱҥ?