SMALKANKA 18
¿Kristian rait aihwa nani ba ya nani pali sa?
Upla milian milian nani ba kristian sa wisa. Sakuna sim smalkanka nani briras, apia kaka sim sunu lâka nani kat iwras. Baha mita, ¿yawan nahki param kaikaia sip sa ya nani rait pali Kraist nina bliki ba?
1. ¿Rait kristian uplika kum ba nahki sa?
Kristian nani ba disaipil uplika sa, wibia kaka, kasak Jisas nina blikisa (Sturka Nani 11:26 aisi kaikma). ¿Kristian rait aihwa nani ba nahki marikisa Jisas nina bliki ba? Jisas naku win: “Dîa mai wisna ba kat kasak kama kaka, man nani ba kasak yang disaipilki nani kama” (Jan 8:31). Naha wan marikisa kristian rait aihwa nani ba Jisas smalkanka bîla nani ba walaia sa. Kristian rait aihwa nani ba dîa smalki ba Baibil wina sakisa, kan Jisas sin Baibil dîa wi ba kat smalkan (Luk 24:27 aisi kaikma).
2. ¿Kristian rait aihwa nani ba nahki latwan lâka marikisa?
Jisas ba ai nina bliki uplika nani ra naku win: “Man nani pana pana walkam ra latwan kaikma, yang mita man nani ra latwan mai kaikisna ba baku” (Jan 15:12). ¿Jisas nahki marikan ai disaipilka nani ra latwan kaiki kan ba? Taim sakan witin nani wal kaia, kupia bukan bara hilp munan. Witin nani dukiara sin ai rayaka yaban (1 Jan 3:16). Sim baku, kristian rait aihwa nani ba latwan lâka tânka ba smalkaia baman daukras. Witin nani dîa dauki ba wal marikisa kasak pali wala nani ra latwan kaiki ba.
3. ¿Ani sa ki kristian rait aihwa warkka pali ba?
Jisas ba ai disaipilka nani ra wark kum yaban, “Gâd Kingka Lâka sturka ba smalkaia” (Luk 9:2). Patitara piua kristianka nani ba Gâd ra mayunaia watla nani ra baman smalkras kan, upla ailal tauki pliska nani ra sin smalkan bara upla watla kat sin (Sturka Nani 5:42; 17:17 aisi kaikma). Naiwa piua ra sin, kristian rait aihwa nani ba upla ailal tauki pliska ra smalkisa. Upla nani sut ra latwan kaikisa, baha mita ai taimka bara ai karnika yus munisa diara yamni bîla kaikanka, bara kupia bukanka Baibil wanki ba smalkaia dukiara (Mark 12:31).
KAU LAN TAKS
Kaisa laki kaikaia nahki kristian rait aihwa nani ba sât wala sa, Jisas daukanka bara ai smalkanka nina blikras uplika nani ba wal.
4. Baibil tânka kasak ba plikisa
Patitara kristianka nani ba Gâd Bîla tara kulkikan
Upla ailal kristian sa wisa, sakuna Baibil dîa pali smalki ba plikaia nit âpu lukisa. LILKA ba kaikma, bara naha dukiara aisi banhma:
-
¿Nahki tnatka ra kristian churchka kum kum ba upla kaina dakban Jisas smalkanka nani nu takaia apia dukiara?
Jisas ba Gâd Bîla tânka kasak ba smalkan. Jan 18:37 aisi kaikma, bara naha dukiara aisi banhma:
-
Jisas aisan baku, ¿yawan nahki sip sa klir kaikaia “baha nani sut kasakka lâka ra nani ba”?
5. Witin nani ba Baibil tânka kasak ba smalkisa
Pas kristianka nani ba upla wala nani ra smalki banhwi kan
Jisas ba kau heven ra uli waras kainara, ai disaipilka nani ra adar yaban wark kum daukbia bara naiwa piua kat ban daukisa. Matiu 28:19, 20 bara Sturka Nani 1:8 aisi kaikma, bara naha dukiara aisi banhma:
-
¿Ahkia bara ani pliska kat witin nani ba smalkaia sa?
6. Witin nani ba dîa smalki ba ai rayaka ra alki daukisa
Waitna kum nina Tom, ¿nahki nu takan kristian lâka aihwa sakan ba? LILKA ba kaikma, bara naha dukiara aisi banhma:
-
Lilka ra kaikan baku, ¿dîa muni rilidian ba Tom sarka paskan?
-
¿Witin nahki nu sa Jisas nina blablikra kasak nani ra sakan ba?
Yawan dîa smalki ba wan daukanka wal marikisa. Matiu 7:21 aisi kaikma, bara naha dukiara aisi banhma:
-
¿Jisas dîa kau kulkisa: yawan witin ra kasak luki ba wiaia baman, apia kaka wan daukanka wal marikaia witin ra kasak luki ba?
7. Witin nani ba pana pana latwan kaikisa
Pas kristianka nani ba pana pana latwan kaiki banhwi kan
¿Kristian nani ba wilin pali kan ai muihni, bara ai lakra nani dukiara pruaia? LILKA ba kaikma, bara naha dukiara aisi banhma:
-
Lilka ra kaiki baku, ¿dîa muni muihni Lloyd ba wilin kan muihni Johansson dukiara ai rayaka kat sin yabaia?
-
¿Man lukisma witin ba rait aihwa kristian lâka kat daukan?
Jan 13:34, 35 aisi kaikma, bara naha dukiara aisi banhma:
-
Jisas disaipilka nani ba (kristian rait aihwa nani), ¿nahki nisan wala bara kiamka wala uplika nani ra yamni munaia sa?
-
¿War aiklabisa piua ra dîa daukbia?
UPLA KUM KUM NAKU LUKISA: “Kristian nani ba diara saura nani daukan sa kaka, ¿nahki witin nani church rait aihwa kabia?”.
-
¿Man ani tikska yus munma ya nani kristian rait aihwa nani ba marikaia dukiara?
DÎA LAN TAKRAM
Kristian rait aihwa nani ba Baibil dîa smalki ba kat daukisa, wala nani ra latwan kaiki sakripais daukisa, bara Baibil tânka kasak ba smalkisa.
Wan kupia krawaia
-
¿Kristian rait aihwa nani ba ani wina ai smalkanka nani bapisa?
-
¿Dîa daukanka painkira nani brisa kristian rait aihwa nani ba?
-
¿Ani warkka tara dauki banhwisa?
KAU PLIKI KAIKS
Dakni kum bâra ba kakaira taks, karna trai munisa Jisas daukanka bara smalkanka nani ba nina blikaia.
Aisi kaiks, nahki mairin kum monja kan ba “spirit lâka ra pamalika kum” sakan.
“Diara sut makabi walri ba Baibil wal ai marikan” (La Atalaya abril 1, 2014)
Lan taks, nahki kristian rait aihwa nani ba ai muihni bara ai lakri nani ra latwan kaiki ba marikisa hilp nit sa taim.
Sauhkanka takisa taim muihni lakri nani ra hilp muni banhwisna (pîska kum) (3:57)
Tânka pliki kaiks, nahki naiwa piua Jisas nina bliki uplika nani ba patitara kristianka nani baku sim dukia nani daukisa, bara baku nu takaia witin nani ba kristian rait aihwa nani sa.
“¿Kristian rait aihwa nani ba nahki pali sa?” (La Atalaya marzo 1, 2012)
Baha sin laik kaikma
JEHOVA WITNISKA NANI DUKIARA UPLA NANI DÎA MAKABI WALI BA
¿Jehova witniska nani Baibil klaska yabi ba nahki sa ki?
Jehova witniska nani Baibil klaska yabi ba ra, man ani Baibil bîla lakanka want sma ba yus munaia sip sma. Baku sin, pamalikam apia kaka pâmnika nani paiwaia sip sma.
