OHUDHERA 18
Nnaanone aavi makiristawu ebaribari?
Mwilaboni yatene matxikwi ni matxikwi aathu enihina makiristawu. Nahuna kinarumedha dhithu dhimodhave obe dhohudhiha dhimodhave. Ki vano nnaanone aavi wi ala makiristawu eebaribari?
1. Mukiristawu baani?
Mukiristawu namahara a Yesu Kiristu. (Omwileri Atos 11:26.) Enoniha ddi wi muthu ola namahara a Yesu Kiristu? Yesu ohuwoga egi: ‘Mwadidela wiwelela madhu aaga muli anamahara aaga.’ (João 8:31) Eyo enatapulela wi mukiristawu eebaribari anowiwelela dhohudhiha dha Yesu. Dhithu dhatedhene ahudhiha ni erana Yesu dhinowiwanana ni Madhu a Mulugu. Ni makalelo mamodhave, dhithu dhatedhene enerana ni enawoga makiristawu eebaribari yiwananege niile Bibliya anawogiye. — Omwileri Lucas 24:27.
2. Makiristawu eebaribari enoniha aavi odhivela?
Yesu ohuwoga ni anamahara aye egi: ‘Mudhivelanege mmodha ni mukwaye ninga miyo gudhivelimini.’ (João 15:12) Yesu oonihe aavi wi owadhivela anamahara aye? Oliye owakavihera ni owalibiha, teto oojha mudhidhi naaliwa. (1 João 3:16) Emodhave makiristawu eebaribari, kinakalela owogave wodhela odhivela. Aliwa enowoniha ni madhu vamodha ni dhowera dhewa wi enodhivelana mmodha nimukwaye.
3. Mabasa baani enaapara makiristawu eebaribari?
Yesu ahavaha anamahara aye mabasa oofuneya. ‘Oliye oharuma wihina elaleye Omwene wa Mulugu.’ (Lucas 9:2) Makiristawu oobajha yolaleya, mbwenye kiyalaleya musinagoga baahi. Aliwa yolaleya mburo mwaali athu owinjhiva ni mmavaade. (Omwileri Atos 5:42; 17:17.) Peeno makiristawu eebaribari enolaleya ebaribari ya mBibliyani mburo bi mburo munafwanyeya athu. Aliwa enowadhivela athu. Bumwahaya enohagalala olabihedha mudhidhi wewa ni kopolo wi ehudhihe muthenga wa mBibliyani onavaha ejhehedhelo ni onalibiha. — Marcos 12:31.
OHUDHERE DHITHU DHIMODHA
Woone ohiyana orivo wodhela makiristawu eebaribari ni ale ehinahara ndhe ahudhihe Yesu ni mweddelo waye.
4. Aliwa enosayela onona ebaribari eri mBibliyani
Makiristawu akale yowiwelela Madhu a Mulugu
Athu amodha enawoga wi makiristawu kinasayela onona ebaribari enafwanyeya mBibliyani. Musugwe VIDIYU, mwamala muthapanyedhe nikoho nnaharela.
-
Gereja dhimodha dhinawoga wi sekiristawu dhithu baani dheriliwana wihina athu yahimwilerigi Bibliya?
Yesu ohuhudhiha ebaribari enafwanyeya Mmadhuni a Mulugu. Mmwileri João 18:37, mwamala muthapanyedhe nikoho nnaharela:
-
Ninga muwogele Yesu, nnaanone aavi makiristawu eri “epaddi yeebaribari”?
5. Aliwa enolaleya ebaribari ya mBibliyani
Makiristawu oobajha yowalaleya athu amodha
Yesu ahinahogolowele odhulu, ahavaha anamahara aye mabasa enapariwa ofiyedha peeno. Mmwileri Mateus 28:19, 20 ni Atos 1:8, mwamala muthapanyedhe nikoho nnaharela:
-
Muthenga dhapama dhalaleyiwe mburo mmodha baahi? Dhalaleyiwe mudhidhi mungasi?
6. Aliwa enowerana dhithu enahudhihiwa
Emuthukulele orumedha mulobwana dhala anithaniwa Tom wi ohafwanya makiristawu eebaribari ddi? Musugwe VIDIYU, mwamala muthapanyedhe makoho enaharela.
-
Nvidiyuni, emuthukulele Tom osukuma gereja ddi?
-
Emuthukulele Tom orumedha wi ohufwanya ebaribari ddi?
Owogave baahi waheragana kunera ethu. Mmwileri Mateus 7:21, mwamala muthapanyedhe nikoho nnaharela:
-
Ethu yathima mwa Yesu ddi: dhithu nnawogihu wi nnorumedha obe dhithu nnonihihu ni dhowera dhehu wi nnorumedha?
7. Odhivela wewa bwebaribari
Makiristawu oobajha yodhivelana mmodha ni mukwaye
Makiristawu eebaribari enohela egumi yewa vang’ovini wi yakavihere amodhaya? Musugwe VIDIYU, mwamala muthapanyedhe makoho enaharela.
-
Nvidiyuni, ethu baani yamuthukulele Lloyd ohela egumaye vang’ovini wihina anvuluse ddibile Johansson?
-
Ononamo wi Lloyd ohoniha wi mukiristawu eebaribari?
Mmwileri João 13:34, 35, mwamala muthapanyedhe makoho enaharela:
-
Anamahara a Yesu (makiristawu eebaribari) yeddihanege aavi? Aliwa yerege omusakula muthuya mwaha elabo anadheliye obe akala muzugu obe kafiri?
-
Aliwa yerege wooniha odhivela wula mudhidhi wa koddo?
ATHU AMODHA ENAWOGA YEGI: “Kinapwatha gereja baani oriwe, yinlubaleya fumurumedha Yesu.”
-
Dholebela baani dha mBibliyani walabihedhiwe wi wawonihe amodha wihina enowandeya wanona makiristawu eebaribari?
OVIRISEDHA
Makiristawu eebaribari enowiwelela dhithu anawoga Bibliya, enodhivelana ni enolaleya muthenga dhapama dha mBibliyani.
Ogwaddela
-
Dhatedhene dhinawoga ni dhinerana makiristawu eebaribari dhiniwanana ni ddi?
-
Dhikalelo baani enoniha makiristawu eebaribari?
-
Mabasa baani makiristawu eebaribari enaapariwa?
WEGI ONONE DHITHU DHIMODHA
Ohudhere wodhela nikuru naathu nnilibihera ohara dhowera ni dhohudhiha dha Yesu Kiristu.
Woone yopadduwa ya muhiyana dhala ahile okala ferera vano ofwanya “emudhi yeebaribari yomuzimuni”.
“Aliwa yowakula makoho aaga emulabihedhaga Bibliya” (A Sentinela, 1.º a Abril a 2014)
Woone makalelo makiristawu eebaribari enawonihiwa odhivela addibiliwa yahowelaga nikavihero.
Mabasa owakavihera addibila yapadduwa ng’ovi — Epaddi (3:57)
Wileri makalelo makiristawu eebaribari a peeno eneriwana dhithu ninga makiristawu akale, yiwelelaga dhohudhiha dha Yesu.
“Nnaanone aavi makiristawu ebaribari?” (A Sentinela, 1.º a Março a 2012)
