ISAMBILILO 18
Vino Tungamanya Awina Klistu wa Cisinka
Awavule wakati awina Klistu. Lelo watazumila mu vili vyonga, swinya wasikonka amasundo ayali yonga. Nomba tungamanya wuli awina Klistu wacisinka?
1. Uzye umwina Klistu weweni?
Awina Klistu awasambilizi nanti wano wakakonka e Yesu Klistu. (Wazya Imilimo 11:26.) Nomba wakalanjizya wuli ukuti mukusimicilanye awasambi wa kwe Yesu? E Yesu watili: “Ndachino mukutontela vino nkuwasambilizya ye, nachawuzimanye mwewasambilizi wane.” (Yohani 8:31) Co-o cikusula mukuti awina Klistu wacisinka, wazipizile wakwivwila vino akasambilizya. Cinji acakuti e Yesu wasambilizyanga ivya mwe Baibolo. Wonye avino na wina Klistu wa cisinka wakacita.—Wazya Luka 24:27.
2. Alukundo lwa musango ci luno awina Klistu wacisinka wakalanjizya?
E Yesu wawuzizye awasambilizi wakwe ukuti: “Kundananji ndivino nawakunda.” (Yohani 15:12) Uzye e Yesu walanjizizye wuli ukuti wakunda awasambilizi wakwe? Wawanga nawo pa mpindi intali, ukuwawomelezya nga nu kuwavwa. Wapile nu wumi wakwe pe woliwo. (1 Yohani 3:16) Na wina Klistu nye wakakolanya Yesu, wasipelela vye mukulanda ukuti wakundana, lelo wakalanjizya vino wakundana mwe vino wakalanda nu kucita.
3. Amulimo ci wuno awina Klistu wacisinka wakawomba?
E Yesu wapile awasambilizi wakwe umulimo wakuwomba. Wawatumile ukuya “mukuwizya uwufumu wakwe Leza.” (Luka 9:2) Wa-a awina Klistu wakutalicila, watawizyangavye muvifulo vyakupepelamo, lelo wawizyanga ku cintu wavule na mu mang’anda ya wantu. (Wazya Imilimo 5:42; 17:17.) Na wina Klistu awacisinka mwe ya-a manda nawonye avino wakacita. Wakasambilizya awantu icisinka camu Baibolo ukuli konsinye kuno wawazana. Pa mulandu wa kuti wakunda awantu, wakayikundila nu kuwomvya amaka ni mpindi yawo, ukuya mukuwawizizya ilyasi ilizima ilya mu Baibolo lyo lingawawomelezya nukuwapa isuwilo.—Marko 12:31.
SAMBILILA IVICILE PA-A
Lola cino cikalenga awina Klistu wa cisinka ukupusanako na wantu wano wasikonka icakulolelako ca kwe Yesu na vino akasambilizya.
4. Wakavwamba icisinka cino cawa mwe Baibolo
Awina Klistu wakutalicilapo wacindisile Izwi lya kwe Leza
Wamwi wano wakalanda ukuti awina Klistu, wasilola ukuti cacindama ukwivwicisya icisinka ca mu Baibolo nu kuciwomvya. Tambani e VIDYO, nu kulanzyanya lyo-o iwuzyo.
-
Avyani vino awa mu macalici wamwi wano wakati awina Klistu wacita pa kuti awantu watasambilila pe vino Yesu wasambilizyanga?
E Yesu wasambilizyanga icisinka cino cawa mu Baibolo. Wazyani e Yohani 18:37, nu kulazyanya lyo-o iwuzyo:
-
Ukulingana navino Yesu walanzile tungamanya wuli ‘wino wawa ku cisinka’?
5. Wakasambilizya icisinka ca mu Baibolo
Awina Klistu wakutalicilapo wawizyanga
Pano e Yesu atani aye kwi yulu wasizile awasambilizi wakwe umulimo wuno wucili wukawombwa na pe yonye impindi. Wazyani Mateyu 28:19, 20, ni Imilimo 1:8 nu kulanzyanya lyo-o iwuzyo:
-
Uzye ilandwe zima lizipizile ukuwizwa ukufika kwi?
6. Wakacita vino wakasambilizya
Acani cino cavwizye Tom ukusinincizya ukuti azanile ukupepa kwa cisinka? Tambani e VIDYO, nu kulazyanya ya-a amawuzyo.
-
Ukulingana ne vidyo, acani cino calenzile e Tom ukupata imipepele?
-
Cani calenga asinincizye ukuti wazana icisinka?
Vino umuntu akacita avino vikalanjizya vino wawa, asavino akalanda. Wazyani Mateyu 7:21, nu kulazyanya lyo-o iwuzyo:
-
Avyani vino vyacindama sana kwe Yesu—vino tukacita nanti vyo tukalanda ukuti avino twazumilamo?
7. Wakundana
Awina Klistu wakutalicilapo wakundine
Uzye awina Klistu wakayiwika mu wusanso pa kuti wapususye awina Klistu wawuye? Tambani e VIDYO, nu kulazyanya ya-a amawuzyo.
-
Ukulingana ne vidyo, acani calezile e Lloyd ukuwika uwumi wakwe mu wusanso pa mulandu nu mwanawitu Johansson?
-
Uzye ukwelenganya ukuti wacisile ukulingana na vino umwina Klistu wacisinka azipizile ukucita?
Wazyani e Yohani 13:34, 35, nu kulazyanya ya-a amawuzyo:
-
Uzye awina Klistu wacisinka wakalola wuli awantu wa mitundu ni nkanda yinji?
-
Uzye wakacita wuli nga cakuti kwawa inkondo?
WAMWI WAKATI: “Awina Klistu wonsinye wakapepa Leza wenganye, asa mulandu na ku calici kuno wakaya”
-
Aliwaliko ci lino ungawomvya lino likatwavwa ukumanya awina Klistu wa cisinka?
IVISINKA VIKULU
Awina Klistu wacisinka wakasambilizya icisinka camu Baibolo, wakundana swinya wakakonka vino Baibolo yikasambilizya.
Avyani Vino Wasambilila?
-
Uzye ivizumilo vya wina Klistu wa cisinka vyasimpwa pi?
-
Amiwele ci yino yikamanyisya awina Klistu wacisinka?
-
Amulimo ci wuno awina Klistu wacisinka wakawomba?
MANYILAPO NA VINJI
Sambilila na vinji pa wantu wano wakakwelezya ukukonka vino Yesu akasambilizya nu kukolanya icakulolelako cakwe.
Lola cino calenzile e sisita wa kukatolika ukuzana ulupwa mwi wungwe lya kwe Yehova.
“Wawazyanga Baibolo pa Kwasuka Amawuzyo Yonsinye!” (Ulupungu lwa kwa Kalinda, April 1, 2014)
Lola vino awina Klistu wacisinka wakalanjizya ulukundo ku wina Klistu wawuye wano wakulonda uwavwilizyo.
Lola vino wano wakakonka e Yesu pe yo-o impindi wakacita ivili vyonganye vino awina Klistu wakutalicilapo wacitanga pa kulanjizya ukuti awasambilizi wa kwe Yesu.
“Avyani Vino Vikamanyisya Awina Klistu Wacisinka?” (Ulupungu lwa kwa Kalinda, March 1, 2012)
Mungakunda na vyoo
AMAWUZYO YANO AWANTU WAKAWUZYAPO SANA
Uzye Isambililo lye Baibolo Ilya Nte zya kwe Yehova Lyawa Wuli?
Mwe lyoo isambililo lino Inte zya kwe Yehova wakasambilila na wantu uwiilanye, mungawomvya e Baibolo iyili yonsinye ino mukulonda. Mungitako na wali wonsinye wano mukulonda.
