CILONGESA 18
Mua ku Nongonuena Vakua Kilistu va Vusunga
Makulukazi na makulukazi a vantu ve ku litumbula ku pua Vakua Kilistu. Vunoni vantu vaco, ka va tsilielele mu viuma vimo lika ni ku kava vitume vimo lika. Vati honi tu hasa ku nongonona Vakua Kilistu va vusunga?
1. Veya va pua Vakua Kilistu?
Vakua Kilistu, va pua vandongesi ni vakua ku kava Yesu Kilistu. (Tandenu Vilinga 11:26.) Vati ve ku muesa ngecize va pua vandongesi va Yesu? Yesu ngueni: “Nga mu kala-kala mu lizi liange, nga mu vandongesi vange mua vusunga.” (Yoano 8:31) Eci ca muesa ngecize, vandongesi va Yesu va pande ku ononoka vilongesa vieni. Ntsimbu yose, Yesu ua longesele viuma vi ya handeka Mbimbiliya. Ngeci na Vakua Kilistu navo, Mbimbiliya ya pua luvula lua viose vi va tsiliela.—Tandenu Luka 24:27.
2. Vati Vakua Kilistu va vusunga ve ku muesa cilemo?
Yesu ua lekele vandongesi veni ngueni: ‘Lilemenu umo na mukuavo, ngue omo nji na mi leme enu.’ (Yoano 15:12) Vati Yesu ua muesele ngecize ua lemene vandongesi veni? Yesu ua lingilemo mu ku tonda ntsimbu ya ku kala navo, ku va kaniamesa kaha na ku va kuasa. Cikuavo naua, ua hetele vene na ha ku hana muono ueni omo liavo. (1 Yoano 3:16) Na vuno vene, Vakua Kilistu va vusunga ka ve ku handeka lika ku tuala ha cilemo, vunoni ve ku lingako vimo. Ve ku muesa ngecize va lilema umo na mukuavo ku hitila mu vilinga.
3. Cipanga cika ve ku linga Vakua Kilistu va vusunga?
Yesu ua kundikile cimo cipanga ku vandongesi veni. Cipanga cika? “Ua va tumine mu ku ambulula Vuangana vua Njambi.” (Luka 9:2) Vakua Kilistu va ku livanga, ka va kele na ku ambuluila lika ku vitembele, vunoni na ku vihela via mbunga na ku vindzivo via vantu. (Tandenu Vilinga 5:42; 17:17.) Na lelo lino Vakua Kilistu va vusunga, ve ku ambulula vusunga vua mu Mbimbiliya kuose-oko ku ve ku uana vantu. Omo lia ku lema cikuma vakuavo, ve ku pangesa ntsimbu yavo na ndzili mu ku lekako vakuavo muzimbu ua mu Lizi lia Njambi, uze ue ku hana lulavelelo na ku lembezieka.—Mako 12:31.
TANTEKEYENU VIKUAVO
Talenu vati mu hasa ku nongonona ku litepa ca kala ha Vakua Kilistu va vusunga na vaze ka ve ku kava vilongesa via Yesu na lungano lueni.
4. Ve ku tondesesa vusunga vua mu Mbimbiliya
Vakua Kilistu va ku livanga, va singimikile Lizi lia Njambi, va ambuluile muzimbu ua cili, na ku limuesa cilemo umo na mukuavo
Kati vose ve ku litumbula ku pua Vakua Kilistu va haka seho ku vusunga vua mu Mbimbiliya. Talenu VIDEO, kaha simutuilenu ha cihula ci na hatako.
-
Vati amo malombelo eku litumbula ku pua a Vakua Kilistu, a honouele ku longesa vantu viuma via longesele Yesu?
Yesu ua longesele vusunga vua mu Lizi lia Njambi. Tandenu Yoano 18:37, kaha simutuilenu ha cihula eci:
-
Kuliya na mezi a Yesu, vati tu hasa ku nongonona Vakua Kilistu va vusunga?
5. Ve ku longesa vusunga vua mu Mbimbiliya
Vakua Kilistu va ku livanga, va singimikile Lizi lia Njambi, va ambuluile muzimbu ua cili, na ku limuesa cilemo umo na mukuavo
Tele kanda aci hiluke muilu, Yesu ua hele kuli vandongesi veni cipanga cize ce ku tualelelaho na lelo lino. Tandenu Mateo 28:19, 20 na Vilinga 1:8, kaha simutuilenu ha cihula eci:
-
Vuno cipanga ca ku ambulula ce ku hetele na kulihi?
6. Ve ku yoya muaya viuma vi ve ku ambulula
Vika via lingisile umo yala ua lizina Tom ku tava ngecize na uana vusunga? Talenu VIDEO, kaha simutuilenu ha vihula vi na hatako.
-
Kuliya na video, vika via lingisile Tom ku likela kuya ku malombelo ose?
-
Vika via mu lingisile ku tava ngecize na uana vusunga?
Vantu ve ku tuala cikuma mana ku vilinga ku hiana mezi. Tandenu Mateo 7:21, kaha simutuilenu ha cihula eci:
-
Ku tuala ha lutsilielo luetu, vika via kala na seho kuli Yesu—mezi etu ni vilinga?
7. Va lilema umo na mukuavo
Vakua Kilistu va ku livanga, va singimikile Lizi lia Njambi, va ambuluile muzimbu ua cili, na ku limuesa cilemo umo na mukuavo
Vuno cili vene Vakua Kilistu ve ku haka miono yavo mu vusonde linga va ohielele vakuavo Vakua Kilistu ni? Talenu VIDEO, ha vihula vi na hatako kaha simutuienu vi na hatako.
-
Mu video, vika via lingisile Lloyd ku haka muono ueni mu vusonde, mu ku ohiela Muanetu Johansson?
-
Mu ku mona cenu, vuno ua lingile mpundu viuma via na pande ku linga Mukua Kilistu ua vusunga ni?
Tandenu Yoano 13:34, 35, kaha simutuilenu ha vihula evi:
-
Vati vandongesi va Yesu, (ni nguetu Vakua Kilistu va vusunga) va pande ku muenamo vantu va ku visemua ni vifuti vieka?
-
Vati va pande ku lingamo mu vintsimbu via ndzita?
VAMOS VE KU HANDEKA NGUAVO: “Vakua Kilistu va linga vupi vua vuingi. Ka citava va pue vakua vusunga.”
-
Cinimbu cika mu hasa ku tandela muntu mu ku mu kuasa ku nongonona veya Vakua Kilistu va vusunga?
VI MU NA LILONGESA
Vakua Kilistu va vusunga ve ku kava vilongesa via mu Mbimbiliya, ve ku muesa cilemo ca ku lihana, na ku longesa vusunga vua mu Mbimbiliya.
Mpupulule
-
Vika via pua luvula lua viuma vi va tsiliela Vakua Kilistu va vusunga?
-
Vifua vika vi hasa ku tu kuasa ku nongonona Vakua Kilistu va vusunga?
-
Vipanga vika ve ku linga Vakua Kilistu va vusunga?
KONKENUHO
Tantekeyenu vikuavo ku tuala ha cimo civunga ce ku lihakela kapandi ka ku kava lungano lua Yesu na vilongesa vieni.
Tantekeyenu vika via lingisile umo matele ku uana “vusoko vua vusunga vua mu lutsilielo.”
Tantekeyenu vati Vakua Kilistu va vusunga ve ku limuesa cilemo umo na mukuavo mu ntsimbu ya viyovo via mavu.
Ku Kuasa Vamuanetu mu Ntsimbu ya Viyovo via Mavu—Mutamba ua video (3:57)
Hilulenu vati Vakua Kilistu va ku livanga na Vakua Kilistu va vusunga lelo lino, va litombola na vitantekeyeso via sile Yesu via ku nongonona Vakua Kilistu va vusunga.
Halumo mu Hasa ku Lema Naua Evi
VIHULA VI VE KU LINGA CIKUMA VANTU
Vika via pua Cilongesa ca Mbimbiliya?
Uanenu vikumbululo ku tuala ha vilongesa vietu via Mbimbiliya via vuana.
