TAMACHTILIS 18
Keniuj uelis tikmatiskej akonimej yekmelauj kichiuaj kemej Cristo
Millones kijtouaj ke kichiuaj kemej Cristo, sayoj ke amo kineltokaj sayoj se taman uan tataman kemej kiitaj maj se chipaujkanemi. Yejua ika, ¿keniuj uelis tikmatiskej akonimej yekmelauj kichiuaj kemej Cristo?
1. ¿Akoni yekmelauj kichiua kemej Cristo?
Akin yekmelauj kichiuaj kemej Cristo kitojtokaj Jesús (xikonita Hechos 11:26). ¿Keniuj kinextiaj ke ijkon kichiuaj? Jesús kijtoj: “Komo [...] nankisentokaj nankiyektakamatiyoue nochi ten namechilijtok, ijkuakon melau [...] nannomomachtijkauan” (Juan 8:31). Nejin kijtosneki ke akin yekmelauj kichiuaj kemej Cristo moneki kitakamatiskej tein yejua tamachtij. Yejua ika, tein kineltokaj kisa itech Biblia, ijkon kemej kichiuak Jesús keman tamachtij (xikonita Lucas 24:27).
2. ¿Keniuj kinextiaj ke tetasojtaj akin yekmelauj kichiuaj kemej Cristo?
Jesús kiniluij imomachtijkauan: “Ximosepantasojtakan se uan okse ijkon keme Nejuatsin namechtasojta” (Juan 15:12). ¿Keniuj Jesús kinextij ke kintasojtaya imomachtijkauan? Kixeloj tiempo iniuan yetos, kinyolchikauak, kinpaleuij uan hasta ininka momikilij (1 Juan 3:16). Akin yekmelauj kichiuaj kemej Cristo, amo sayoj kijtouaj ke motasojtaj ta ijkon kemej Jesús kinextiaj ika tein kijtouaj uan tein kichiuaj.
3. ¿Katiyejua tekit kiitaj ke okachi moneki akin kichiuaj kemej Cristo?
Jesús kinmakak imomachtijkauan nejin tekit, “kintitanik maj kiteixmatiltikan iTekiuajyo Dios” oso itaixyekanalis Dios (Lucas 9:2, TNM). Yekinika imomachtijkauan Jesús amo sayoj tanojnotsayaj kampa taueyichiuayaj, ta no tanojnotsayaj kampa miakej yetoyaj uan yayaj kajkalpan (xikonita Hechos 5:42; 17:17). Axkan akin yekmelauj kichiuaj kemej Cristo kiteixmatiltiaj tein Biblia tamachtia kampa miakej yetokej. Kemej tetasojtaj, kikuij inintiempo uan ininchikaualis para kiteixmatiltiskej tein Biblia kijtoua ke mochiuas uan keniuj teyolseuia tein kijtoua (Marcos 12:31).
MAJ OKACHI TIMOMACHTIKAN
Maj tikitakan keyej tamamej akin yekmelauj kichiuaj kemej Cristo uan akin amo kichiuaj tein yejua kichiuak nion tein tamachtij.
4. Kitemouaj tamachtilis tein kipia Biblia
Akin yekinika kichiuayaj kemej Cristo kipatiuitayaj iTajtol Dios.
Amo nochin akin kijtouaj ke kitojtokaj Cristo kipatiuitaj tamachtilis tein kipia Biblia. Xikitakan VIDEO uan ika xitajtokan nejin:
-
Seki taneltokalismej tein kijtouaj ke kichiuaj kemej Cristo amo kinekiaj maj oksekin kiixmatikan tein tamachtij Jesús, ¿toni kichiujkej?
Nochi tein Jesús tamachtij kisak itech iTajtol Dios. Xikitakan Juan 18:37 uan ika xitajtokan nejin:
-
Ijkon kemej Jesús kijtoj, ¿keniuj uelis tikmatiskej akonimej kitakamatij “melau Tajtoltsin de Dios”?
5. Tamachtiaj tein Biblia kijtoua
Akin yekinika kichiuayaj kemej Cristo tanojnotsayaj.
Achto ke Jesús yaskia iluikak, kinmakak se tekit imomachtijkauan tein kisentoka mochiua hasta axkan. Xikitakan Mateo 28:19, 20 uan Hechos 1:8, uan ika xitajtokan nejin:
-
¿Hasta kani uan kemanian motanojnotsaskia?
6. Kichiuaj tein tamachtiaj
¿Keyej Tom senkis kineltoka ke kinajsik akin yekmelauj kichiuaj kemej Cristo? Xikitakan VIDEO uan ika xitajtokan nejin:
-
¿Keyej Tom amo kiuelitak tein mochiuaya itech taneltokalis?
-
¿Keyej senkis kineltoka ke kinajsik akin yekmelauj kichiuaj kemej Cristo?
Moneki tikchiuaskej tein tikijtouaj. Xikitakan Mateo 7:21 uan ika xitajtokan nejin:
-
¿Toni kiita Jesús ke okachi moneki: maj sayoj tikijtokan ke titaneltokaj oso maj yekmelauj tikchiuakan?
7. Motasojtaj se uan okse
Akin yekinika kichiuayaj kemej Cristo motasojtayaj se uan okse.
Akin kichiuaj kemej Cristo, ¿yekmelauj kinpaleuiaj ininikniuan maski uelis momikiliskej? Xikitakan VIDEO uan ika xitajtokan nejin:
-
¿Keyej tokniuj Lloyd kipaleuij Johansson maski ueliskia kimiktiskej?
-
¿Kinextij ke yekmelauj kichiua kemej Cristo?
Xikitakan Juan 13:34, 35 uan ika xitajtokan nejin:
-
Akin yekmelauj kichiuaj kemej Cristo, ¿keniuj moneki kinitaskej akin seko kayomej uan akin taman kemej ixtamatij?
-
Kemej motasojtaj, ¿toni kichiuaj keman mochiua neteuilis?
TEIN SEKIN KIJTOUAJ: “Akin kijtouaj ke kichiuaj kemej Cristo kichiuanij miak taman tein semi amo kuali. ¿Keyej kijtouaj ke Dios kiselia inintaneltokalis?”.
-
¿Katiyejua texto ueliskia tikonkuis para tikonnextis akonimej yekmelauj kichiuaj kemej Cristo?
TEIN TIKITAKEJ
Akin yekmelauj kichiuaj kemej Cristo kichiuaj tein Biblia tamachtia, motemakaj kinpaleuiskej oksekin uan kiteixmatiltiaj tein Biblia kijtoua porin tetasojtaj.
Maj tikelnamikikan
-
¿Kani kisa tein kineltokaj akin yekmelauj kichiuaj kemej Cristo?
-
¿Toni okachi kinextiaj akin yekmelauj kichiuaj kemej Cristo?
-
¿Katiyejua tekit kiitaj ke okachi moneki akin yekmelauj kichiuaj kemej Cristo?
NO XIKONITA NEJIN
Xikonita akonimej mochikauaj kichiuaskej tein Jesús kichiuak uan tamachtij.
Xikonita keniuj se siuatsin akin katka monja kinajsik akin yekmelauj ichankauan porin kisentekitiliaj Dios.
“Contestaron todas mis preguntas con la Biblia” (La Atalaya, 1 de abril de 2014)
Xikonita keniuj akin yekmelauj kichiuaj kemej Cristo kinpaleuiaj oksekin keman moneki.
Tikinpaleuiaj tokniuan keman mochiua se tetsauit (taxelol) (3:57)
Jesús kijtoj akonimej yekmelauj itatojtokakauan. Xikonita keniuj kichiujkej ne uejkauj tein kijtoj, uan no itech nejin tonalmej.
“¿Qué identifica a los cristianos verdaderos?” (La Atalaya, 1 de marzo de 2012)
Xa no tikonuelitas
NETAJTANILMEJ TEIN MOCHIUAJ
¿Keniuj itaixpantijkauan Jiova kimachtiaj aksa ika Biblia?
Keman se itaixpantijkauj Jiova mitsonmachtis, tejuatsin uelis tikonkuis tein yeski Biblia. No uelis tikonyoleuas akin nemij mokalijtik oso akin yeski.
