TLAMACHTIL 18
¿Ken tikmatiskej akinmej melauak kichiuaj ken Cristo?
Sapanoua miakej kijtouaj kichiuaj ken Cristo, pero amo san se tlamantli kineltokaj uan tlatlamantli kichiuaj itech innemilis. Ikinon, ¿ken uelis tikmatiskej akinmej melauak kichiuaj ken Cristo?
1. ¿Ken kipiaj innemilis akinmej melauak kichiuaj ken Cristo?
Yejuan mochijchikauaj kichiuaskej ken Cristo (xiktlajtolti Hechos 11:26). ¿Ken kiteititiaj melauak kichiuaj ken ye? Jesús okijto: “Tla nankichiuaj tlen nitlamachtia, melauak nanyetoskej nodiscípulos” (Juan 8:31). Nin kijtosneki akinmej melauak kichiuaj ken Cristo, moneki kichiuaskej tlen ye otlamachti. Jesús nochipa otlamachti tlen kijtoua Biblia, ikinon akinmej kichiuaj ken Cristo noijki ijkon kichiuaj (xiktlajtolti Lucas 24:27).
2. ¿Ken kiteititiaj melauak tetlasojtlaj akinmej kichiuaj ken Cristo?
Jesús okinmilui akinmej okichiuayaj ken ye: “Ximosepantlasojtlakan ijkon ken ne namechtlasojtla” (Juan 15:12). ¿Ken okiteititi Jesús okintlasojtlaya akinmej okichiuayaj ken ye? Inuan omotlapouiayaj, okinyolchikauaya, okinpaleuiaya uan hasta omotemakak inpatka (1 Juan 3:16). Akinmej melauak kichiuaj ken Cristo amo san kijtouaj motlasojtlaj, nochipa kiteititiaj melauak motlasojtlaj ijkon ken okichi Jesús.
3. ¿Tlen okachi kipatioitaj kichiuaskej akinmej melauak kichiuaj ken Cristo?
Jesús okinnauati akinmej kichiuaj ken ye “matetlapouitij iTekiuajkayo toTajtsin Dios” (Lucas 9:2). Akinmej opejkej kichiuaj ken Cristo amo san otetlapouiayaj kanin omonechikouayaj, noijki otetlapouiayaj kanin miakej opanouayaj uan tekalijtik (xiktlajtolti Hechos 5:42; 17:17). Axkan akinmej melauak kichiuaj ken Cristo noijki san kanin tetlapouiaj. Yejuan kintlasojtlaj oksekimej uan yolpakij ijkuak mochijchikauaj kintlapouiskej oksekimej tlen kichiuas toTajtsin Dios uan kinyolseuiaj ika Biblia (Marcos 12:31).
MATIMOMACHTIKAN
Matikitakan ken uelis tikinmixmatiskej akinmej melauak kichiuaj ken Cristo uan akinmej amo.
4. Momachtiaj para kuali kajsikamatiskej tlen tlamachtia Biblia
Akinmej opejkej kichiuaj ken Cristo okipatioitayaj iTlajtol toTajtsin Dios.
Miakej kijtouaj kichiuaj ken Cristo pero amo kichiuaj tlen kijtoua Biblia. Xikitakan VIDEO uan satepan xikitakan tlen namechmachtia.
-
Seki religiones tlen okijtouayaj okichiuayaj ken Cristo, ayakmo okitekauiliayaj makimatikan tlen ye otlamachti ¿ken okichijkej?
Jesús nochipa otlamachti tlen kijtoua iTlajtol toTajtsin Dios. Xiktlajtoltikan Juan 18:37 uan satepan xikitakan tlen namechmachtia.
-
Ijkon ken okijto Jesús, ¿ken uelis tikinmixmatiskej akinmej kimatij uan kijtouaj “tlen melaua”?
5. Kitematiltiaj tlen kijtoua Biblia
Akinmej opejkej kichiuaj ken Cristo otetlapouiayaj.
Ijkuak Jesús yiyaskia iluikak, okinnauati akinmej kichiuaj ken ye makichiuakan se tekitl uan axkan ok mochijtok. Xiktlajtoltikan Mateo 28:19, 20 uan Hechos 1:8 uan satepan xikitakan tlen namechmachtia.
-
¿Kanin uan hasta keman motematiltis iTlajtol toTajtsin Dios?
6. Kichiuaj tlen tetlapouiaj
¿Tleka se tlakatl tlen itoka Tom okijto yokimatiaya akinmej melauak kichiuaj ken Cristo? Xikitakan VIDEO uan satepan xikitakan tlen namechmachtia.
-
Ijkon ken otikitakej itech video, ¿tleka Tom okiyolkoko tlen kichiuaj religiones?
-
¿Tleka Tom okijto okinmajsik akinmej melauak kichiuaj tlen kijtoua Biblia?
Uelis tikinmixmatiskej oksekimej ika tlen kichiuaj. Xiktlajtoltikan Mateo 7:21 uan satepan xikitakan tlen namechmachtia.
-
¿Tlen okachi kipatioita Jesús, tlen tikijtouaj tikneltokaj noso tlen tikchiuaj?
7. Nochtin motlasojtlaj
Akinmej opejkej kichiuaj ken Cristo omotlasojtlayaj.
Akinmej melauak kichiuaj ken Cristo, ¿motemakaj inpatka oksekimej? Xikitakan VIDEO uan satepan xikitakan tlen namechmachtia.
-
¿Tleka tokni Lloyd okinekiaya motemakas ipatka tokni Johansson?
-
¿Okiteititi melauak kichiua ken Cristo?
Xiktlajtoltikan Juan 13:34, 35 uan satepan xikitakan tlen namechmachtia.
-
Akinmej melauak kichiuaj ken Cristo, ¿ken moneki kinmitaskej akinmej uitsej itech okse altepetl?
-
¿Ken kiteititiskiaj tetlasojtlaj tla yetoskia guerra?
SEKIMEJ KIJTOUAJ: “Akinmej kijtouaj kichiuaj ken Cristo yokichijkej miak tlamantli amo kuali. Ikinon amo kinselia toTajtsin Dios”.
-
¿Tlen texto mitspaleuis xikteititi akinmej melauak kichiuaj ken Cristo?
XIKILNAMIKTO
Akinmej melauak kichiuaj ken Cristo, mochijchikauaj kichiuaj tlen tlamachtia Biblia, kinpaleuiaj oksekimej uan tetlapouiaj iTlajtol toTajtsin Dios.
Matikojpauikan
-
¿Kanin kisa tlen kineltokaj akinmej melauak kichiuaj ken Cristo?
-
¿Ken kiteititiaj melauak kichiuaj ken Cristo?
-
¿Tlen tekitl kichiuaj?
NIN NOIJKI MITSPAKTIS
Xikinmixmati akinmej mochijchikauaj kichiuaskej tlen otlamachti Jesús.
Xikita ken se siuatl tlen okatka monja, okinmajsik akinmej melauak kitlasojtlaj.
“Ika Biblia onechiluijkej nochi tlen oniknekiaya nikmatis” (Akin Tetlapouijtok, 1 de abril 2014)
Akinmej melauak kichiuaj ken Cristo, mopaleuiaj ijkuak tlajyouiaj.
Tikinpaleuiaj tokniuan ijkuak itlaj panoua (video tlen amo ueyi) (3:57)
Jesús okijto ken kipiaskiaj inyelis akinmej melauak kichiuaj ken ye. Ijkon okipiayaj inyelis akinmej opejkej kichiuaj ken Cristo uan noijki akinmej axkan katej.
Xamo noijki mitspaktis
TLEN MIAKEJ MOTLAJTLANIAJ
¿Ken tlamachtiaj iTlaixpantijkauan Jehová?
Ijkuak mitstlajpalotiuij iTlaixpantijkauan Jehová uelis timomachtis ika moBiblia. Noijki uelis tikinyoleuas mofamilia noso moyolikniuan mouan mamomachtikan.
